Just In
-
-
-
-
Don't Miss
-
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
ചൂട് കുറയില്ല, 10 ജില്ലകളിൽ മുന്നറിയിപ്പ്; നിരാശ വേണ്ട, ആശ്വാസമായി വേനൽ മഴയും.. -
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
മ്യൂച്വൽ ഫണ്ട് നിക്ഷേപങ്ങൾ ഇന്ന് സജീവാണ്. ഓഹരി വിപണിയിൽ നേരിട്ട് നിക്ഷേപിക്കാൻ താൽപര്യമില്ലാത്തവർക്ക് ഓഹരി വിപണിയുടെ നേട്ടം നൽകുന്ന നിക്ഷേപമാണ് മ്യൂച്വൽ ഫണ്ടുകൾ. ദീര്‍ഘകാലയളവിലെ നേട്ടം കൊയ്യാനും നഷ്ട സാധ്യത കുറയ്ക്കാനും മ്യൂച്വൽ ഫണ്ട് നിക്ഷേപം വഴി സാധിക്കും.
മ്യൂച്വൽ ഫണ്ട് നിക്ഷേപത്തിന് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ അനുയോജ്യമായ മാർഗമാണ്. നിശ്ചിത ഇടവേളകളിൽ നിശ്ചിത തുക നിക്ഷേപിക്കുന്ന രീതിയാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ അഥവാ എസ്ഐപി. എന്നാൽ എസ്ഐപി ചെയ്യുന്നവരിൽ പലരും ഒളിഞ്ഞിരിക്കുന്ന ഇൻഷൂറൻസ് സൗകര്യത്തെ പറ്റി അറിഞ്ഞിരിക്കണമെന്നില്ല. ഇക്കാര്യമാണ് ചുവടെ വിശദീകരിക്കുന്നത്.
എസ്ഐപിയും ഇൻഷൂറൻസും
പല മ്യൂച്വല്‍ ഫണ്ട് ഹൗസുകളും എസ്ഐപി നിക്ഷേപകര്‍ക്ക് സൗജന്യമായി ഇന്‍ഷൂറന്‍സ് പരിരക്ഷ നല്‍കുന്നുണ്ട്. ഇതുവഴി എസ്ഐപി ചെയ്യുന്നൊരാള്‍ക്ക് നിക്ഷേപത്തിനൊപ്പം മറ്റു ചെലവുകളില്ലാതെ ഇന്‍ഷൂറന്‍സ് പരിരക്ഷയും ലഭിക്കും. എസ്ഐപി ഇന്‍ഷൂറന്‍സ് ഫോം പൂരിപ്പിക്കുമ്പോള്‍ തന്നെ ഈ സേവനം തിരഞ്ഞെടുക്കാം. ഗ്രൂപ്പ് ഇന്‍ഷൂറന്‍സ് പോളിസിയാണ് ലഭിക്കുക. 18-51 നും ഇടയില്‍ പ്രായമുള്ള നിക്ഷേപർക്കാണ് എസ്ഐപി നിക്ഷേപം വഴി ഇൻഷൂറൻസ് പരിരക്ഷ ലഭിക്കുന്നത്.
എസ്ഐപി കാലാവധി
എസ്ഐപി നിക്ഷേപം വഴി ഇൻഷൂറൻസ് പരിരക്ഷ ലഭിക്കുന്നതിന് ചില നിബന്ധനകൾ പൊതുവിലായുണ്ട്. എസ്ഐപി വഴി നിക്ഷേപിക്കുന്നവര്‍ക്ക് മൂന്ന് വര്‍ഷം നിക്ഷേപം തുടര്‍ന്നാല്‍ മാത്രമെ ഇന്‍ഷൂറന്‍സ് കവറേജിന്റെ ആനുകൂല്യം ലഭിക്കുക. ഈ കാലാവധിക്ക് മുന്‍പ് എസ്ഐപി പിന്‍വലിക്കുകയോ അവസാനിപ്പിക്കുകയോ ചെയ്താല്‍ ഇന്‍ഷൂറന്‍സ് പരിരക്ഷയും അവസാനിക്കും. മൂന്ന് വര്‍ഷത്തിന് ശേഷമാണ് എസ്ഐപി അവസാനിപ്പിക്കുന്നതെങ്കില്‍ നിക്ഷേപകന് 55-60 വയസ് എത്തുന്നത് വരെ ഇന്‍ഷൂറന്‍സ് പരിരക്ഷ ലഭിക്കും.
