Just In
-
-
-
-
Don't Miss
-
പേഴ്സണൽ ലോൺ കൈയെത്തും ദൂരത്ത്; കെഎസ്എഫ്ഇ ഇല്ലേ പിന്നെന്തിന് ടെൻഷൻ, പലിശ ഇത്രയും കുറവോ? -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
നൂറുകണക്കിന് കമ്പനികളില്‍ നിന്നും ഹ്രസ്വകാല വ്യാപാരത്തിനായി ഓഹികളെ തെരഞ്ഞെടുക്കുന്നതിന് വിവിധ മാര്‍ഗ്ഗങ്ങളാണ് നിക്ഷേപകര്‍ അവലംബിക്കുന്നത്. ഇതില്‍ ടെക്നിക്കല് സൂചകങ്ങളെ അടിസ്ഥാനമാക്കിയും ഓഹരിയുടെ വിലയിലെ ട്രെന്‍ഡിനെ അടിസ്ഥാനമാക്കിയും ഹ്രസ്വകാലത്തേക്ക് വ്യാപാരം നടത്തുന്നവരാണ് വലിയൊരു വിഭാഗവും. അതേസമയം 5 വര്‍ഷക്കാലയളവിലെ ഉയര്‍ന്ന നിലവാരം ഭേദിച്ച് ശക്തമായ മുന്നേറ്റത്തിനുള്ള സൂചന നല്‍കുന്ന 4 ഓഹരികളുടെ വിശദാംശമാണ് ചുവടെ ചേര്‍ക്കുന്നത്.
എന്തുകൊണ്ട് പ്രാധാന്യം ?
ഒരു ഓഹരിയില്‍ അന്തര്‍ലീനമായ ബുളളിഷ് ട്രെന്‍ഡിനെയാണ് ഉയര്‍ന്ന നിലവാരത്തിലേക്ക് അത് സമീപിക്കുമ്പോള്‍ അടിവരയിട്ടുറപ്പിക്കുന്നത്. വിപണിയില്‍ വമ്പന്‍ തകര്‍ച്ച അഭിമുഖീകരിക്കാത്തപക്ഷം വര്‍ഷക്കാലയളവിലെ ഉയര്‍ന്ന നിലവാരത്തിലേക്ക് വീണ്ടും ഓഹരിയെത്തുമ്പോള്‍ പുതിയ ഉയരം തിരുത്തിക്കുറിക്കാനുള്ള സാധ്യത വളരെയേറെയാണ്. ഇതിനോടൊപ്പം മറ്റു ടെക്നിക്കല് സൂചകങ്ങളും കൂടി വിലയിരുത്തുന്നത് ഓഹരിയിലെ വ്യാപാരത്തിന്റെ വിജയ സാധ്യത വര്‍ധിപ്പിക്കും. അതേസമയം ദിവസ വ്യാപാരത്തിന്റെ ഇടവേളയില്‍ കുറിച്ചതിനു പകരം വ്യാപാരം അവസാനിപ്പിക്കുമ്പോഴുള്ള വിലയുടെ അടിസ്ഥാനത്തിലുള്ള ഉയര്‍ന്ന നിലവാരമാണ് പരിഗണിക്കേണ്ടത്.
പിഐ ഇന്‍ഡസ്ട്രീസ്
കാര്‍ഷിക രാസപദാര്‍ത്ഥങ്ങളുടെ മേഖലയില്‍ ആഭ്യന്തര, വിദേശ വിപണികളില്‍ ശക്തമായ സാന്നിധ്യമുള്ള കമ്പനിയാണ് പിഐ ഇന്‍ഡസ്ട്രീസ്. അഗ്രോ കെമിക്കല്‍ മേഖലയിലെ എല്ലാത്തരം മൂല്യവര്‍ധിത സേവനങ്ങളും നല്‍കുന്നു. സാങ്കേതിക നൈപുണ്യത്തിലും ഗവേഷണ മികവിലും എന്‍ജിനീയറിങ് അനുബന്ധ സേവനങ്ങളിലും ശക്തമായ അടിത്തറയാണ് കമ്പനിക്കുള്ളത്.
അതേസമയം കഴിഞ്ഞ 5 വര്‍ഷ കാലയളവില്‍ പിഐ ഇന്‍ഡസ്ട്രീസ് ഓഹരിയുടെ ഉയര്‍ന്ന വില നിലവാരം 3,535 രൂപയായിരുന്നു. കഴിഞ്ഞ ദിവസം 3,624 രൂപയിലായിരുന്നു ഈ മിഡ് കാപ് ഓഹരി വ്യാപാരം പൂര്‍ത്തിയാക്കിയത്. 2022-ല്‍ ഇതുവരെയായായി 18% നേട്ടം പിഐ ഇന്‍ഡസ്ട്രീസ് (BSE: 523642, NSE : PIIND) ഓഹരികള്‍ കരസ്ഥമാക്കി.
