ഇന്ത്യൻ ഓഹരി വിപണി 2017 ൽ മികച്ച പ്രകടനമാണ് കാഴ്ച വച്ചത്. സെൻസെക്സ് ഏകദേശം 26 ശതമാനം വരെ വർദ്ധനവ് രേഖപ്പെടുത്തി. എന്നാൽ 2018ൽ സെൻസെക്സ് ഏതാണ്ട് 9 ശതമാനത്തോളം ഇടിവാണ് രേഖപ്പെടുത്തുന്നത്. അതുകൊണ്ട് തന്നെ ഓഹരികൾ വിറ്റ് പണം എഫ്ഡികളിൽ നിക്ഷേപിക്കുന്നതാണ് ഉത്തമം. ചില കാരണങ്ങൾ ഇതാ...
ഏപ്രിൽ 1 മുതൽ ദീർഘകാല മൂലധന ആദായനികുതി
ദീർഘകാല മൂലധന നേട്ടങ്ങളിലുള്ള നികുതിയാണ് എൽടിസിജി. ഇത് രാജ്യത്ത് ഏപ്രിൽ ഒന്നു മുതൽ പുനരാരംഭിക്കും. ഇക്വിറ്റി ഓഹരി വിൽപനയിലൂടെയോ ഇക്വിറ്റി ലിക്വിഡ് ഫണ്ട് വഴിയോ ഒരു ലക്ഷം രൂപയ്ക്ക് മുകളിൽ മൂലധന നേട്ടമുണ്ടായാൽ ഏപ്രിൽ ഒന്നു മുതൽ 10 ശതമാനം നികുതി നൽകണം.
എഫ്ഡി പലിശ നിരക്ക് ഉയർത്തി
എസ്ബിഐ പോലുള്ള പല ബാങ്കുകളും സ്ഥിര നിക്ഷേപ പലിശ നിരക്ക് ഉയർത്തിയിട്ടുണ്ട്. കൂടാതെ കെടിഡിഎഫ്സി പോലുള്ള സ്റ്റേറ്റ് ഗവൺമെൻറ് കമ്പനികൾ പ്രതിമാസം 8.25 ശതമാനം പലിശയും നൽകും. ഓഹരിയിൽ പണം നിക്ഷേപിക്കുന്നതിനേക്കാൾ ലാഭമാണിത്.
റിസ്ക്
മറ്റ് നിക്ഷേപങ്ങളേക്കാൾ തീർത്തും റിസ്ക്ക് നിറഞ്ഞതാണ് ഓഹരി നിക്ഷേപം. വിപണിയെ ബാധിക്കുന്ന ഘടകങ്ങൾ ഏതൊക്കെയെന്ന് മുൻകൂട്ടി പ്രവചിക്കാൻ കഴിയില്ല. രാഷ്ട്രീയ കാര്യങ്ങൾ വരെ ചിലപ്പോൾ വിപണിയിൽ ഇടിവും ഉയർച്ചയും ഉണ്ടാകാൻ കാരണങ്ങളാണ്.
malayalam.goodreturns.in