Just In
-
-
-
-
Don't Miss
-
യുഎഇയും ഖത്തറും തുര്ക്കിയുടെ കൂടെ; ഇറാഖില് നിന്ന് പുതിയ പാത, ഇന്ത്യന് മോഹങ്ങള്ക്ക് തിരിച്ചടി -
ഗബ്രിയെ തേക്കുന്ന ദിവസം; ജാസ്മിന് ചതിച്ചത് ഒരേസമയം രണ്ട് പേരെ; നിലനില്പ്പിന് വേണ്ടി എന്തും ചെയ്യും! -
ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം -
രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
സെന്‍സെക്‌സില്‍ ഇന്നും റെക്കോഡ് നേട്ടം തുടരുന്നു. സെൻസെക്സ് 200 പോയിൻറുകൾ ഉയർന്ന് ഏറ്റവും ഉയർന്ന നിലവാരമായ 40,676 പോയിന്റിൽ എത്തി. നിഫ്റ്റി രാവിലെ തന്നെ 12,000 ന് മുകളിലാണ് വ്യാപാരം ആരംഭിച്ചിരിക്കുന്നത്. റിയൽ എസ്റ്റേറ്റ് മേഖലയ്ക്ക് ആശ്വാസമായി കേന്ദ്ര സർക്കാർ പുതിയ പാക്കേജ് ഇന്നലെ പ്രഖ്യാപിച്ചതിനെ തുടർന്നാണ് ഇന്ന് ഓഹരി വിപണിയിൽ വൻ കുതിപ്പ് തുടരുന്നത്.
കേന്ദ്ര സർക്കാരിന്റെ പ്രഖ്യാപനം
മുടങ്ങി പോയ ഭവന പദ്ധതികൾക്കായി ഒരു ഇതര നിക്ഷേപ ഫണ്ട് (എഐഎഫ്) രൂപീകരിക്കാനാണ് കേന്ദ്ര മന്ത്രിസഭ ബുധനാഴ്ച അംഗീകാരം നൽകിയിരിക്കുന്നത്. സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ), എൽ‌ഐ‌സി എന്നിവ മുടങ്ങിപ്പോയ ഭവന പദ്ധതികളെ പുനരുജ്ജീവിപ്പിക്കുന്നതിന് 25,000 കോടി രൂപയുടെ ഫണ്ടിലേയ്ക്ക് നിക്ഷേപം നടത്തുമെന്ന് മന്ത്രിസഭാ യോഗത്തിന് ശേഷം കേന്ദ്ര ധനമന്ത്രി നിർമ്മല സീതാരാമൻ വ്യക്തമാക്കിയിരുന്നു.
നേട്ടം ആർക്ക്?
നിഫ്റ്റി റിയൽറ്റി സൂചിക 2.7 ശതമാനം ഉയർന്നു. ഇന്ത്യാബുൾസ് റിയൽ എസ്റ്റേറ്റ് ലിമിറ്റഡ്, ശോഭ ലിമിറ്റഡ്, പ്രസ്റ്റീജ് എസ്റ്റേറ്റ്സ്, ഗോദ്‌റെജ് പ്രോപ്പർട്ടീസ് എന്നിവ 2% മുതൽ 5% വരെ നേട്ടമാണ് കൈവരിച്ചിരിക്കുന്നത്. പി‌എൻ‌ബി ഹൗസിംഗ് ഫിനാൻസ്, എൽ‌ഐ‌സി ഹൗസിംഗ് ഫിനാൻസ് എന്നിവ 4% മുതൽ 5% വരെ ഉയർന്നു.
സെൻസെക്സിൽ തുടർച്ചയായ കുതിപ്പ്
സെൻസെക്സ് കഴിഞ്ഞ പത്ത് വ്യാപാര ദിനങ്ങളിൽ ഒമ്പത് തവണയും മികച്ച പ്രകടനമാണ് കാഴ്ച്ച വച്ചിരിക്കുന്നത്. പ്രതീക്ഷിച്ചതിലും മികച്ച ക്യു 2 വരുമാന സീസണും, കോർപ്പറേറ്റ് നികുതി നിരക്ക് കുറയ്ക്കലും സാമ്പത്തിക വളർച്ച ഉയർത്തുന്നതിനുള്ള സർക്കാർ നടപടികളും, ആഗോള വിപണികളിലെ മികച്ച പ്രകടനുവുമാണ് വിപണിയിലെ കുതിപ്പിന് കാരണങ്ങൾ.
ബാങ്കിംഗ് ഓഹരികൾ
ബാങ്കിംഗ് ഓഹരികളും ഇന്ന് മികച്ച പ്രകടനമാണ് കാഴ്ച്ച വയ്ക്കുന്നത്. നിഫ്റ്റി ബാങ്ക് സൂചിക 0.54 ശതമാനം ഉയർന്ന് 30,775 ലെത്തി. എച്ച്ഡിഎഫ്സി ബാങ്ക്, ആക്സിസ് ബാങ്ക്, ആർ‌ബി‌എൽ ബാങ്ക്, ഇൻ‌ഡസ് ഇൻ‌ഡ് ബാങ്ക് എന്നിവയാണ് മികച്ച നേട്ടം കൈവരിച്ചിരിക്കുന്ന ഓഹരികൾ. യുഎസ്-ചൈന വ്യാപാരയുദ്ധം സംബന്ധിച്ച ആശങ്കകള്‍ക്ക് പരിഹാരമാകാത്തത് ഏഷന്‍ വിപണികളെ ഇന്ന് ബാധിച്ചിട്ടുണ്ട്.
malayalam.goodreturns.in
