വെള്ളി വില

സിൽവർ, ഗോൾഡ് വില അനുപാതത്തിൽ വലിയ മാറ്റമാണ് ഉണ്ടായിരിക്കുന്നത്. വരും വർഷങ്ങളിൽ വെള്ളി ഒരു പ്രധാന നിക്ഷേപമായി മാറുമെന്നാണ് വിദഗ്ധരുടെ അഭിപ്രായം. വെള്ളി നിലവിൽ റെക്കോർഡ് ഡിസ്കൗണ്ടിലാണ് വിൽക്കുന്നത്. ഇത് കൂടുതൽ ആവശ്യക്കാരെ ആകർഷിക്കും.

വ്യാവസായിക ലോഹം

നിലവിലെ അനിശ്ചിതത്വങ്ങൾ കാരണമാണ് സ്വർണ വില ഉയർന്നതെങ്കിൽ വ്യാവസായിക ലോഹം എന്ന നിലയിലാണ് വെള്ളി വില ഉയർന്നിരിക്കുന്നത്. ചെമ്പിന്റെ വിലയിലും മികച്ച വീണ്ടെടുക്കൽ കണ്ടു. അടുത്തിടെ വിലകൾ 2 വർഷത്തെ ഉയർന്ന നിലയിൽ എത്തി.ലോകമെമ്പാടുമുള്ള കൊവിഡ്-19 മഹാമാരി ബാധിച്ച 275 ഖനന പ്രവർത്തനങ്ങളിൽ ഏറ്റവും കൂടുതൽ ബാധിച്ചത് സ്വർണ്ണ, വെള്ളി ഖനികളെയാണ്.

സ്വർണം, വെള്ളി നാണയങ്ങൾ

സ്വർണ്ണത്തോടുള്ള ഇന്ത്യക്കാരുടെ താത്പര്യം എല്ലാവർക്കും അറിയാം. നിലവിൽ സ്വർണ്ണ നാണയങ്ങളും വെള്ളി നാണയങ്ങളും വാങ്ങുന്നതും നല്ലൊരു നിക്ഷേപ മാർഗമാണെന്നും വിദഗ്ധർ പറയുന്നു. സ്വർണ്ണവും വെള്ളിയും ഓരോ ഇന്ത്യൻ വീടുകളിലും സാധാരണക്കാർ മുതൽ സമ്പന്നർ വരെ വാങ്ങുന്നതും സൂക്ഷിക്കുന്നതുമായ ലോഹങ്ങളാണ്. പകർച്ചവ്യാധികൾക്കിടയിൽ പലിശ നിരക്കുകളും മറ്റും കുറഞ്ഞ നിക്ഷേപങ്ങളേക്കാൾ ലാഭകരമാണ് സ്വർണം, വെള്ളി നിക്ഷേപങ്ങൾ.