അംബാനിയ്ക്ക് പിന്നാലെ വാറൻ ബഫറ്റിനെയും പിന്നിലാക്കി ചൈനീസ് കോടീശ്വരൻ

വാറൻ ബഫെറ്റിനേക്കാൾ മുന്നിൽ

ഇപ്പോഴിതാ വാറൻ ബഫെറ്റിനേക്കാൾ 86.2 ബില്യൺ ഡോളറിന്റെ ആസ്തിയുള്ള ലോകത്തിലെ ആറാമത്തെ ധനികനായി ഷാൻഷാൻ മാറി. 2021 ൽ അദ്ദേഹത്തിന്റെ സമ്പത്തിലുണ്ടായ വർദ്ധനവ് എലോൺ മസ്‌ക്കിനേക്കാൾ ഇരട്ടിയാണ്. ജെഫ് ബെസോസ് (188.2 ബില്യൺ ഡോളർ), എലോൺ മസ്‌ക് (176.4 ബില്യൺ ഡോളർ), ബിൽ ഗേറ്റ്സ് (131.2 ബില്യൺ ഡോളർ), ബെർണാഡ് അർനോൾട്ട് (112.6- ഡോളർ) മാർക്ക് സക്കർബർഗ് (102.7 ബില്യൺ ഡോളർ) എന്നിവർക്ക് ശേഷം 100 ബില്യൺ ഡോളറിൽ കൂടുതൽ ആസ്തിയുള്ള ലോകത്തെ ആറാമത്തെ വ്യക്തിയായി സോങ് ഷാൻഷാൻ മാറി.

സോങ് ഷാൻഷാൻ

കുപ്പിവെള്ള കമ്പനിയായ നോങ്‌ഫു സ്പ്രിംഗിന്റെയും വാക്‌സിനുകളുടെയും ഹെപ്പറ്റൈറ്റിസ് കിറ്റുകളുടെയും നിർമ്മാതാവായ ബീജിംഗ് വാണ്ടായ് ബയോളജിക്കൽ ഫാർമസി എന്റർപ്രൈസസിന്റെ ചെയർമാനാണ് സോങ്. കഴിഞ്ഞ വർഷത്തെ ഭൂരിഭാഗം സമയത്തും ഏഷ്യയിലെ ഏറ്റവും ധനികനായ വ്യക്തിയായിരുന്നു മുകേഷ് അംബാനി. അദ്ദേഹത്തിന്റെ ഇപ്പോഴത്തെ ആസ്തി ഏകദേശം 76 ബില്യൺ ഡോളറാണ്. വർഷാരംഭം മുതൽ ഏകദേശം ഒരു ബില്യൺ നഷ്ടം രേഖപ്പെടുത്തി. 'ലോൺ വുൾഫ്' എന്നറിയപ്പെടുന്ന 66 കാരനായ സോങ് സ്വന്തം ബിസിനസ്സ് ആരംഭിക്കുന്നതിന് മുമ്പ് നിർമ്മാണത്തൊഴിലാളി, പത്ര റിപ്പോർട്ടർ, മരുന്ന് നിർമ്മാതാവ്, പാനീയ വിൽപ്പന ഏജന്റ് എന്നീ നിലകളിൽ പ്രവർത്തിച്ചിട്ടുണ്ട്.

മുകേഷ് അംബാനി

2020 ലെ ഒരു ഘട്ടത്തിൽ, ലോകത്തിലെ ഏറ്റവും ധനികനായ നാലാമത്തെ വ്യക്തിയായിരുന്നു അംബാനി. റിലയൻസ് ഇൻഡസ്ട്രീസിന്റെ ഓഹരികൾ എക്കാലത്തെയും ഉയർന്ന നിരക്കിൽ നിന്ന് 19 ശതമാനം ഇടിഞ്ഞു. കഴിഞ്ഞ വർഷം, റിലയൻസ് ഇൻഡസ്ട്രീസ് 200 ബില്യൺ ഡോളറിലധികം വിപണി മൂലധനമുള്ള ഇന്ത്യയിലെ ആദ്യത്തെ കമ്പനിയായി മാറിയിരുന്നു.

ജാക്ക് മാ

ഒരിക്കൽ ഏഷ്യയിലെ ഏറ്റവും സമ്പന്നനായ വ്യവസായി ആയിരുന്ന ആലിബാബ ഗ്രൂപ്പിന്റെ സ്ഥാപകനായ ജാക്ക് മാ അഞ്ചാം സ്ഥാനത്തേക്ക് പിന്തള്ളപ്പെട്ടു. അദ്ദേഹത്തിന്റെ ആസ്തി 51 ബില്യൺ ഡോളറിലധികമാണ്.