റിലയൻസ് ഇൻഡസ്ട്രീസ് അവകാശ ഓഹരി വിൽപ്പന ഇന്ന് മുതൽ; അറിയേണ്ട കാര്യങ്ങൾ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

വിപണി മൂല്യത്തിൽ ഏറ്റവും വലിയ കമ്പനിയായ റിലയൻസ് ഇൻഡസ്ട്രീസിന്റെ എക്കാലത്തെയും വലിയ അവകാശ ഓഹരി വിൽപ്പന ഇന്ന് ആരംഭിക്കും. മൂന്ന് പതിറ്റാണ്ടിനുള്ളിലെ ആർ‌ഐ‌എല്ലിന്റെ ആദ്യ അവകാശ ഓഹരി വിൽപ്പനയാണ് ഇന്നത്തേത്. റിലയൻസിനെ കടരഹിത കമ്പനിയാക്കുന്നതിന്റെ ഭാഗമാണ് ഈ അവകാശ ഓഹരി വിൽപ്പന. 2021 മാർച്ച് 31 നകം ഡെറ്റ് ഫ്രീ ആകുക എന്നതാണ് കമ്പനിയുടെ ലക്ഷ്യം. നാലാഴ്ചയ്ക്കുള്ളിൽ റിലയൻസ് ഇൻഡസ്ട്രീസ് ജിയോ പ്ലാറ്റ്‌ഫോമിലെ ഓഹരി വിൽപ്പനയിലൂടെ 67,195 കോടി രൂപ നേടിയിരുന്നു.

റിലയൻസ് ജീവനക്കാരുടെ ശമ്പളം വെട്ടിക്കുറച്ചു; മുകേഷ് അംബാനി ശമ്പളം ഉപേക്ഷിച്ചു

ഓഹരി വിൽപ്പന
 

ഓഹരി വിൽപ്പന

റിലയൻസ് ഇൻഡസ്ട്രീസ് അതിന്റെ മുഴുവൻ ഉടമസ്ഥതയിലുള്ള സബ്സിഡിയറിയായ ജിയോ പ്ലാറ്റ്‌ഫോമിലെ മൊത്തം 14.81 ശതമാനം ഓഹരികൾ സ്വകാര്യ ഇക്വിറ്റി നിക്ഷേപകരായ സിൽവർ ലേക്ക്, വിസ്റ്റ ഇക്വിറ്റി പാർട്ണേഴ്സ്, ജനറൽ അറ്റ്ലാന്റിക്, ഫേസ്ബുക്ക് ഇങ്ക് എന്നിവയ്ക്ക് വിറ്റു. 9.99 ശതമാനം ഓഹരികൾ 43,574 കോടി രൂപയ്ക്ക് വിറ്റ ഫേസ്ബുക്ക് ഇടപാടാണ് ഇതിൽ ഏറ്റവും വലുത്. റിലയൻസ് അവകാശ ഓഹരി വിൽപ്പനയെക്കുറിച്ച് നിങ്ങൾ അറിഞ്ഞിരിക്കേണ്ട ഏറ്റവും പ്രധാനപ്പെട്ട ചില കാര്യങ്ങൾ ഇതാ:

ഓർത്തിരിക്കേണ്ട കാര്യങ്ങൾ

ഓർത്തിരിക്കേണ്ട കാര്യങ്ങൾ

അവകാശ ഓഹരി വിൽപ്പനയ്ക്കുള്ള സബ്സ്ക്രിപ്ഷൻ ഇന്ന് തുറക്കും. അവസാന തീയതി 2020 ജൂൺ 3 നാണ്. മുകേഷ് അംബാനിയുടെ ഉടമസ്ഥതയിലുള്ള റിലയൻസ് ഇൻഡസ്ട്രീസ് ഓഹരി വിൽപ്പനയിലൂടെ 53,125 കോടി രൂപയാണ് ലക്ഷ്യം വച്ചിരിക്കുന്നത്. ഒരു ഓഹരിക്ക് 1,257 രൂപയാണ് വില. മെയ് 15 ന് 1,458.90 രൂപയായിരുന്നു റിലയൻസ് ഓഹരികളുടെ വില. ഇതനുസരിച്ച് 1,257 രൂപ വളരെ ആകർഷകമാണ്. 16 ശതമാനം കിഴിവാണ് വിലയിലുള്ളത്.

