Just In
-
-
-
-
Don't Miss
-
നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള് -
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല -
തിരുവനന്തപുരത്ത് വോട്ടിംഗ് മെഷീനുകളിൽ തകരാർ എന്ന് വ്യാജവാർത്ത: ജില്ലാ കളക്ടർക്ക് പരാതി -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഇന്ത്യയിലെ വൻകിട ബാങ്കുകൾ അവരുടെ സേവിംഗ്സ് അക്കൌണ്ട് പലിശനിരക്ക് കഴിഞ്ഞ വർഷം തന്നെ കുത്തനെ കുറച്ചിട്ടുണ്ട്. വലിയ ഷെഡ്യൂൾഡ് വാണിജ്യ ബാങ്കുകൾക്കിടയിൽ പോലും ഇത് വലിയ വിടവുകൾ സൃഷ്ടിച്ചു. ഉദാഹരണത്തിന്, സ്റ്റേറ്റ് ബാങ്ക് ഓഫ് ഇന്ത്യ സേവിംഗ്സ് അക്കൗണ്ടുകളിൽ 2.7 ശതമാനവും ഐസിഐസിഐ ബാങ്ക് സേവിംഗ്സ് അക്കൗണ്ടുകളിൽ 3 ശതമാനവും പലിശയാണ് വാഗ്ദാനം ചെയ്യുന്നത്. എന്നാൽ ഐഡിഎഫ്സി ഫസ്റ്റ് ബാങ്ക് 7 ശതമാനവും ആർ‌ബി‌എൽ ബാങ്ക് 6 ശതമാനവും വാഗ്ദാനം ചെയ്യുന്നു.
ഉയർന്ന പലിശ
ഐഡിഎഫ്സി ഫസ്റ്റ് ബാങ്ക് ഒരു ലക്ഷം മുതൽ 10 കോടി വരെ ബാലൻസിന് 7% പലിശനിരക്ക് വാഗ്ദാനം ചെയ്യുന്നു. ഒരു ലക്ഷം മുതൽ 10 ലക്ഷം വരെ ബാലൻസിൽ 6% പലിശ നിരക്ക് ആർ‌ബി‌എൽ ബാങ്ക് വാഗ്ദാനം ചെയ്യുന്നു. ഇൻഡസ്ഇൻഡ് ബാങ്ക് ഒരു ലക്ഷം മുതൽ 10 ലക്ഷം വരെ ബാലൻസിന് 5% പലിശയും 10 ലക്ഷത്തിൽ കൂടുതലുള്ള ബാലൻസുകളിൽ 6% പലിശനിരക്കും വാഗ്ദാനം ചെയ്യുന്നു. ഉയർന്ന പലിശനിരക്ക് ലഭിക്കണമെങ്കിൽ അക്കൌണ്ടിൽ ഉയർന്ന ബാലൻസ് ആവശ്യമാണ് എന്നതാണ് ഇവിടെ നിക്ഷേപകർ ശ്രദ്ധിക്കേണ്ട കാര്യം.
മിനിമിം ബാലൻസ്
ഐഡിഎഫ്സി ഫസ്റ്റ് ബാങ്ക് സേവിംഗ്സ് അക്കൌണ്ടിൽ പ്രതിമാസം ശരാശരി 25,000 രൂപ മിനിമ ബാലൻസ് ആവശ്യമാണ്. ആർ‌ബി‌എൽ ബാങ്കിനെ സംബന്ധിച്ചിടത്തോളം ഡിജിറ്റൽ സേവിംഗ്സ് അക്കൗണ്ടിൽ 5,000 രൂപ വേണം.
