റിലയൻസ് ജിയോയുടെ ഏറ്റവും പുതിയ റീച്ചാർജ് പ്ലാൻ; ജിയോ വരിക്കാർ തീർച്ചയായും അറിയേണ്ട കാര്യങ്ങൾ

റിലയൻസ് ജിയോ കമ്പനിയുടെ പട്ടികയിൽ പുതിയ ഒരു പ്രീപെയ്ഡ് പ്ലാൻ കൂടി ചേർത്തു. 598 രൂപ വിലവരുന്ന പുതിയ റീചാർജ് പ്ലാൻ ഡിസ്നി + ഹോട്ട്സ്റ്റാർ ആപ്പിലേക്ക് സൌജന്യ സബ്സ്ക്രിപ്ഷനും നൽകും. ജിയോ ആരംഭിച്ച എല്ലാ ഐ‌പി‌എൽ പ്ലാനുകൾക്കും പുറമേയാണ് ഈ പുതിയ പ്ലാൻ‌. 598 രൂപയുടെ ഈ പ്രീപെയ്ഡ് പ്ലാൻ 2 ജിബി ഡാറ്റയും മറ്റ് ആനുകൂല്യങ്ങളും വാഗ്ദാനം ചെയ്യുന്നു. ഇത് പ്രതിദിനം 2 ജിബി ഡാറ്റയാണ് ഉപഭോക്താക്കൾക്ക് നൽകുക.

പ്ലാനിന്റെ പ്രത്യേകതകൾ

പരിധിയില്ലാത്ത ജിയോ ടു ജിയോ വോയ്‌സ് കോളുകൾക്കൊപ്പം എല്ലാ നെറ്റ്‌വർക്കുകളിലേക്കും വോയ്‌സ് കോളുകൾക്കായി 2,000 മിനിറ്റും പ്രീപെയ്ഡ് പ്ലാനിൽ ലഭ്യമാണ്. പ്രതിദിനം 100 എസ്എംഎസും ലഭിക്കുന്ന ഈ പ്ലാനിന് 56 ദിവസത്തെ വാലിഡിറ്റിയാണുള്ളത്. എന്നിരുന്നാലും, 399 രൂപ വിലമതിക്കുന്ന ഡിസ്നി + ഹോട്ട്സ്റ്റാർ ആപ്ലിക്കേഷന്റെ സൌജന്യ സബ്സ്ക്രിപ്ഷനാണ് പ്ലാനിന്റെ പ്രത്യേകത. ഡിസ്നി + ഹോട്ട്സ്റ്റാറിലേക്കും മറ്റ് സ്ട്രീമിംഗ് ആപ്ലിക്കേഷനുകളിലേക്കും സൌജന്യ സബ്സ്ക്രിപ്ഷൻ വാഗ്ദാനം ചെയ്യുന്ന നിലവിലുള്ള പ്രീപെയ്ഡ് പ്ലാനുകൾ ഏതൊക്കെയാണെന്ന് നോക്കാം.

499 രൂപയുടെ പ്രീപെയ്ഡ് പ്ലാൻ

499 രൂപയുടെ പ്രീപെയ്ഡ് പ്ലാൻ നേരത്തെ റിലയൻസ് ജിയോ ക്രിക്കറ്റ് പായ്ക്കായി ആരംഭിച്ചിരുന്നു. പ്രീപെയ്ഡ് പ്ലാൻ പ്രതിദിനം 1.5 ജിബി ഡാറ്റ 56 ദിവസത്തേക്ക് വാഗ്ദാനം ചെയ്യുന്നുവെങ്കിലും കോളിംഗ് അല്ലെങ്കിൽ എസ്എംഎസ് ആനുകൂല്യങ്ങൾ വാഗ്ദാനം ചെയ്യുന്നില്ല. 399 രൂപ വിലമതിക്കുന്ന ഡിസ്നി + ഹോട്ട്സ്റ്റാറിലേക്ക് ഒരു വർഷത്തെ സബ്‌സ്‌ക്രിപ്‌ഷനോടെയാണ് പ്ലാൻ വരുന്നത്. 499 രൂപയുടെ പ്രീപെയ്ഡ് പ്ലാനിന് 56 ദിവസത്തെ സാധുതയാണുള്ളത്.

