ക്രഡിറ്റ് കാര്‍ഡ് EMI എങ്ങനെ പ്രവര്‍ത്തിക്കും?

ചിലവ് ഏറിയ സാധനങ്ങള്‍ വാങ്ങുമ്പോള്‍ ക്രഡിറ്റ് കാര്‍ഡുകള്‍ വഴി വാങ്ങുന്നത് വളരെ ഉപയോഗമുളള ഒന്നാണ്. അതാകുമ്പോള്‍ മുഴുവന്‍ തുകയും ഒരുമിച്ച് കൊടുക്കേണ്ടി വരില്ല. സീറോ EMI തിരഞ്ഞെടുക്കുക ആണെങ്കില്‍ പലിശ കൊടുക്കാതെ ഗഡുക്കളായി പണം അടയ്ക്കാവുന്നതാണ്.

ക്രഡിറ്റ് കാര്‍ഡ് EMI സ്‌കീമുകളെ അനുസരിച്ച് നിങ്ങള്‍ക്ക് മൂന്നു മാസം, ആറു മാസം, 24 മാസം കാലാവധിക്കുളളില്‍ പലിശ സഹിതം ഗഡുക്കളായി അടയ്ക്കാന്‍ സഹായിക്കുന്നു.ഇതിന്റെ പലിശ നിരക്ക് നിങ്ങള്‍ തിരഞ്ഞെടുക്കുന്ന സ്‌കീമുകളെ അനുസരിച്ചിരിക്കും. അത് 1.25% മുതല്‍ 2% വരെ ആകും.

ഒരു മാസം ഏതൊക്കെ രീതിയിലാണ് ഫീസ് ഉള്‍പ്പെടുത്തിയിരിക്കുന്നതെന്ന് നോക്കാം.

1. പ്രോസസിംഗ് ഫീസ്

പ്രോസസിംഗ് ഫീസ് ആയി സാധാരണ വരുന്നത് 0.5% മുതല്‍ 1% വരെയാണ്.

2. പലിശ

ബാങ്കുകളുടെ പലിശ നിരക്ക് 1.25% മുതല്‍ 2% വരെ ആണ്. ഇത് അര്‍ത്ഥമാക്കുന്നത് അവസാനം വരുമ്പോള്‍ ഉത്പന്നത്തിന്റെ യഥാര്‍ത്ഥ വിലയേക്കാള്‍ അധികം ആകുമെന്നാണ്.

3. പ്രീ പേയ്‌മെന്റ്

കാര്‍ഡിനെ ആശ്രയിച്ച് പ്രീ പേയ്‌മെന്റ് 1% മുതല്‍ 2% വരെ ആകും.