ഒരു ദീർഘകാല നിക്ഷേപമെന്ന നിലയിൽ രാജ്യത്തെ എല്ലാവിധ ആളുകൾക്കും തിരഞ്ഞെടുക്കാൻ കഴിയുന്ന ഒരു നിക്ഷേപ മാർഗമാണ് പബ്ലിക് പ്രൊവിഡന്റ് ഫണ്ട് അഥവാ പിപിഎഫ്. സമാന കാലയളവിലെ മറ്റ് സ്ഥിര നിക്ഷേപങ്ങളെ അപേക്ഷിച്ച് ഉയർന്ന പലിശ നിരക്കും നികുതി ആനുകൂല്യങ്ങളുമാണ് പിപിഎഫിന് കൂടുതൽ സ്വീകാര്യത നൽകുന്നത്. പോസ്റ്റോഫീസിന് പുറമെ, സ്റ്റേറ്റ് ബാങ്ക് ഓഫ് ഇന്ത്യ ഉൾപ്പെടെയുള്ള രാജ്യത്തെ നിരവധി ബാങ്കുകൾ പിപിഎഫ് നിക്ഷേപ സൗകര്യം വാഗ്ദാനം ചെയ്യുന്നുണ്ട്. ഉപയോക്താക്കൾക്കും ഉപഭോക്താക്കൾ അല്ലാത്തവർക്കും പിപിഎഫ് വാഗ്ദാനം ചെയ്യുന്ന ബാങ്കുകളിൽ ഒന്നാണ് സ്റ്റേറ്റ് ബാങ്ക് ഓഫ് ഇന്ത്യ. എസ്ബിഐയിൽ ഒരു പിപിഎഫ് അക്കൗണ്ട് തുറക്കേണ്ടതെങ്ങനെയെന്ന് നോക്കാം;
എസ്ബിഐയിൽ പിപിഎഫ് അക്കൗണ്ട് തുറക്കാൻ
എസ്ബിഐയിൽ പിപിഎഫ് നിക്ഷേപം നടത്താൻ ആഗ്രഹിക്കുന്നവർ, ഫോം 'എ' പൂരിപ്പിച്ച് ആവശ്യമായ രേഖകൾ സഹിതം ഏതെങ്കിലും എസ്ബിഐ ബ്രാഞ്ചിൽ സമർപ്പിക്കണം. ഫോം 'എ' യിൽ നിങ്ങളുടെ പബ്ലിക് പ്രൊവിഡന്റ് ഫണ്ട് അക്കൗണ്ട് തുറക്കാൻ ആഗ്രഹിക്കുന്ന ബാങ്ക് ശാഖയുടെ പേര് പരാമർശിക്കേണ്ടതുണ്ട്. ഇങ്ങനെ പരാമർശിക്കുന്നത് വഴി നിങ്ങൾക്ക് സൗകര്യപ്രദമായ ഒരു ശാഖയിൽ പിപിഎഫ് അക്കൗണ്ട് തുറക്കാം. പ്രായപൂർത്തിയാകാത്തയാൾക്ക് വേണ്ടി തുറക്കാൻ കഴിയുന്ന ഒരു അക്കൗണ്ട് ഒഴികെ ഒരു വ്യക്തിക്ക് ഒരു പിപിഎഫ് അക്കൗണ്ട് മാത്രമേ പരിപാലിക്കാൻ കഴിയൂ.