777 രൂപയുടെ പ്ലാൻ

ഇതിനുപുറമെ, 777 രൂപ വിലയുള്ള മറ്റൊരു പ്രീപെയ്ഡ് പ്ലാൻ ജിയോ പ്രഖ്യാപിച്ചിരുന്നു. ഈ പ്രീപെയ്ഡ് പ്ലാൻ പ്രതിദിനം 1.5 ജിബി ഡാറ്റയോടൊപ്പം ജിയോ ടു ജിയോ അൺലിമിറ്റഡ്, ജിയോ ടു നോൺ-ജിയോ എഫ്യുപി 3000 മിനിറ്റ് കോൾ വാഗ്ദാനം ചെയ്യുന്നു. പ്രതിദിനം 100 എസ്എംഎസും പ്ലാൻ വാഗ്ദാനം ചെയ്യുന്നുണ്ട്. സാധാരണ ആനുകൂല്യങ്ങൾക്ക് പുറമെ, പ്രീപെയ്ഡ് പ്ലാൻ ഡിസ്നി + ഹോട്ട്സ്റ്റാർ സ്ട്രീമിംഗ് ആപ്പിലേക്ക് സൌജന്യ സബ്സ്ക്രിപ്ഷനും വാഗ്ദാനം ചെയ്യുന്നു. ഈ പ്ലാനിന് 84 ദിവസത്തെ സാധുതയാണുള്ളത്.

401 രൂപയുടെ പ്രീപെയ്ഡ് പ്ലാൻ

ജിയോയുടെ നിലവിലുള്ള 401 രൂപ പ്രീപെയ്ഡ് പ്ലാൻ പ്രതിദിനം 3 ജിബി ഡാറ്റയും 3 ജി ഹൈ സ്പീഡ് ഡാറ്റയും കൂടാതെ 6 ജിബിയുടെ അധിക ഡാറ്റയും നൽകുന്നു. ഈ പ്രീപെയ്ഡ് പ്ലാൻ ജിയോ ടു ജിയോ അൺലിമിറ്റഡ്, ജിയോ ടു നോൺ-ജിയോ 1000 മിനിറ്റ് എഫ്യുപി എന്നിവ വാഗ്ദാനം ചെയ്യുന്നു. പ്രതിദിനം 100 എസ്എംഎസും ഈ പ്ലാനിനൊപ്പം ലഭിക്കും. ഈ പ്ലാനിന് 28 ദിവസത്തെ സാധുതയാണുള്ളത്.

2599 രൂപയുടെ പ്ലാൻ

2599 രൂപ വിലവരുന്ന വാർഷിക പ്ലാനാണ് പട്ടികയിലെ മറ്റൊരു പ്ലാൻ. പരിധിയില്ലാത്ത ജിയോ ടു ജിയോ വോയ്‌സ് കോളിംഗ്, 12,000 ജിയോ ഇതര മിനിറ്റ്, പ്രതിദിനം 100 എസ്എംഎസ് എന്നിവയുള്ള പ്രീപെയ്ഡ് പ്ലാനാണിത്. ഇത് 10 ജിബി അധികമായി പ്രതിദിനം 2 ജിബി ഡാറ്റ വാഗ്ദാനം ചെയ്യുന്നു. 399 രൂപ വിലമതിക്കുന്ന ഡിസ്നി + ഹോട്ട്സ്റ്റാർ വിഐപിയിലേക്ക് സൌജന്യ സബ്സ്ക്രിപ്ഷനും പ്ലാൻ വാഗ്ദാനം ചെയ്യുന്നുണ്ട്.