Click it and Unblock the Notifications
എന്പിഎസ് അഥവാ നാഷണല് പെന്ഷന് സ്കീം പദ്ധതിയ്ക്ക് ജനങ്ങള്ക്കിടയിലെ സ്വീകാര്യത ഏറെയാണ്. പദ്ധതിയെക്കുറിച്ച് കൂടുതല് അറിയുവാനും നിക്ഷേപം നടത്തുവാനും സമയാ സമയങ്ങളില് ഒട്ടേറെപ്പേര് താത്പര്യം കാണിക്കുന്നുണ്ട്. ഇപ്പോഴിതാ
എന്പിഎസ് അഥവാ നാഷണല് പെന്ഷന് സ്കീം പദ്ധതിയ്ക്ക് ജനങ്ങള്ക്കിടയിലെ സ്വീകാര്യത ഏറെയാണ്. പദ്ധതിയെക്കുറിച്ച് കൂടുതല് അറിയുവാനും നിക്ഷേപം നടത്തുവാനും സമയാ സമയങ്ങളില് ഒട്ടേറെപ്പേര് താത്പര്യം കാണിക്കുന്നുണ്ട്. ഇപ്പോഴിതാ ഈ പദ്ധതിയെക്കുറിച്ച് രാജ്യത്തെ ജനങ്ങള്ക്കിടയില് കൂടുതല് അവബോധം സൃഷ്ടിക്കുവാനുള്ള ശ്രമങ്ങളിലാണ് നമ്മുടെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ). ഇതിനായി ധാരാളം ബോധവത്ക്കരണ പരിപാടികളും തങ്ങളുടെ ഉപയോക്താക്കള്ക്കായി എസ്ബിഐ സംഘടിപ്പിച്ചു വരികയാണ്.
എന്പിഎസ് പദ്ധതി
കൂടാതെ എന്പിഎസ് പദ്ധതിയ്ക്ക് കീഴില് ബാങ്ക് ചില നേട്ടങ്ങളും ഉപയോക്താക്കള്ക്ക് വാഗ്ദാനം ചെയ്യുന്നുണ്ട്. ഇപ്പോള് എന്പിഎസ് ദിനാചരണവുമായി ബന്ധപ്പെട്ട പരിപാടികളിലാണ് എന്പിഎസ്. ഇത് സംബന്ധിച്ചുള്ള വിവരം എസ്ബിഐ തങ്ങളുടെ ഔദ്യോഗിക ട്വിറ്റര് പേജില് പങ്കുവച്ചിട്ടുണ്ട്.
എസ്ബിഐ എന്പിഎസ്
ഉപയോക്താക്കള്ക്ക് ആരോഗ്യകരവും സുരക്ഷിതവുമായ റിട്ടയര്മെന്റ് ഉറപ്പാക്കുന്നതിനായി നിക്ഷേപത്തിന്റെ പ്രാധാന്യം മനസ്സിലാക്കുവാനുള്ള അവസരം ഒരുക്കുകയാണ് എന്പിഎസ് ദിനാചരണത്തിലൂടെ ലക്ഷ്യമിടുന്നത് എന്ന് എസ്ബിഐ ചെയര്മാന് ദിനേശ് ഖാരെ പറഞ്ഞു. ഇതേക്കുറിച്ച് ജീവനക്കാരെയും തങ്ങളുടെ ഉപയോക്താക്കളെയും ബോധവത്ക്കരിക്കുന്ന പ്രവര്ത്തനം ബാങ്ക് തുടരും.
സമ്പാദ്യ ശീലം വളര്ത്തിയെടുക്കുവാന്
ഇതുവഴി ഉപയോക്താക്കളിലും ജീവനക്കാരിലും സമ്പാദ്യ ശീലം വളര്ത്തിയെടുക്കുവാനും സാധിക്കും. ചെറിയ പ്രായത്തില് തന്നെ ഈ പദ്ധതിയില് നിക്ഷേപം ആരംഭിക്കുന്ന വ്യക്തികള്ക്ക് വലിയ നേട്ടമാണ് സ്വന്തമാക്കാനാവുക. കൂടാതെ നിങ്ങള് എസ്ബിഐയുടെ എന്പിഎസ് തെരഞ്ഞെടുത്താല് മറ്റ് അധിക നേട്ടങ്ങളും നിങ്ങളെ കാത്തിരിക്കുന്നുവെന്നും എസ്ബിഐയുടെ ട്വിറ്റര് സന്ദേശത്തില് വ്യക്തമാക്കുന്നു.
