അക്ഷയ തൃതീയയ്ക്ക് സ്വർണ നാണയം വാങ്ങുന്നവർ സൂക്ഷിക്കുക; ശ്രദ്ധിക്കേണ്ട കാര്യങ്ങൾ ഇവയാണ്

സ്വർണത്തിന്റെ പരിശുദ്ധി

24 കാരറ്റാണ് സ്വർണത്തിന്റെ പരിശുദ്ധി അളക്കുന്ന അളവുകോൽ. 24ൽ 24 ശതമാനവും സ്വർണം മാത്രമുള്ള ആഭരണങ്ങളാണ് 24 കാരറ്റ് എന്നു പറയുന്നത്. 24ൽ 22 ശതമാനം സ്വർണവും ബാക്കി രണ്ട് ശതമാനം മറ്റ് മെറ്റലുകളും അടങ്ങുന്നതാണ് 22 കാരറ്റ് സ്വർണം. ഇത് നോക്കി ആയിരിക്കണം ​സ്വർണ നാണയവും വാങ്ങേണ്ടത്.

ഹോൾമാർക്കിം​ഗ്

സ്വർണ നാണയം വാങ്ങുമ്പോൾ തീർച്ചയായും ഹോൾമാർക്ക് മുദ്ര ഉണ്ടോയെന്ന് പരിശോധിച്ച് വാങ്ങണം. ഇന്ത്യയിൽ വിൽക്കുന്ന സ്വർണ്ണം, വെള്ളി ആഭരണങ്ങളുടെ ശുദ്ധിയ്ക്ക് സാക്ഷ്യമുദ്ര നൽകുന്ന ഹാൾമാർക്കിങ്ങാണ് ബിഐഎസ് ഹാൾമാർക്കിം​ഗ്. ബ്യൂറോ ഓഫ് ഇന്ത്യൻ സ്റ്റാൻഡേഡ്സ് നിഷ്കർഷിക്കുന്ന നിലവാരം ആഭരണങ്ങൾക്കുണ്ടെന്ന് ഇത് സാക്ഷ്യപ്പെടുന്നു.

പണിക്കൂലി

ആഭരണങ്ങളുമായി താരതമ്യം ചെയ്യുമ്പോൾ സ്വർണ നാണയം വാങ്ങുന്നതാണ് ലാഭകരം. കുറഞ്ഞ പണിക്കൂലി ആയതുകൊണ്ട് പിന്നീട് വിൽക്കുമ്പോഴും നഷ്ടം കുറവായിരിക്കും.

തിരിച്ചെടുക്കില്ല

നിങ്ങൾ ബാങ്കിൽ നിന്നാണ് സ്വർണ നാണയങ്ങൾ വാങ്ങുന്നതെങ്കിൽ റിസർവ് ബാങ്ക് ഓഫ് ഇന്ത്യയുടെ (ആർബിഐ) നിർദ്ദേശ പ്രകാരം ബാങ്ക് ആ നാണയങ്ങൾ തിരിച്ചെടുക്കില്ല.

എവിടെ നിന്ന് വാങ്ങാം

ജൂവലറികളിൽ നിന്ന് മാത്രമല്ല നിങ്ങൾക്ക് ഓൺലൈൻ ഇ-ടെയിലേഴ്സ്, ബാങ്കുകൾ, സ്റ്റോക്ക് ഹോൾഡിംഗ് കോർപ്പറേഷൻ ഓഫ് ഇന്ത്യ, എംഎംടിസി എന്നിവിടങ്ങളിൽ നിന്നും സ്വർണ നാണയങ്ങൾ വാങ്ങാം.