ഇനി വാട്ട്‌സ്ആപ്പിലൂടെയും സാധനങ്ങൾ വാങ്ങാം, ജിയോമാർട്ട് തുറന്നു; നിങ്ങൾ ചെയ്യേണ്ടത് ഇത്രമാത്രം

തുക നൽകേണ്ടത് എങ്ങനെ?

തുക നൽകേണ്ടത് എങ്ങനെ?

1:15 അനുപാതത്തിലായിരിക്കും അവകാശ ഓഹരികള്‍ ലഭ്യമാക്കുക. അതായത് നിലവില്‍ റിലന്‍സിന്റെ 15 ഓഹരികള്‍ കൈവശമുള്ളവർക്ക് ഒരു ഓഹരി വീതം ലഭിക്കും. അപേക്ഷ സമയത്ത്, ഓഹരി ഉടമകൾ ഒരു ഓഹരിയ്ക്ക് 314.25 രൂപ (മുഖവില 2.50 + പ്രീമിയം 311.75 രൂപയും) നൽകിയാൽ മതിയാകും. ബാക്കി തുക 942.75 രൂപയും ഡയറക്ടർ ബോർഡ് നിർണ്ണയിക്കുന്ന ഒന്നോ അതിലധികമോ തവണകളിൽ അടയ്ക്കാം. ഇതനുസരിച്ച്, ബാക്കി 942.75 രൂപ അടയ്ക്കുന്നതിനുള്ള തീയതികളും നിർദ്ദേശിച്ചിട്ടുണ്ട്. അതായത് 2021 മെയ് മാസത്തിൽ 25 ശതമാനം; 628.50 രൂപ, ബാക്കി 50 ശതമാനം 2021 നവംബറിലും നൽകാം.

വിൽപ്പനയ്ക്ക് കാരണം

വിൽപ്പനയ്ക്ക് കാരണം

നിലവിലുള്ള ഓഹരി ഉടമകൾക്ക് അവകാശ ഓഹരി വിൽപ്പന നടത്താനുള്ള കാരണം, കമ്പനിയുടെ റീട്ടെയിൽ, ടെലികോം വിഭാഗങ്ങൾ വികസിപ്പിച്ചെടുക്കുന്നതിലൂടെ വർഷങ്ങളായുണ്ടായ കടം വീട്ടുകയും 2021 മാർച്ച് 31 നകം കമ്പനിയെ ഡെറ്റ് ഫ്രീ ആക്കുകയും ചെയ്യുക എന്നതാണ്. നടപ്പ് സാമ്പത്തിക വർഷത്തിന്റെ ആദ്യ പാദത്തിൽ 1.04 ലക്ഷം കോടി രൂപയുടെ മൂലധന സമാഹരണ പരിപാടി കമ്പനി പൂർത്തിയാക്കുമെന്ന് പ്രതീക്ഷിക്കുന്നു. ജിയോ പ്ലാറ്റ്‌ഫോമുകളിൽ ഫെയ്‌സ്ബുക്ക് നടത്തിയ നിക്ഷേപം ഇതിനകം 43,574 കോടി രൂപ നേടി.

ഫെയ്‌സ്ബുക്കുമായി കൈക്കോര്‍ക്കുന്നു, ചൈനീസ് ആപ്പുകള്‍ക്ക് മറുപടി നല്‍കാന്‍ റിലയന്‍സ്

English summary

Reliance Industries Rights Issue Today; Things to know | റിലയൻസ് ഇൻഡസ്ട്രീസ് അവകാശ ഓഹരി വിൽപ്പന ഇന്ന് മുതൽ; അറിയേണ്ട കാര്യങ്ങൾ

Reliance Industries, the largest market shareholder in the country, will start its biggest ever rights issue today. Read in malayalam.
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X