മികച്ച നേട്ടം
എന്പിഎസ് ഒരു ദീര്ഘകാല നിക്ഷേപ ഉത്പ്പന്നമാണ്. പിഎഫ്ആര്ഡിഎയാണ് എന്പിഎസ് നിക്ഷേപങ്ങളുടെ മേല്നോട്ടവും നിയന്ത്രണവും നടത്തുന്നത്. വളരെ കുറഞ്ഞ ചിലവിലുള്ള നിക്ഷേപ പദ്ധതിയാണ് എന്പിഎസ് എന്നതാണ് മറ്റൊരു പ്രധാന സവിശേഷത. വിപണിയുമായി ബന്ധിപ്പിച്ചിരിക്കുന്ന നിക്ഷേപ പദ്ധതിയാണിത്. അതിനാല് നിക്ഷേപകര്ക്ക് വിപണിയില് നിന്നും ലഭിക്കുന്ന ഉയര്ന്ന ആദായ നേട്ടം സ്വന്തമാക്കുവാനും സാധിക്കും.
എസ്ബിഐ ബാങ്ക് ശാഖയില്
അടുത്തുള്ള എസ്ബിഐ ബാങ്ക് ശാഖയില് ചെന്ന് ഉപയോക്താക്കള്ക്ക് എന്പിഎസ് പദ്ധതിയില് അംഗമാകാം. എന്പിഎസിന് കീഴില് രണ്ട് തരം അക്കൗണ്ടുകളാണുള്ളത്. നികുതി നേട്ടം ലഭ്യമാകുന്ന ഒരു പെന്ഷന് അക്കൗണ്ടും, നികുതി നേട്ടം ലഭ്യമല്ലാത്ത നിക്ഷേപ അക്കൗണ്ടും. ഒരു സാമ്പത്തിക വര്ഷത്തില് ഏത് സമയത്തും 50,000 രൂപ വരെ പിന്വലിക്കുവാന് പദ്ധതിയിലൂടെ സാധിക്കും.
എസ്ബിഐ യോനോയിലൂടെ
എസ്ബിഐ എന്പിഎസില് രജിസ്റ്റര് ചെയ്യുന്നതിനായി രണ്ട് മാര്ഗങ്ങളാണുള്ളത്. എസ്ബിഐ യോനോയിലൂടെയും ഇന്റര്നെറ്റ് ബാങ്കിംഗിലൂടെയും ഇത് സാധ്യമാണ്. യോനോ ആപ്പില് നിക്ഷേപ ഓപഷന് തെരഞ്ഞെടുത്ത് എന്പിഎസ് അക്കൗണ്ട് ക്ലിക്ക് ചെയ്താല് ചില വിവരങ്ങള് കൂടി നല്കുന്നതോടെ നിങ്ങളുടെ അക്കൗണ്ട് തയ്യാറാകും.
ചുരുങ്ങിയ വിഹിതം
പെന്ഷന് അക്കൗണ്ടിലെ ഏറ്റവും ചുരുങ്ങിയ വിഹിതം 500 രൂപയാണ്. നിക്ഷേപ അക്കൗണ്ടിലെ ഏറ്റവും ചുരുങ്ങിയ വിഹിതം 1,000 രൂപയും. ഉപയോക്താക്കള്ക്ക് അവരുടെ താത്പര്യ പ്രകാരം പിഎഫ്എം അഥവാ പെന്ഷന് ഫണ്ട് മാനേജരെ തെരഞ്ഞെടുക്കാവുന്നതാണ്. ഒരു സാമ്പത്തിക വര്ഷത്തില് ഒരു തവണ പെന്ഷന് ഫണ്ട് മാനേജരെ മാറ്റുകയും ചെയ്യാം.
പ്രായ പരിധി
18 വയസ്സ് മുതല് 70 വയസ്സ് വരെ പ്രായമുള്ള വ്യക്തികള്ക്കാണ് എന്പിഎസ് പദ്ധതിയുടെ ഗുണഭോക്താക്കളാകുവാന് സാധിക്കുക. 60 വയസ്സോ അതിന് മുകളിലോ പ്രായമെത്തുമ്പോള് ആകെ നിക്ഷേപ തുക 2 ലക്ഷം രൂപയ്ക്ക് താഴെയാണെങ്കില് ആ മുഴുവന് തുകയും ഉപയോക്താവിന് പിന്വലിക്കാവുന്നതാണ്. റിട്ടയര്മെന്റിന് ശേഷവും 70 വയസ്സ് പൂര്ത്തിയാകുന്നത് വരെ ഉപയോക്താവിന് ഈ പദ്ധതിയില് തുടരുവാന് സാധിക്കും.
More From GoodReturns
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മംഗലാപുരം-രാമേശ്വരം ട്രെയിന്: പാമ്പന്പാലത്തിലൂടെയൊരു അപൂര്വ്വ തീര്ത്ഥയാത്ര, കേരളത്തിലെ സ്റ്റോപ്പുകളിതാ
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
സ്ത്രീകൾക്ക് സൗജന്യ ബസ് യാത്രയ്ക്കായി ഡൽഹി പിങ്ക് സഹേലി സ്മാർട്ട് കാർഡ് പുറത്തിറക്കി
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
Sign in with Google