കൈയിലുള്ള കാശുകൊണ്ട് സ്വർണം വാങ്ങണോ അതോ ഓഹരിയിൽ നിക്ഷേപിക്കണോ? ഇപ്പോൾ ലാഭമേത്?

ഇന്ത്യയിലെ സ്വർണ വിലയിൽ കഴിഞ്ഞ ഒരു വർഷത്തിനിടെ ഏകദേശം 30 ശതമാനം വർധനയുണ്ടായി. വില ഉയർന്നതോടെ നിക്ഷേപകർ സ്വർണ്ണ ഇടിഎഫുകളിൽ നിക്ഷേപം നടത്തുന്നത് വർദ്ധിപ്പിച്ചിട്ടുണ്ട്. മിക്ക സ്വർണ്ണ ഇടിഎഫുകളും സമാനമായ വരുമാനമാണ് നൽകി വരുന്നത്. അതുകൊണ്ട് തന്നെ എസ്‌ബി‌ഐ ഗോൾഡ് ഇടിഎഫിൽ നിന്നുള്ള വരുമാനം പരിശോധിക്കാം. 1 വർഷം, 3 വർഷം, 5 വർഷം എന്നിങ്ങനെ കാലാവധികളിലുള്ള ഇടിഎഫിൽ നിന്നുള്ള വരുമാനം യഥാക്രമം 30.45%, 18.07%, 13.18% എന്നിങ്ങനെയാണ്.

ഓഹരിയിൽ നിന്നുള്ള വരുമാനം

കഴിഞ്ഞ ഒരു വർഷത്തിൽ ഓഹരികൾ മോശം വരുമാനമാണ് നൽകിയിരിക്കുന്നത്. സ്വർണ്ണത്തിൽ നിന്നുള്ള വരുമാനവുമായി ഒരിടത്തും ഓഹരിയിൽ നിന്നുള്ള വരുമാനം താരതമ്യപ്പെടുത്താനാവില്ല. വളരെ അനിശ്ചിതത്വവും പ്രവചനാതീതവുമായ ഭാവിയിലൂടെയാണ് ഓഹരി വിപണി നിലവിൽ കടന്നു പോയിക്കൊണ്ടിരിക്കുന്നത്. ഈ വർഷം ആദ്യം 40 ശതമാനം വരെ ഉയർന്ന ശേഷമാണ് മാർച്ച് മാസത്തിൽ വിപണി ഏറ്റവും താഴ്ന്ന നിലയിലെത്തിയത്. അതുകൊണ്ട് തന്നെ വരുമാന വളർച്ച എപ്പോൾ വേണമെങ്കിലും ഉയരാനും സാധ്യതയുണ്ട്.

സ്വ‍ർണത്തിൽ നിന്നുള്ള വരുമാനം

കഴിഞ്ഞ 1 വർഷത്തിനിടയിൽ സ്വർണം ഏകദേശം 30 ശതമാനം ഉയർന്നു. എന്നാൽ സാമ്പത്തിക, ഭൗമ-രാഷ്ട്രീയ പ്രശ്നങ്ങൾ ഇല്ലെങ്കിൽ, സ്വർണത്തിന്റെ വില ഇത്രയും ഉയരാൻ സാധ്യതയില്ല. സാമ്പത്തിക പ്രശ്‌നമോ ഭൗമ-രാഷ്ട്രീയ സംഘർഷങ്ങളോ ഉണ്ടാകുമ്പോഴാണ് സ്വർണത്തെ സുരക്ഷിത നിക്ഷേപമായി കാണുന്നതും വില കുതിച്ചുയരുന്നതും. കൊറോണയ്ക്ക് മരുന്ന് കണ്ടെത്തിയാൽ പോലും സ്വർണ വില കുത്തനെ താഴേയ്ക്ക് പോകാൻ സാധ്യതയുണ്ട്.

ലാഭമേത്?

നിലവിൽ സ്വർണ്ണവും ഇക്വിറ്റികളും ആകർഷകമല്ലെന്നാണ് ചില വിദഗ്ധരുടെ അഭിപ്രായം. മറുവശത്ത്, സ്ഥിര നിക്ഷേപം പോലുള്ള കട ഉപകരണങ്ങൾ വെറും 5 മുതൽ 5.5 ശതമാനം വരെ വരുമാനം നൽകുന്നു. മൊത്തത്തിൽ, ഒരു നിക്ഷേപ കാഴ്ചപ്പാടിൽ ഇപ്പോൾ ഒരു അസറ്റ് ക്ലാസും ആകർഷകമാണെന്ന് തോന്നുന്നില്ല. പ്രത്യേകിച്ചും, സാമ്പത്തിക വീണ്ടെടുക്കലിന്റെ പാത വളരെ കഠിനവും നീണ്ടതുമായതിനാൽ. ഓഹരി വിപണികളിലും എപ്പോൾ വേണമെങ്കിലും നഷ്ടം നേരിട്ടേക്കാം.