മൊബൈല്‍ നമ്പര്‍ ബാങ്കുമായി ലിങ്ക് ചെയ്യുന്നതിന്റെ 7 കാരണങ്ങള്‍

നിങ്ങളുടെ മൊബൈല്‍ നമ്പര്‍ ബാങ്കുമായി ലിങ്ക് ചെയ്യുന്നത് എന്തിനാണെന്നു അറിയാമോ? ഏതൊരു പണമിടപാട് നടത്തുമ്പോഴും എസ്എംഎസ് പോലെ നമുക്ക് ഒടിപി കോഡ് അഥവാ വണ്‍ ടൈം പാസ് വേര്‍ഡ് ലഭിക്കാറുണ്ട്. ഇവ ലഭിക്കുന്നത് നിങ്ങളുടെ പണമിടപാട് കൃത്യമായും വ്യക്തമായും നടക്കുന്നതിനു വേണ്ടിയാണ് . മൊബൈല്‍ നമ്പര്‍ ബാങ്കുമായി ലിങ്ക് ചെയ്യുമ്പോള്‍ ഉണ്ടാവുന്ന 7 ഗുണങ്ങള്‍ താഴെ കൊടുക്കുന്നു.

എല്ലാ പണമിടപാടുകളും നിങ്ങളെ അറിയിക്കുന്നു

ഏത് പണമിടപാട് നടന്നാലും അതായത് ഷോപ്പിങ് സമയത്ത് ഡെബിറ്റ് കാര്‍ഡ് യൂസ് ചെയ്താലും എടിഎമ്മില്‍ നിന്ന് പണം എടുത്താലും നിങ്ങളുടെ മൊബൈലില്‍ മെസേജുകള്‍ വരുന്നു.

ഇടപാടുകള്‍ ഓണ്‍ലൈന്‍ വഴി

എല്ലാ അംഗീകൃത സൈറ്റുകളിലും നിങ്ങളുടെ മൊബൈല്‍ നമ്പര്‍ കൊടുക്കുയാണെങ്കില്‍ അതില്‍ എന്തു മാറ്റം വേണമെങ്കിലും നിങ്ങള്‍ക്ക് ഓണ്‍ലൈന്‍ വഴി ചെയ്യാന്‍ കഴിയും. ഉദാഹരണത്തിന് ആധാര്‍ കാര്‍ഡിലെ അഡ്രസ് മാറ്റണമെങ്കില്‍ ഒടിപി വഴി നിങ്ങള്‍ക്ക് മാറ്റാന്‍ കഴിയും.

ഡെബിറ്റ് കാര്‍ഡ് നഷ്ടമായാല്‍

എന്തെങ്കിലും കാരണത്താല്‍ നിങ്ങളുടെ ഡെബിറ്റ് കാര്‍ഡ് നഷ്ടമായാല്‍ അതില്‍ നിന്ന് നെറ്റ് ബാങ്കിംങിന്റെ പാസ് വേര്‍ഡ് നഷ്ടമാവാനുള്ള സാധ്യത കൂടുതലാണ് ആയതിനാല്‍ നിങ്ങള്‍ മോബൈല്‍ നമ്പര്‍ കൊടുത്തിട്ടുണ്ടെങ്കില്‍ അതില്‍ എന്തു മാറ്റംവരുത്തിയാലും മെസേജ് അലേര്‍ട്ട് ഉണ്ടാവും. അപ്പോള്‍ ഉടന്‍ തന്നെ നിങ്ങളുടെ കാര്‍ഡ് ബ്ലോക്ക് ചെയ്യാന്‍ കഴിയും

എസ്എംഎസ് അലേര്‍ട്ട്

ബാങ്ക് നിങ്ങളുടെ എല്ലാ വിവരങ്ങളുടം അപ് ഡേറ്റു ചെയ്യും കൂടാതെ ബാലന്‍സും ഒരോ പേമെന്റും കൃത്യമായി അറിയിക്കും

ലോണ്‍ അടക്കാന്‍ മറക്കണ്ട

നിങ്ങള്‍ ബാങ്ക് ലോണ്‍ അടക്കേണ്ട ആളാണോ എങ്കില്‍ നിങ്ങള്‍ക്ക് അതിന്റെ മെസേജ് അലേര്‍ട്ട് കൃത്യമായി വരും. നിങ്ങളുടെ നിലവിലെ ബാലന്‍സും അറിയാന്‍ കഴിയും

മറ്റ് പണമിടപാടുകള്‍

എച്ച്ഡിഎഫ്‌സി പോലുള്ള് ചില ബാങ്കുകള്‍ ടോള്‍ഫ്രീ നമ്പറിലേക്ക് മിസ്‌കോള്‍ ചെയ്താല്‍ നിങ്ങളുടെ നിലവിലെ ബാലന്‍സ് സെക്കന്റുകള്‍ക്കകം അറിയാന്‍ കഴിയും

മൊബൈല്‍ നമ്പര്‍ മാറ്റുമ്പോള്‍

ഏതെങ്കിലും സാഹചര്യത്തില്‍ നിങ്ങളുടെ മൊബൈല്‍ നമ്പര്‍ മാറ്റുകയാണെങ്കില്‍ നിങ്ങള്‍ അത് തീര്‍ച്ചയായും ബാങ്കിനെ അറിയിച്ചിരിക്കണം ഇല്ലെങ്കില്‍ പണമിടപാടുകളുമായി ബന്ധപ്പെട്ട വിവരങ്ങള്‍ പഴയ നമ്പറിലേക്കാവും അയക്കുക അപ്പോള്‍ നിങ്ങള്‍ക്ക് ബാങ്കുമായുള്ള പ്രധാനപ്പെട്ട അറിയിപ്പുകള്‍ നഷ്ടമായേക്കും