എസ്ബിഐയിൽ ഒരു പിപിഎഫ് അക്കൗണ്ട് തുറക്കുന്നതിന് ആവശ്യമായ രേഖകൾ:
• പിപിഎഫ് അക്കൗണ്ട് തുറക്കുന്നതിനാവശ്യമായ ഫോം (ഫോം എ)
• നോമിനേഷൻ ഫോം
• പാസ്പോർട്ട് സൈസ് ഫോട്ടോ
• പാൻ കാർഡിന്റെ പകർപ്പ് / ഫോം 60-61
• ബാങ്കിന്റെ കെവൈസി മാനദണ്ഡമനുസരിച്ചുള്ള ഐഡി പ്രൂഫും റെസിഡൻസ് പ്രൂഫും
സൂക്ഷ്മ ചെറുകിട ഇടത്തരം വ്യവസായങ്ങൾക്കുള്ള 'ഉദ്യം'രജിസ്ട്രേഷന്; അറിയേണ്ടതെല്ലാം
യോഗ്യതാ മാനദണ്ഡങ്ങള്;
• ഇന്ത്യയിൽ താമസിക്കുന്ന വ്യക്തികൾക്ക് മാത്രമേ പിപിഎഫ് അക്കൗണ്ട് തുറക്കാൻ കഴിയൂ. മാത്രമല്ല നിയമപ്രകാരം ഒരു വ്യക്തിക്ക് ഒരു പിപിഎഫ് അക്കൗണ്ട് മാത്രമേ തുറക്കാൻ അനുവാദമുള്ളൂ. എന്നാൽ മാതാപിതാക്കൾക്ക് അവരുടെ പ്രായപൂർത്തിയാകാത്ത കുട്ടിയുടെ പേരിൽ ഒരു അക്കൗണ്ട് തുറക്കാൻ കഴിയും. ഒരാൾ ഇത്തരത്തിൽ രണ്ട് പിപിഎഫ് അക്കൗണ്ട് തുറന്നാലും 1.5 ലക്ഷം രൂപ മാത്രമേ രണ്ട് അക്കൗണ്ടിലും കൂടി ആകെ നിക്ഷേപിക്കാനാകൂ.
കൈയിൽ മിച്ചമുള്ള പണം ഇരട്ടിയാക്കാം, സർക്കാർ പിന്തുണയുള്ള ഈ നിക്ഷേപമാണ് ബെസ്റ്റ്
• പ്രായപൂർത്തിയാകാത്ത മകന്റെയോ മകളുടെയോ പേരിൽ മാതാപിതാക്കൾക്ക് ഒരു പിപിഎഫ് അക്കൗണ്ട് കൂടി തുറക്കാൻ കഴിയുമെങ്കിലും അമ്മയ്ക്കും അച്ഛനും ഒരേ കുട്ടിയുടെ പേരിൽ രണ്ട് പിപിഎഫ് അക്കൗണ്ടുകൾ തുറക്കാൻ കഴിയില്ല.
• പ്രായപൂർത്തിയാകാത്ത കുട്ടിയുടെ പേരിൽ മുത്തശ്ശിക്കോ മുത്തശ്ശനോ പിപിഎഫ് അക്കൗണ്ട് തുറക്കാൻ കഴിയില്ല; എന്നാൽ അച്ഛനും അമ്മയും മരണപ്പെടുകയാണെങ്കിൽ ഗ്രാന്റ്-പാരൻസിന് രക്ഷാധികാരി എന്ന നിലയിൽ പ്രായപൂർത്തിയാകാത്ത കുട്ടിയുടെ പേരിൽ ഒരു പിപിഎഫ് അക്കൗണ്ട് തുറക്കാൻ കഴിയും.
സ്വർണ വില ഇന്നും സർവ്വകാല റെക്കോർഡിൽ; കേരളത്തിലെ ഇന്നത്തെ സ്വർണ വില
പിപിഎഫ് കാൽക്കുലേറ്റർ;
പിപിഎഫ് മെച്യൂരിറ്റി മൂല്യം, നേടിയ പലിശ, പിപിഎഫിനെതിരായ വായ്പ, പിപിഎഫ് പിൻവലിക്കൽ തുക എന്നിവ തൽക്ഷണം കണക്കാക്കാൻ നിങ്ങൾക്ക് ഓൺലൈൻ പിപിഎഫ് കാൽക്കുലേറ്റർ ഉപയോഗിക്കാം. ഓൺലൈനിൽ നിരവധി പിപിഎഫ് കാൽക്കുലേറ്ററുകൾ ലഭ്യമാണ്. ഉപയോക്താക്കൾക്കും ഉപഭോക്താക്കൾ അല്ലാത്തവർക്കും പിപിഎഫ് വാഗ്ദാനം ചെയ്യുന്ന ബാങ്കുകളിൽ ഒന്നാണ് സ്റ്റേറ്റ് ബാങ്ക് ഓഫ് ഇന്ത്യ. എസ്ബിഐ പിപിഎഫ് കാൽക്കുലേറ്റർ ഉപയോഗിക്കുന്നത് ലഭ്യമായ പലിശനിരക്കും കാലാവധിയും അടിസ്ഥാനമാക്കി നിങ്ങളുടെ വരുമാനം കണക്കാക്കുന്നത് എളുപ്പമാക്കുന്നു.