പണത്തിന് അത്യാവശ്യം വന്നാൽ ഇനി വിഷമിക്കേണ്ട നിങ്ങളുടെ ഇൻഷുറൻസ് പോളിസിയിൽ നിന്നും ലോൺ എടുക്കാം. പേഴ്സണൽ ലോണിനേക്കാൾ കുറഞ്ഞ പലിശയ്ക്ക് നിങ്ങൾക്ക് ഇൻഷുറൻസ് പോളിസി ലോൺ ലഭ്യമാകും. വായ്പ എടുക്കുന്നതിനാൽ പോളിസി മൂല്യം കുറയുകയുമില്ല.
ആവശ്യമായ രേഖകൾ
ഇൻഷുറൻസ് പോളിസിയിൽ നിന്ന് വായ്പയ്ക്ക് അപേക്ഷിക്കുന്നതിന് ചില രേഖകൾ ആവശ്യമാണ്. ഇതിനായി അപേക്ഷകൻ മുൻകൂറായി ഒരു അപേക്ഷ ഫയൽ ചെയ്യണം. കൂടാതെ ഒറിജിനൽ ലൈഫ് ഇൻഷുറൻസ് പോളിസി സമർപ്പിക്കുകയും ഒരു കരാറിൽ ഒപ്പുവയ്ക്കുകയും വേണം. ചിലപ്പോൾ കാൻസൽ ചെയ്ത ചെക്ക് ലീഫും സമർപ്പിക്കേണ്ടി വരും.
ഓർത്തിരിക്കേണ്ട കാര്യങ്ങൾ
വായ്പ എടുക്കുന്നതിന് മുമ്പ് നിങ്ങൾ ഓർത്തു വയ്ക്കേണ്ട ചില കാര്യങ്ങൾ താഴെ പറയുന്നവയാണ്.
- പോളിസി കാലയളവിനുള്ളിൽ തന്നെ അപേക്ഷകൻ വായ്പ തിരിച്ചടയ്ക്കണം.
- വായ്പ തിരിച്ചടവിൽ മുടക്കം വരുത്തിയാൽ ഇത് ഈടാക്കിയ ശേഷം മാത്രമാകും ക്ലെയിം തുക ലഭിക്കുക
- വായ്പ എടുത്ത ശേഷം പോളിസിയിൽ തുടർന്നുള്ള പ്രീമിയം അടയ്ക്കാതിരുന്നാൽ ഇൻഷുറൻസ് പോളിസി തന്നെ അവസാനിപ്പിച്ചേക്കാം
യോഗ്യത
എല്ലാ ഇൻഷുറൻസ് പോളിസികളിൽ നിന്നും നിങ്ങൾക്ക് വായ്പ ലഭിക്കില്ല. എൻഡോവ്മെന്റ് പോളിസികൾ, മണി ബാക്ക് പ്ലാനുകൾ, യൂണിറ്റ് ലിങ്ക്ഡ് ഇൻഷുറൻസ് പോളിസികൾ തുടങ്ങിയ പദ്ധതികളിൽ നിന്ന് വായ്പ ലഭിക്കും.
തിരിച്ചടവ്
വായ്പാ തുക പോളിസി കാലയളവിൽ തന്നെ തിരിച്ചടയ്ക്കണം. ഓരോ ബാങ്കുകളുടെയും സാമ്പത്തിക സ്ഥാപനങ്ങളുടെയും തിരിച്ചടവ് ഓപ്ഷനുകൾ വ്യത്യസ്തമാണ്. ചില സ്ഥാപനങ്ങൾ ആറ് മാസം വരെയുള്ള കാലാവധിയാകും തിരിച്ചടവിന് അനുവദിക്കുക. ആറുമാസത്തിനു മുമ്പ് ഉപഭോക്താവ് പണം തിരിച്ചടച്ചാലും ചിലപ്പോൾ ആറ് മാസത്തെ മുഴുവൻ പലിശയും നൽകേണ്ടി വരും.
malayalam.goodreturns.in