ട്രാൻസ്ജെൻഡർ ഉൾപ്പെടെയുള്ള വനിതാ ജീവനക്കാർക്ക് പ്രതിവർഷം 10 ദിവസം വരെ അധിക അവധി നൽകുമെന്ന് ഫുഡ് ഡെലിവറി കമ്പനിയായ സൊമാറ്റോ പറഞ്ഞു. വനിതാ ജീവനക്കാർക്ക് 10 ദിവസം വരെ "പീരിയഡ് ലീവ്" ആണ് കമ്പനി അധികമായി അനുവദിച്ചിരിക്കുന്നത്. പീരിയഡ് അവധിക്ക് അപേക്ഷിക്കുന്നതിൽ ലജ്ജയോ ആശങ്കയോ വേണ്ടെന്ന് സൊമാറ്റോ ചീഫ് എക്സിക്യൂട്ടീവ് ദീപീന്ദർ ഗോയൽ ശനിയാഴ്ച ഉദ്യോഗസ്ഥർക്ക് അയച്ച ഇമെയിലിൽ പറഞ്ഞു.
വനിതാ ജീവനക്കാർക്ക്
സഹപ്രവർത്തകരോട് നിങ്ങൾ പീരിയഡ് ലീവിലാണെന്ന് പറയാൻ മടിക്കേണ്ടതില്ലെന്നും ഗോയൽ പറഞ്ഞു. ജീവിതത്തിന്റെ ഒരു ഭാഗമാണ് സ്ത്രീകൾക്ക് പീരിയഡ്. ഈ അവസരത്തിൽ അവർക്ക് വിശ്രമിക്കേണ്ടതുണ്ട്. ധാരാളം സ്ത്രീകൾക്ക് ആർത്തവം വളരെ വേദനാജനകമാണെന്ന് തനിക്കറിയാമെന്നും സോമാറ്റോയിൽ ഒരു യഥാർത്ഥ സഹകരണ സംസ്കാരം വളർത്തിയെടുക്കാനാണ് താൻ ആഗ്രഹിക്കുന്നതെന്നും അതിന്റെ ഭാഗമായി വനിതാ ജീവനക്കാരെ പിന്തുണയ്ക്കേണ്ടതുണ്ടെന്നും ഗോയൽ പറഞ്ഞു.
വീട്ടമ്മമാർക്ക് ഈ ബിസിനസുകൾ ആരംഭിക്കാൻ പ്ലാനുണ്ടോ? മഹിള ഉദയം നിധി പദ്ധതി വഴി വായ്പ നേടാം
സൊമാറ്റോ
2008 ൽ സ്ഥാപിതമായ ഗുരുഗ്രാം ആസ്ഥാനമായുള്ള സൊമാറ്റോ ഇന്ത്യയിലെ ഏറ്റവും മികച്ച കമ്പനികളിൽ ഒന്നാണ്. അയ്യായിരത്തിലധികം ജീവനക്കാർ കമ്പനിയിലുണ്ട്. 2018 ൽ കേരളത്തിലെ ശബരിമല ക്ഷേത്രത്തിൽ ആർത്തവമുള്ള സ്ത്രീകൾക്ക് ഏർപ്പെടുത്തിയ വിലക്ക് സുപ്രീം കോടതി അസാധുവാക്കി. ഇത് സ്ത്രീകളുടെ അവകാശങ്ങളെക്കുറിച്ച് രാജ്യവ്യാപകമായി ചർച്ചയ്ക്ക് കാരണമായിരുന്നു.
കൊവിഡ് 19 പ്രതിസന്ധി: 13% ജീവനക്കാരെ പിരിച്ചുവിടാന് ഒരുങ്ങി സൊമാറ്റോ
എന്തുകൊണ്ട് 10 ദിവസം?
മിക്ക സ്ത്രീകൾക്കും ഒരു വർഷത്തിൽ 14 ആർത്തവചക്രം ഉണ്ട്. എന്നാൽ ചിലപ്പോഴിത് വാരാന്ത്യങ്ങളിലാകാനുള്ള സാധ്യതകളുമുണ്ട്. അതുകൊണ്ട് തന്നെ പുരുഷന്മാർക്കുള്ളതിനേക്കാൾ 10 ദിവസം അധിക അവധിയാണ് സ്ത്രീകൾക്ക് കമ്പനി അനുവദിച്ചിരിക്കുന്നത്. ഓരോ ആർത്തവചക്രത്തിലും ഒരു പീരിയഡ് അവധി മാത്രമേ എടുക്കാനാകൂ.
ഇന്ത്യയിൽ സേവനം അവസാനിപ്പിച്ച് ഊബർ, ബിസിനസ് സൊമാറ്റോയ്ക്ക് വിറ്റു
പരാതി നൽകാം
പീരിയഡ് അവധിക്ക് അപേക്ഷിച്ചതിനെക്കുറിച്ചോ അല്ലെങ്കിൽ അതുമായി ബന്ധപ്പെട്ടോ എന്തെങ്കിലും അനാവശ്യമായ സംസാരമോ മോശം അഭിപ്രായങ്ങളോ സ്ത്രീകൾക്ക് നേരിടേണ്ടി വന്നാൽ talkupzomato.comൽ റിപ്പോർട്ട് ചെയ്യണമെന്നും കമ്പനി ജീവനക്കാരെ അറിയിച്ചു. കൂടുതൽ സമഗ്രമായ തൊഴിൽ സംസ്കാരം വളർത്തിയെടുക്കുന്നതിന്റെ ഭാഗമായാണ് പുതിയ അവധി അവതരിപ്പിച്ചിരിക്കുന്നതെന്നും ഗോയൽ വ്യക്തമാക്കി.