ഇന്‍ഷൂറന്‍സ് തുക
എസ്ഐപി തുകയെ ആശ്രയിച്ചാണ് ഇന്‍ഷൂറന്‍സ് പരിരക്ഷ ലഭിക്കുക. ആദ്യ വര്‍ഷത്തില്‍ എസ്ഐപി തുകയുടെ 10 മടങ്ങും രണ്ടാം വര്‍ഷത്തില്‍ 50 മടങ്ങും മൂന്നാം വര്‍ഷം മുതല്‍ 100 മടങ്ങും ഇന്‍ഷൂറന്‍സ് ലഭിക്കും. ഉദാഹരണത്തിന് എസ്ഐപി തുക 1,000 രൂപയാണെങ്കില്‍ ആദ്യ വര്‍ഷത്തെ പരിരക്ഷ 10,000 രൂപയായിരിക്കും.
രണ്ടാമത്തെ വര്‍ഷം ഇത് 50,000 രൂപയായി ഉയരും. മൂന്നാം വര്‍ഷത്തില്‍ 1 ലക്ഷം രൂപയാകും ഇന്‍ഷൂറന്‍സ് കവറേജ്. എസ്ഐപി വഴിയല്ലതാെ നിക്ഷേപകൻ നടത്തിയ അഡീഷണല്‍ പര്‍ച്ചേസുകള്‍ ഇന്‍ഷൂറന്‍സിന് പരിഗണിക്കില്ല.
പരമാവധി ഇൻഷൂറൻസ്
എസ്ഐപി നിക്ഷേപകർക്ക് 50 ലക്ഷം രൂപയാണ് പരമാവധി ഇന്‍ഷൂറന്‍സ് പരിരക്ഷ. ചില ഫണ്ട് ഹൗസുകള്‍ 20 ലക്ഷം വരെയാണ് ഇന്‍ഷൂറന്‍സ് നല്‍കുന്നത്. ഇത് ആ ഫണ്ട് ഹൗസിലുള്ള എല്ലാ നിക്ഷേപങ്ങളിലും കൂടി നല്‍കുന്ന ഇൻഷൂറൻസ് പരിരക്ഷയാണിത്.
നിലവിലുള്ള രോഗങ്ങള്‍ വഴിയുള്ള മരണങ്ങള്‍ക്ക് പോളിസി പരിരക്ഷ നല്‍കുന്നില്ല. എസ്ഐപി നിക്ഷേപകന്റെ മരണ ശേഷം നിക്ഷേപം നോമിനി മുന്നോട്ട് കൊണ്ടു പോവുകയാണെങ്കില്‍ ഇന്‍ഷൂറന്‍സ് പരിരക്ഷ ലഭിക്കും. നോമിനിക്ക് ഇന്‍ഷൂറന്‍സ് തുടര്‍ന്ന് കൊണ്ടു പോവുകയോ ക്ലെയിം ചെയ്യുകയോ ചെയ്യാം.
ആക്‌സിസ്, എസ്ബിഐ എന്നീ ഫണ്ട് ഹൗസുകള്‍ റിട്ടയര്‍മെന്റ് സ്‌കീമുകള്‍ക്ക് മാത്രമാണ് ഇന്‍ഷൂറന്‍സ് സൗകര്യം അനുവദിക്കുന്നത്. ഇവയ്ക്ക് 5 വര്‍ഷം ലോക് ഇന്‍ പിരിയഡുണ്ട് ഉണ്ട്. നിപ്പോണ്‍ , എസ്ബിഐ ഫണ്ട് ഹൗസുകളില്‍ ഇന്ത്യയില്‍ താമസക്കാരയവര്‍ക്കും പ്രവാസി ഇന്ത്യക്കാര്‍ക്കും ഇന്‍ഷൂറന്‍സുണ്ട്. ആക്‌സിസ്, പിജിഐഎം എന്നി ഫണ്ട് ഹൗസുകള്‍ പ്രവാസി ഇന്ത്യക്കാര്‍ക്ക് ഈ സൗകര്യം നല്‍കുന്നില്ല. വ്യത്യസ്ത ഫണ്ട് ഹൗസുകൾ വ്യത്യസ്ത രീതിയിലാണ് ഇൻഷൂറൻസ് നൽകുന്നത്. എസ്ഐപി ഫോം പൂരിപ്പിക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കണം.
