Just In
-
-
-
-
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പെട്ടന്നുള്ള ആവശ്യത്തിനായി ചിട്ടി ചേരാന്‍ ആഗ്രഹിക്കുന്നവര്‍ കെഎസ്എഫ്ഇ ശാഖയിലെ്ത്തി ഏതെങ്കിലും ചിട്ടി ചേരുന്നത് അബദ്ധമായി മാറും. ഓരോരുത്തരുടെയും ആവശ്യം തിരിച്ചറിഞ്ഞ് വേണം ചിട്ടി തിരഞ്ഞെടുക്കാന്‍. വേഗത്തില്‍ പണം ആവശ്യമുള്ളവ‌ർ ഹ്രസ്വകാല ചിട്ടികളാണ് തിരഞ്ഞെടുക്കേണ്ടത്. കുറഞ്ഞ വരിക്കാരും കുറഞ്ഞ കാലയളവുമായതിനാല്‍ പരമാവധി കിഴിവില്‍ ലേലം വിളിക്കാന്‍ കൂടുതല്‍ പേരുണ്ടാകില്ല. ഇതിനാല്‍ വലിയ കിഴിവിലേക്ക് പോകാതെ ആവശ്യ സമയത്ത് ചിട്ടി ലഭിക്കും.
വേഗത്തിലുള്ള പണ സമാഹരണത്തിന് ഹ്രസ്വകാല ചിട്ടികളാണ് അനുയോജ്യം. ചിട്ടി തുക പെട്ടന്ന് ആവശ്യമുള്ളവര്‍ക്ക് 25-60 മാസം കാലാവധിയുള്ള ഹ്രസ്വകാല ചിട്ടികള്‍ ചേരാം. പരമാവധി കിഴിവില്‍ ലേലം വിളിച്ചെടുക്കാന്‍ കൂടുതല്‍ ഉപഭോക്താക്കളില്ലാത്തതിനാല്‍ വേഗത്തില്‍ ലേലം ആരംഭിക്കുകയും ആവശ്യമായ തുകയ്ക്ക് ലേലം വിളിച്ചെടുക്കാനും സാധിക്കും. മാസത്തില്‍ 1,000 രൂപ മുതല്‍ 6 ലക്ഷം രൂപ വരെ പ്രതിമാസ തവണകളുള്ള ചിട്ടികളുണ്ട്.
ഇതില്‍ എളുപ്പത്തില്‍ പണം ആവശ്യമായി വരുന്നവര്‍ക്ക് 60 മാസം വരെയുള്ള ഹ്രസ്വകാല ചിട്ടികളില്‍ ചേരാവുന്നതാണ്. 2 വര്‍ഷത്തിനുള്ളില്‍ 4 ലക്ഷം രൂപ ആവശ്യമായി വരുന്നവര്‍ക്ക് ചേരാന്‍ സാധിക്കുന്ന ചിട്ടികള്‍ പരിചയപ്പെടാം.
25 മാസ ചിട്ടി
25 മാസം കാലാവധിയുള്ള 20,000 രൂപ മാസ അടവുള്ള 5 ലക്ഷം രൂപയുടെ ചിട്ടിയിൽ നിന്ന് വേഗത്തിൽ നാല് ലക്ഷം രൂപ നേടാൻ സാധിക്കും. 2 വര്‍ഷവും 1 മാസവുമുള്ള അടവില്‍ ചിട്ടിയിൽ നിന്ന് 30 ശതമാനം കിഴിവിൽ വിളിച്ചെടുത്താൽ 3.5 ലക്ഷം രൂപ നേടാന്‍ സാധിക്കും. ഏകദേശം 1 വർഷം കൊണ്ട് 4 ലക്ഷം രൂപ നേടാൻ ഈ ചിട്ടി ഉപകരിക്കും.
30 ശതമാനം കിഴിവില്‍ പോകുന്ന മാസങ്ങളില്‍ ചിറ്റാളന്മാര്‍ക്ക് 5,000 രൂപ വീതം ലാഭ വിഹിതം ലഭിക്കും. ഇതുപ്രകാരം മാസത്തില്‍ 15,000 രൂപയ്ക്കും 20,000 രൂപയ്ക്കും ഇടയിൽ തവണകളടയ്ക്കാൻ സാധിക്കുന്നവർക്ക് ചേരാം.
50 മാസ ചിട്ടി
10,000 രൂപ മാസ അടവുള്ള 50 മാസത്തെ 5 ലക്ഷത്തിന്റെ ചിട്ടിയിൽ മാസത്തിൽ പരമാവധി അടവ് വരുന്നത് 10,000 രൂപയും കുറഞ്ഞ മാസ അടവ് 7,500 രൂപയുമാണ്. ഏകദേശം 15 മാസത്തിനുള്ളിൽ 4 ലക്ഷം രൂപ ആവശ്യമുള്ളവർക്കും പരിഗണിക്കാവുന്ന റെഗുലർ ചിട്ടിയാണിത്. റെഗുലർ ചിട്ടിയായതിനാൽ പരമാവധി ലേല കിഴിവ് 30 ശതമാനമാണ്. മാസത്തിൽ പരമാവധി 3.50 ലക്ഷം രൂപ സ്വന്തമാക്കാം.
40 മാസ ചിട്ടി
സമാന രീതിയിൽ 1 വർഷം കൊണ്ട് 4 ലക്ഷം നേടാൻ സാധിക്കുന്ന 5 ലക്ഷത്തിന്റെ മറ്റൊരു ചിട്ടിയാണ് 12,500 രൂപ മാസ അടവുള്ള 40 മാസം കാലാവധിയുള്ള ചിട്ടി. 3 വര്‍ഷവും 4 മാസവുമാണ് ചിട്ടിയുടെ കാലാവധി. 30 ശതമാനം കിഴിവിലാണ് ചിട്ടി പരമാവധി താഴ്ന്ന് പോവുക.
ഈ മാസങ്ങളിൽ 9,375 രൂപ ചിട്ടിയിലേക്ക് അടച്ചാൽ മതിയാകും. 1.50 ലക്ഷം രൂപവരെയാണ് ചിട്ടിയിൽ താഴ്ത്തി വിളിക്കാൻ സാധിക്കുക. 12,500 രൂപയ്ക്കും 9,,375 രൂപയ്ക്കും ഇടയിൽ മാസ അടവ് സാധിക്കുന്നവർക്ക് പറ്റിയ ചിട്ടിയാണിത്.
എവിടെ ലഭിക്കും ചിട്ടി
കെഎസ്എഫ്ഇയുടെ വിവിധ ശാഖകളിൽ ഹ്രസ്വകാല ചിട്ടികൾ ആരംഭിക്കുന്നുണ്ട്. ഏതൊക്കെ ശാഖകളിലാണ് ചിട്ടി ആരംഭിക്കുന്നതെന്ന് അറിയാൻ ksfeonline.com എന്ന വെബ്സൈറ്റ് സന്ദർശിച്ചാൽ മതിയാകും. ഇതിൽ 14 ജില്ലകളിലെ വ്യത്യസ്ത ശാഖകളിൽ ആരംഭിക്കാൻ പോകുന്ന ചിട്ടിയുടെ വിശദാംശങ്ങൾ നൽകുന്നുണ്ട്. കേരളത്തിലെ ഏത് ശാഖയിലെ ചിട്ടിയിലും ചേരാൻ സാധിക്കും. ഓൺലൈനായി പണമടയ്ക്കാനുമുള്ള സൗകര്യം കെഎസ്എഫ്ഇ നൽകുന്നുണ്ട്.