സേവിംഗ്സ് അക്കൌണ്ട് പലിശ നിരക്ക്
സേവിംഗ്സ് അക്കൌണ്ടിൽ പണം നിക്ഷേപിക്കുമ്പോൾ ചില അപകടസാധ്യതകൾ കൂടിയുണ്ട്. അതായത് ബാങ്ക് പെട്ടെന്ന് സേവിംഗ്സ് അക്കൌണ്ട് പലിശനിരക്ക് കുറയ്ക്കാൻ സാധ്യതയുണ്ട്. നിങ്ങൾ ലോക്ക് ചെയ്യുന്ന ഒരു സ്ഥിര നിക്ഷേപത്തിൽ (എഫ്ഡി) നിന്ന് വ്യത്യസ്തമായി ഇഷ്ടാനുസരണം ബാങ്കുകൾ പലിശ കുറയ്ക്കും. ഉദാഹരണത്തിന്, കൊട്ടക് മഹീന്ദ്ര ബാങ്കിന് അടുത്തകാലം വരെ 6% സേവിംഗ്സ് അക്കൌണ്ട് പലിശനിരക്ക് ഉണ്ടായിരുന്നു. ഏപ്രിലിൽ ഇത് 5 ശതമാനമായും മെയ് മാസത്തിൽ ഇത് 4 ശതമാനമായും കുറച്ചു. ഇപ്പോൾ 1 ലക്ഷം വരെയുള്ള ബാലൻസിന് ബാങ്ക് 3.5% പലിശ നിരക്കാണ് വാഗ്ദാനം ചെയ്യുന്നത്.
കാസ അനുപാതവും പലിശ നിരക്കും
കറന്റ്, സേവിംഗ്സ് അക്കൌണ്ട് ബാലൻസുകൾ ഒരു നിശ്ചിത ലെവലിൽ എത്തുന്നതുവരെ ബാങ്കുകൾ സാധാരണയായി ഉയർന്ന പലിശ നിരക്ക് നിലനിർത്തുന്നു. അക്കൌണ്ട് ബാലൻ‌സുകളുടെ അനുപാതം ഒരു ബാങ്കിന്റെ മൊത്തം നിക്ഷേപത്തിന് നൽകുന്നു. ഉദാഹരണത്തിന്, ഐഡിഎഫ്സി ഫസ്റ്റ്, ആർ‌ബി‌എൽ എന്നിവയ്ക്ക് CASA (current account and savings account) അനുപാതം യഥാക്രമം 33.70%, 30.1% എന്നിങ്ങനെയായിരുന്നു. എച്ച്ഡി‌എഫ്‌സി ബാങ്കിലെ അനുപാതം 40.1% ആണ്. ഇൻ‌ഡസിൻഡ് ബാങ്കിന്റെ കാസ അനുപാതം 40% ആണ്. ഇത് സേവിംഗ്സ് അക്കൌണ്ടുകളിൽ ഉയർന്ന പലിശനിരക്ക് വാഗ്ദാനം ചെയ്യേണ്ട ആവശ്യകതയില്ല എന്ന് സൂചിപ്പിക്കുന്നു.
നിഷ്ക്രിയ ആസ്തി അനുപാതം
മറ്റൊരു പ്രതിസന്ധി യെസ് ബാങ്കിൽ സംഭവിച്ചതുപോലെ ബാങ്ക് പരാജയപ്പെടുകയോ സാമ്പത്തിക പ്രതിസന്ധി നേരിടുകയോ ചെയ്യാം എന്നതാണ്. ഈ റിസ്ക് വിലയിരുത്തുന്നതിന്, ബാങ്കിന്റെ നിഷ്ക്രിയ ആസ്തി (എൻപിഎ) അനുപാതം നിരീക്ഷിക്കണം. ഐഡിഎഫ്സി ഫസ്റ്റ്, ആർ‌ബി‌എൽ, ഇൻ‌ഡസ് ഇൻ‌ഡ് എന്നിവയുടെ മൊത്തം എൻപിഎ അനുപാതം യഥാക്രമം 1.99%, 3,45%, 2.53% എന്നിങ്ങനെയാണ് എച്ച്ഡി‌എഫ്‌സി ബാങ്കിന്റെ എൻപിഎ അനുപാതം 1.36% ആണ്.
