Just In
-
-
-
-
Don't Miss
-
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്? -
ഈ രാശിക്കാരുടെ ഭാഗ്യം ആരംഭിച്ചു; മേയ് മാസത്തിലെത്തുമ്പോഴേക്കും കൊട്ടാരം പോലൊരു വീട് സ്വന്തം, തീർന്നില്ല... -
ഇന്ത്യയിലെ ഏറ്റവും മികച്ച സൂര്യോദ കാഴ്ചകൾ.. ഇതിലൊന്ന് ഏറ്റവും കൂടുതൽ കണ്ടത് മലയാളികളായിരിക്കും -
IPL 2024: സ്വിമ്മിങ് പൂളില് സുഹൃത്തിനൊപ്പം ചഹാലിന്റെ ഭാര്യ? വീഡിയോ വൈറല്! വസ്തുത ഇതാണ് -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
ഐടി മേഖലയിലെ പ്രമുഖ കമ്പനിയായ ടാറ്റ കൺസൾട്ടൻസി സർവീസസ് (ടിസിഎസ്) ഡിസംബർ 17 ന് കമ്പനിയുടെ വളർച്ചാ നിരക്ക് രേഖപ്പെടുത്തി. രാജ്യത്തെ ഏറ്റവും വലിയ ഐടി കമ്പനിയായ ടിസിഎസിന്റെ അറ്റാദായം 8,118 കോടി രൂപയാണ്. മുൻ‌വർഷം ഇതേ കാലയളവിൽ റിപ്പോർട്ട് ചെയ്ത 8,105 കോടി രൂപയിൽ നിന്ന് 0.2 ശതമാനം വർദ്ധനവാണ് കമ്പനി രേഖപ്പെടുത്തിയിരിക്കുന്നത്. നേരിയ നേട്ടം മാത്രമാണ് ഇത്തവണ കമ്പനി നേടിയത്.
സി‌എൻ‌ബി‌സി-ടിവി 18 വോട്ടെടുപ്പിൽ 8,224 കോടി രൂപ കണക്കാക്കിയിരുന്നെങ്കിലും പ്രതീക്ഷിച്ചത്ര നേട്ടം കമ്പനി കൈവരിച്ചില്ല. വരുമാനം 2.3 ശതമാനം ഉയർന്ന് 39,854 കോടി രൂപയായി. കോൺസ്റ്റന്റ് കറൻസി (സിസി) വരുമാനം 6.8 ശതമാനം വർധിച്ചു. കറൻസി ആനുകൂല്യങ്ങളും നിർവ്വഹണവും കാരണം കമ്പനിയുടെ പ്രവർത്തന മാർജിനുകൾ 100 ബേസിസ് പോയിന്റ് മെച്ചപ്പെടുത്തി. മൂന്നാം പാദ മാർജിനുകൾ 25 ശതമാനമായി.
ഇക്വിറ്റി ഷെയറിന് 5 രൂപ എന്ന മൂന്നാമത്തെ ഇടക്കാല ലാഭവിഹിതം കമ്പനി പ്രഖ്യാപിച്ചു. മൂന്നാമത്തെ ഇടക്കാല ലാഭവിഹിതത്തിന്റെ റെക്കോർഡ് തീയതി ജനുവരി 25 ഉം പേയ്‌മെന്റ് തീയതി ജനുവരി 31 ഉം ആണ്. ലൈഫ് സയൻസസ്, ഹെൽത്ത് കെയർ (17.1 ശതമാനം), കമ്മ്യൂണിക്കേഷൻസ്, മീഡിയ (9.5 ശതമാനം), ഉൽപ്പാദനം (9.2 ശതമാനം) എന്നിവയാണ് വരുമാന വളർച്ചയ്ക്ക് നേതൃത്വം നൽകി മേഖലകൾ. കൂടാതെ, ബി‌എഫ്‌എസ്‌ഐ (5.3 ശതമാനം), റീട്ടെയിൽ, സി‌പി‌ജി (5.1 ശതമാനം), ടെക്‌നോളജി ആൻഡ് സർവീസസ് (3.3 ശതമാനം) എന്നീ മേഖലകളും വളർച്ച കൈവരിച്ചതായി കമ്പനി അറിയിച്ചു.
കമ്പനിയുടെ റെഗുലേറ്ററി ഫയലിംഗ് അനുസരിച്ച്, വിപണി വളർച്ചയ്ക്ക് നേതൃത്വം നൽകിയത് യൂറോപ്പും (15.9 ശതമാനം), എംഇഎയും (10.8 ശതമാനം) ആണ്. യുകെയിലെ വളർച്ച (7.5 ശതമാനം), വടക്കേ അമേരിക്ക (4.1 ശതമാനം), ഏഷ്യ പസഫിക് (5.7 ശതമാനം) എന്നിങ്ങനെയാണ്. ഇന്ത്യൻ വിപണി വിഭാഗത്തിൽ 6.4 ശതമാനവും ലാറ്റിനമേരിക്ക 6.2 ശതമാനവും വളർച്ച നേടി.
