Click it and Unblock the Notifications
കോവിഡ് പ്രതിസന്ധിയില് നിന്നും കരകയറുന്ന ഘട്ടത്തില് വിപണിയിലെ മുന്നേറ്റത്തിന് നേതൃത്വം നല്കിയവയാണ് അദാനി ഗ്രൂപ്പ് ഓഹരികള്. അടുത്തിടെ ചില ഓഹരികളില് തിരുത്തല് നേരിട്ടെങ്കിലും അസ്ഥിരത പ്രകടമായ വിപണിയില് തിളക്കമാര്ന്ന പ്രകടനം തന്നെയാണ് അദാനി ഓഹരികള് പൊതുവില് കാഴ്ച വെയ്ക്കുന്നത്. ഇത്തരത്തില് കഴിഞ്ഞ 2 വര്ഷകാലയളവില് നിക്ഷേപകര്ക്ക് മള്ട്ടിബാഗര് നേട്ടം നല്കിയ 6 അദാനി ഗ്രൂപ്പ് ഓഹരികളെയാണ് ചുവടെ ചേര്ക്കുന്നത്.
അദാനി പവര്
രാജ്യത്ത് സ്വകാര്യ മേഖലയിലെ ഏറ്റവും വലിയ താപവൈദ്യുതി ഉത്പാദകരാണ് അദാനി പവര് ലിമിറ്റഡ്. 2020 ഓഗസ്റ്റ് 21-ന് അദാനി പവര് ഓഹരികള് 39.15 രൂപയിലായിരുന്നു. എന്നാല് കഴിഞ്ഞയാഴ്ചയില് ഈ ഓഹരികള് 412 രൂപയിലാണ് ക്ലോസ് ചെയ്തത്. അതായത് 2 വര്ഷത്തിനിടെ ഓഹരികള് 10.5 മടങ്ങ് ആദായമാണ് നിക്ഷേപകര്ക്ക് നല്കിയതെന്ന് സാരം.
ഇതോടെ രണ്ട് വര്ഷം മുമ്പ് 1 ലക്ഷം രൂപയ്ക്ക് വാങ്ങിയ അദാനി പവര് (BSE: 533096, NSE : ADANIPOWER) ഓഹരികളുടെ ഇന്നത്തെ വിപണി മൂല്യം 10.5 ലക്ഷമായി ഉയര്ന്നു.
അദാനി എന്റര്പ്രൈസസ്
രാജ്യത്ത് ഏറ്റവും വേഗത്തില് വളര്ന്നു കൊണ്ടിരിക്കുന്ന കോര്പ്പറേറ്റ് സ്ഥാപനങ്ങളിലൊന്നായ അദാനി ഗ്രൂപ്പിന്റെ ഹോള്ഡിംഗ് കമ്പനിയാണ് അദാനി എന്റര്പ്രൈസസ്. ഏറ്റവും വേഗത്തില് വളരുന്ന വൈവിധ്യവത്കരിക്കപ്പെട്ട കമ്പനിയുമാണിത്. അതേസമയം 2020 ഓഗസ്റ്റ് 21-ന് അദാനി എന്റര്പ്രൈസസ് ഓഹരികള് 233.35 രൂപയിലാണ് ക്ലോസ് ചെയ്തത്. എന്നാല് കഴിഞ്ഞയാഴ്ചയില് ഈ ഓഹരികള് 3,127 രൂപ നിലവാരത്തിലാണ് നില്ക്കുന്നത്. അതായത് 2 വര്ഷത്തിനിടെ ഓഹരികളില് നിന്നും 13.40 മടങ്ങ് ആദായം ലഭിച്ചുവെന്ന് ചുരുക്കം.
ഇതോടെ 2020-ല് 1 ലക്ഷം രൂപയ്ക്ക് വാങ്ങിയ അദാനി എന്റര്പ്രൈസസ് (BSE: 512599, NSE : ADANIENT) ഓഹരിയുടെ ഇന്നത്തെ വിപണി മൂല്യം 13.40 ലക്ഷമായി വര്ധിച്ചു.
അദാനി ഗ്രീന് എനര്ജി
പുനരുപയോഗ ഊര്ജ മേഖലയില് പ്രവര്ത്തിക്കുന്ന വിവിധ അദാനി ഗ്രൂപ്പ് ഉപസ്ഥാപനങ്ങളെ നിയന്ത്രിക്കുന്ന ഹോള്ഡിംഗ് കമ്പനിയാണ് അദാനി ഗ്രീന് എനര്ജി ലിമിറ്റഡ്. 2020 ഓഗസ്റ്റ് 21-ന് അദാനി പവര് ഓഹരികള് 376.55 രൂപയിലായിരുന്നു. എന്നാല് കഴിഞ്ഞയാഴ്ചയോടെ ഈ മള്ട്ടിബാഗര് ഓഹരി 2,422 രൂപയിലാണ് ക്ലോസ് ചെയ്തത്. അതായത് 2 വര്ഷത്തിനിടെ ഓഹരികള് 6.45 മടങ്ങ് ആദായമാണ് നിക്ഷേപകര്ക്ക് നല്കിയതെന്ന് സാരം.
