സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) ഉപഭോക്താക്കൾക്കായി ഡോർ സ്റ്റെപ് എടിഎം സേവനം അവതരിപ്പിച്ചു. ഇതിനായി നിങ്ങൾ ചെയ്യേണ്ടത് ഒരു വാട്ട്സ്ആപ്പ് സന്ദേശം അയയ്ക്കുകയോ എസ്ബിഐയിലേക്ക് ഒരു കോൾ ചെയ്യുകയോ മാത്രമാണ്. തുടർന്ന് ഒരു മൊബൈൽ എടിഎം നിങ്ങളുടെ വീട്ടിലെത്തും. കൊറോണ വൈറസ് ഭീതിയിൽ സാമൂഹിക അകലം പാലിക്കുന്ന ഉപയോക്താക്കൾക്ക് ഇത് ആശ്വാസകരമായ വാർത്തയാണ്. നിലവിൽ ലഖ്നൗവിൽ എസ്ബിഐ ഡോർ സ്റ്റെപ് എടിഎം സേവനം ഏർപ്പെടുത്താനുള്ള തീരുമാനത്തെക്കുറിച്ച് ലഖ്നൗ സർക്കിളിലെ സ്റ്റേറ്റ് ബാങ്ക് ഓഫ് ഇന്ത്യ ചീഫ് ജനറൽ മാനേജർ അജയ് കുമാർ ഖന്ന അറിയിച്ചു.
എസ്ബിഐ എടിഎം പിൻവലിക്കൽ നിയമങ്ങൾ
എസ്ബിഐ ജൂലൈ 1 മുതൽ പ്രാബല്യത്തിൽ വരുന്ന തരത്തിൽ എടിഎം പിൻവലിക്കൽ നിയമങ്ങൾ പരിഷ്കരിച്ചിരുന്നു. എസ്ബിഐയുടെ വെബ്സൈറ്റിൽ ലഭ്യമായ വിവരങ്ങൾ അനുസരിച്ച്, മെട്രോ നഗരങ്ങളിൽ ഒരു മാസത്തിനുള്ളിൽ ഇടപാട് നടത്താൻ ബാങ്ക് അതിന്റെ സാധാരണ സേവിംഗ്സ് അക്കൗണ്ട് ഉടമകൾക്ക് 8 സൗജന്യ ഇടപാടുകളാണ് അനുവദിക്കുന്നത്. 5 ഇടപാടുകൾ എസ്ബിഐ എടിഎമ്മുകളിൽ നിന്നും മറ്റേതെങ്കിലും ബാങ്കിന്റെ 3 എടിഎമ്മുകളിൽ നിന്നുമുള്ള സൗജന്യ ഇടപാടുകൾ ഇതിൽ ഉൾപ്പെടുന്നു.
എസ്ബിഐ എടിഎമ്മിൽ നിന്ന് 10000 രൂപയിൽ കൂടുതൽ പിൻവലിക്കാൻ പുതിയ രീതി, അറിയേണ്ട കാര്യങ്ങൾ
സേവനം ലഭിക്കുന്നത് ആർക്കൊക്കെ?
നോൺ-മെട്രോ നഗരങ്ങൾക്ക് 10 സൗജന്യ എടിഎം ഇടപാടുകൾ ലഭിക്കും. അതിൽ 5 ഇടപാടുകൾ എസ്ബിഐയിൽ നിന്നും 5 എണ്ണം മറ്റ് ബാങ്കുകളുടെ എടിഎമ്മിൽ നിന്നും നടത്താം. എസ്ബിഐ ഈ സൗകര്യം നിലവിൽ മുതിർന്ന പൗരന്മാർക്കും ഭിന്നശേഷിയുള്ള ആളുകൾക്കുമാണ് നൽകുന്നത്. എസ്ബിഐ അക്കൗണ്ട് ഉടമകൾക്ക് തിരഞ്ഞെടുത്ത ബ്രാഞ്ചുകളിൽ മാത്രമേ ഈ സേവനങ്ങൾ ലഭ്യമാകൂ.
എസ്ബിഐ അക്കൌണ്ടിൽ മിനിമം ബാലൻസ് ഇല്ലെങ്കിലും ഇനി പിഴയില്ല, എസ്എംഎസ് നിരക്കും വേണ്ട
ലഭിക്കുന്ന സേവനങ്ങൾ
ഡോർസ്റ്റെപ്പ് ബാങ്കിംഗ് സേവനത്തിൽ ക്യാഷ് പിക്കപ്പ്, ക്യാഷ് ഡെലിവറി, ചെക്ക് പിക്കപ്പ്, ചെക്ക് റിക്വസിഷൻ സ്ലിപ്പ് പിക്കപ്പ്, ഫോം 15 എച്ച് പിക്കപ്പ്, ഡ്രാഫ്റ്റ് ഡെലിവറി, ടേം ഡെപ്പോസിറ്റ് അഡ്വൈസ് ഡെലിവറി, ലൈഫ് സർട്ടിഫിക്കറ്റ് പിക്കപ്പ്, കെവൈസി ഡോക്യുമെന്റ്സ് പിക്കപ്പ് എന്നിവ ഉൾപ്പെടുന്നു.
കാനഡയിൽ പഠിക്കാൻ ആഗ്രഹമുണ്ടോ? എസ്ബിഐ സ്റ്റുഡന്റ് ജിഐസി പദ്ധതിയെക്കുറിച്ച് അറിയാം