ലക്ഷ്മി മെഷീന്‍ വര്‍ക്ക്‌സ്
ടെക്‌സ്‌റ്റൈല്‍ മേഖലയിലേക്ക് ആവശ്യമായ എല്ലാത്തരം ഉപകരണങ്ങള്‍ നിര്‍മിക്കുന്ന രാജ്യത്തെ ഏറ്റവും വലിയതും ആഗോള തലത്തില്‍ ആദ്യ മൂന്ന് സ്ഥാനങ്ങള്‍ക്കുള്ളില്‍ നില്‍ക്കുന്നതുമായ കമ്പനിയാണ് ലക്ഷ്മി മെഷീന്‍ വര്‍ക്ക്‌സ്. അതേസമയം കഴിഞ്ഞ 5 വര്‍ഷ കാലയളവില്‍ ഈ മിഡ് കാപ് ഓഹരിയുടെ ഉയര്‍ന്ന വില നിലവാരം 13,354 രൂപയായിരുന്നു. ഇന്നലെ 13,484 രൂപയിലായിരുന്നു ഓഹരിയുടെ ക്ലോസിങ്.
ഈവര്‍ഷം ഇതുവരെയുള്ള കാലയളവില്‍ 55% നേട്ടം ലക്ഷ്മി മെഷീന്‍ വര്‍ക്ക്‌സ് (BSE: 500252, NSE : LAXMIMACH) ഓഹരിയില്‍ രേഖപ്പെടുത്തിയിട്ടുണ്ട്.
ഐടിസി
നൂറിലേറെ വര്‍ഷത്തെ പാരമ്പര്യമുള്ള ഐടിസി കമ്പനിക്ക് അഞ്ച് വിഭാഗങ്ങളിലായി 13 ബിസിനസ് സംരംഭങ്ങളാണുള്ളത്. സിഗരറ്റ് വിപണിയിലെ അനിഷേധ്യ നേതാവാണ്. 100-ലധികം രാജ്യങ്ങളിലേക്ക് കമ്പനിയുടെ ഉല്‍പ്പന്നങ്ങള്‍ കയറ്റുമതി ചെയ്യുന്നു. അതേസമയം കഴിഞ്ഞ 5 വര്‍ഷ കാലയളവില്‍ ഐടിസി ഓഹരിയുടെ ഉയര്‍ന്ന വില നിലവാരം 35.80 രൂപയായിരുന്നു. കഴിഞ്ഞ ദിവസം 360.70 രൂപയിലായിരുന്നു ഈ ലാര്‍ജ് കാപ് ഓഹരി വ്യാപാരം പൂര്‍ത്തിയാക്കിയത്. 2022-ല്‍ ഇതുവരെയായായി 65% നേട്ടമാണ് ഐടിസി (BSE: 500875, NSE : ITC) ഓഹരികള്‍ നിക്ഷേപകര്‍ക്ക് സമ്മാനിച്ചത്.
ഭാരത് ഫോര്‍ജ്
വാഹന, ഊര്‍ജ, വ്യോമയാന, പ്രതിരോധ മേഖലയിലേക്ക് ആവശ്യമായ ഉപകരണങ്ങളുടെ ഘടകങ്ങള്‍ നിര്‍മിക്കുന്ന ബഹുരാഷ്ട്ര ഫോര്‍ജിങ് സ്ഥാപനമാണ് ഭാരത് ഫോര്‍ജ്. രാജ്യത്തെ ഏറ്റവും വലിയ വാഹനാനുബന്ധ ഉപകരണങ്ങളുടെ നിര്‍മാതാക്കളുമാണ്.
അതേസമയം കഴിഞ്ഞ 5 വര്‍ഷ കാലയളവില്‍ ഭാരത് ഫോര്‍ജ് ഓഹരിയുടെ ഉയര്‍ന്ന നിലവാരം 877.40 രൂപയായിരുന്നു. കഴിഞ്ഞ ദിവസം 879 രൂപയിലായിരുന്നു ഈ മിഡ് കാപ് ഓഹരിയുടെ ക്ലോസിങ്. ഈവര്‍ഷം ഇതുവരെയുള്ള കാലയളവില്‍ 26% നേട്ടം ഭാരത് ഫോര്‍ജ് (BSE: 500493, NSE : BHARATFORG) ഓഹരിയില്‍ രേഖപ്പെടുത്തിയിട്ടുണ്ട്.
അറിയിപ്പ്
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിനു നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ സ്വീകരിക്കും മുമ്പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭ നഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്‌നോളജീസും ലേഖകനും ഉത്തരവാദികളല്ല.