ഇതോടെ രണ്ട് വര്ഷം മുമ്പ് 1 ലക്ഷം രൂപയ്ക്ക് വാങ്ങിയ അദാനി ഗ്രീന് എനര്ജി (BSE: 541450, NSE : ADANIGREEN) ഓഹരികളുടെ ഇന്നത്തെ വിപണി മൂല്യം 6.45 ലക്ഷമായി ഉയര്ന്നു.
അദാനി ട്രാന്സ്മിഷന്
ഊര്ജോത്പാദനം, പ്രസരണം, വിതരണം തുടങ്ങിയ മേഖലകളില് ദേശീയതലത്തില് പ്രവര്ത്തിക്കുന്ന അദാനി ഗ്രൂപ്പ് കമ്പനിയാണ് അദാനി ട്രാന്സ്മിഷന് ലിമിറ്റഡ്. അതേസമയം 2020 ഓഗസ്റ്റ് 21-ന് അദാനി ട്രാന്സ്മിഷന് ഓഹരി 272.10 രൂപയിലാണ് ക്ലോസ് ചെയ്തത്. എന്നാല് കഴിഞ്ഞയാഴ്ചയില് ഈ മള്ട്ടിബാഗര് ഓഹരി 3,612 രൂപ നിലവാരത്തിലാണ് നില്ക്കുന്നത്. അതായത് 2 വര്ഷത്തിനിടെ ഓഹരിയില് നിന്നും 13.25 മടങ്ങ് ആദായം ലഭിച്ചുവെന്ന് ചുരുക്കം.
ഇതോടെ 2020-ല് 1 ലക്ഷം രൂപയ്ക്ക് വാങ്ങിയ അദാനി ട്രാന്സ്മിഷന് (BSE: 539254, NSE : ADANITRANS) ഓഹരിയുടെ ഇന്നത്തെ വിപണി മൂല്യം 13.25 ലക്ഷമായി വര്ധിച്ചു.
അദാനി ടോട്ടല് ഗ്യാസ്
അദാനി ഗ്രൂപ്പിന്റേയും ഫ്രാന്സിലെ ടോട്ടല് ഏജന്സീസിന്റേയും സംയുക്ത സംരംഭമാണ് അദാനി ടോട്ടല് ഗ്യാസ്. പരിസ്ഥിതി സൗഹൃദ ഇന്ധനങ്ങളായ പൈപ്ഡ് നാച്ചുറല് ഗ്യാസ്, കംപ്രസ്ഡ് നാച്ചുറല് ഗ്യാസ് വിഭിഗങ്ങളിലെ മുന്നിര കമ്പനിയാണിത്. 2020 ഓഗസ്റ്റ് 21-ന് അദാനി ടോട്ടല് ഗ്യാസ് ഓഹരികള് 165.55 രൂപയിലായിരുന്നു. എന്നാല് കഴിഞ്ഞയാഴ്ചയോടെ ഈ മള്ട്ടിബാഗര് ഓഹരി 3,380.80 രൂപയിലാണ് ക്ലോസ് ചെയ്തത്.
അതായത് 2 വര്ഷത്തിനിടെ ഓഹരികള് 20.40 മടങ്ങ് ആദായമാണ് നിക്ഷേപകര്ക്ക് നല്കിയതെന്ന് സാരം. ഇതോടെ രണ്ട് വര്ഷം മുമ്പ് 1 ലക്ഷം രൂപയ്ക്ക് വാങ്ങിയ അദാനി ടോട്ടല് ഗ്യാസ് (BSE: 542066, NSE : ATGL) ഓഹരികളുടെ ഇന്നത്തെ വിപണി മൂല്യം 20.40 ലക്ഷമായി ഉയര്ന്നു.
അദാനി പോര്ട്ട്സ്
രാജ്യത്തെ ഏറ്റവും വലിയ വാണിജ്യ തുറമുഖ കമ്പനിയാണ് അദാനി പോര്ട്ട്സ് & സ്പെഷ്യല് എക്കണോമിക് സോണ് ലിമിറ്റഡ്. ഇന്ത്യയിലെ 25 ശതമാനം കണ്ടെയ്നര് നീക്കവും കമ്പനി കൈകാര്യം ചെയ്യുന്നു. അതേസമയം 2020 ഓഗസ്റ്റ് 21-ന് അദാനി പോര്ട്ട്സ് ഓഹരി 354.35 രൂപയിലാണ് ക്ലോസ് ചെയ്തത്. എന്നാല് കഴിഞ്ഞയാഴ്ചയില് ഈ മള്ട്ടിബാഗര് ഓഹരി 870 രൂപ നിലവാരത്തിലാണ് നില്ക്കുന്നത്.
അതായത് 2 വര്ഷത്തിനിടെ ഓഹരിയില് നിന്നും 2.50 മടങ്ങ് ആദായം ലഭിച്ചുവെന്ന് ചുരുക്കം. ഇതോടെ 2020-ല് 1 ലക്ഷം രൂപയ്ക്ക് വാങ്ങിയ അദാനി പോര്ട്ട്സ് (BSE: 532921, NSE : ADANIPORTS) ഓഹരിയുടെ ഇന്നത്തെ വിപണി മൂല്യം 2.50 ലക്ഷമായി വര്ധിച്ചു.
ചുരുക്കം
രണ്ട് വര്ഷം മുമ്പ് ഒരു നിക്ഷേപകന് ഒരു ലക്ഷം രൂപ വീതം അദാനി പവര്, അദാനി എന്റര്പ്രൈസസ്, അദാനി ഗ്രീന് എനര്ജി, അദാനി ട്രാന്സ്മിഷന്, അദാനി ടോട്ടല് ഗ്യാസ്, അദാനി പോര്ട്ട്സ് തുടങ്ങിയ ഓഹരികളില് നിക്ഷേപിച്ചിരുന്നു എങ്കില് ഇന്നതിന്റെ വിപണി മൂല്യം 66.50 ലക്ഷം രൂപയാകുമായിരുന്നു. (10.50 ലക്ഷം + 13.40 ലക്ഷം + 6.45 ലക്ഷം + 13.25 ലക്ഷം + 20.40 ലക്ഷം + 2.50 ലക്ഷം).
അറിയിപ്പ്
മുകളില് കൊടുത്തിരിക്കുന്ന ലേഖനം പഠനാവശ്യത്തിന് നല്കുന്നതുമാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള് എടുക്കും മുന്പ് സാമ്പത്തിക വിദഗ്ധന്റെ നിര്ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്ക്ക് വിധേയമാണ്. സ്വന്തം റിസ്കില് മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില് സംഭവിക്കുന്ന ലാഭ നഷ്ടങ്ങള്ക്ക് ഗ്രേനിയം ഇന്ഫര്മേഷന് ടെക്നോളജീസും ലേഖകനും ഉത്തരവാദികളല്ല.
More From GoodReturns
എൽപിജി സിലിണ്ടർ വാട്ട്സ്ആപ്പ് വഴി ബുക്ക് ചെയ്യാം, വളരെ എളുപ്പത്തിൽ കാര്യം കഴിയും, എങ്ങനെ എന്ന് നോക്കാം
ബെംഗളൂരു മലയാളികളുടെ ശ്രദ്ധയ്ക്ക്: പാചക വാതക ബുക്കിംഗില് കുതിച്ചുചാട്ടം, ഇക്കാര്യങ്ങള് അറിയണം
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
കേന്ദ്രസര്ക്കാര് ഗ്യാരണ്ടിയുള്ള ചെറു സമ്പാദ്യ പദ്ധതികള്: ആകര്ഷകമായ പലിശ; നിക്ഷേപം പോസ്റ്റ് ഓഫീസ് വഴിയും
പിപിഎഫ് മുതൽ സുകന്യ സമൃദ്ധി വരെ; ചെറുകിട നിക്ഷേപ പദ്ധതികളെക്കുറിച്ച് അറിയേണ്ടതെല്ലാം
ഐടി ജോലി വീട്ടിലിരുന്ന് ചെയ്യാം, വർക്ക് ഫ്രം ഹോം തിരികെ കൊണ്ടുവരാൻ ആലോചിച്ച് കമ്പനികൾ, കാരണം ഇതാണ്
ബെംഗളൂരു-കണ്ണൂര് എക്സ്പ്രസ് കോഴിക്കോട് വരെ നീട്ടി; മാര്ച്ച് 15 മുതല് സര്വീസ്, സമയക്രമം ഇതാ
എണ്ണ വിതരണത്തിൽ തലപുകച്ച് ഏഷ്യൻ രാജ്യങ്ങൾ, കടുത്ത നിയന്ത്രണവുമായി പാകിസ്ഥാൻ, സ്കൂളുകൾ അടച്ചു
ദുബായിൽ സ്വർണ വില ഇടിഞ്ഞു, അധികം വാങ്ങിയാൽ മികച്ച ലാഭം, പവന്റെ വിലയിലെ മാറ്റം അറിയാം
ഈദ്-ഉല്-ഫിതര് 2026: ഈദ് ഇന്ത്യയില് എപ്പോള്? ഈ ദിനത്തില് മാസപ്പിറവിയ്ക്ക് സാധ്യത
യാത്ര പോകുന്നവർ അറിയാൻ, ട്രെയിൻ സർവ്വീസുകളിൽ മാറ്റങ്ങളുണ്ട്, ശ്രദ്ധിച്ചില്ലെങ്കിൽ എട്ടിന്റെ പണി
Sign in with Google