ആദായനികുതി റിട്ടേൺ ആധാർ കാർഡുമായി ബന്ധിപ്പിക്കുന്നത് എങ്ങനെ?

നികുതിദായകർ പാൻ നമ്പറുമായി അവരുടെ ആധാർ ലിങ്കുചെയ്യേണ്ടത് നിർബന്ധമാണ്. ഔദ്യോഗിക ഇ-ഫയലിംഗ് വെബ്സൈറ്റ് സന്ദർശിച്ച് ആധാർ നമ്പർ പാനുമായി ലിങ്ക് ചെയ്യാം. ആധാർ പാനുമായി ബന്ധിപ്പിക്കുന്നതിന് എസ്എംഎസ് അടിസ്ഥാനമാക്കിയുള്ള സൗകര്യവും ആദായനികുതി വകുപ്പ് വാഗ്ധാനം ചെയ്യുന്നുണ്ട്. എന്നാൽ കോവിഡ്-19 പശ്ചാത്തലം കണക്കിലെടുത്ത് പാൻ കാർഡും ആധാർ കാർഡും തമ്മിൽ ബന്ധിപ്പിക്കുന്നതിനുള്ള സമയപരിധി 2021 മാർച്ച് 31-ലേക്ക് നീട്ടിയതായി സെൻട്രൽ ബോർഡ് ഓഫ് ഡയറക്ട് ടാക്സ് (സിബിഡിടി) വിജ്ഞാപനമിറക്കിയിരുന്നു.

ഐസിഐസിഐ എഫ്‌ഡി നിരക്ക് പുതുക്കി; സ്ഥിര നിക്ഷേപത്തിന് ഏതു ബാങ്കിലാണ് കൂടുതൽ പലിശ ലഭിക്കുക?

സുപ്രീംകോടതി ഉത്തരവിനെത്തുടർന്ന് കഴിഞ്ഞ ഏപ്രിൽ ഒന്നു മുതലാണ് റിട്ടേൺ സമർപ്പിക്കുമ്പോൾ ആധാർ കൂടി നൽകണമെന്ന് നികുതി വകുപ്പ് ആവശ്യപ്പെട്ടത്. നേരത്തെ 2020 മാർച്ച് 31 നകം ആധാറുമായി ബന്ധിപ്പിച്ചില്ലെങ്കിൽ പാൻ കാർഡ് പ്രവർത്തനരഹിതമാകുമെന്ന് ആദായനികുതി വകുപ്പ് അറിയിച്ചിരുന്നു. അതിന് മുൻപ് ഡിസംബർ 31 വരെയാണ് ആധാറും പാനും ബന്ധിപ്പിക്കുന്നതിനുള്ള സമയപരിധി നൽകിയിരുന്നത്. എന്നാൽ വിവിധ കാരണങ്ങളാൽ ഈ തീയതികളെല്ലാം തന്നെ മാറ്റുകയായിരുന്നു. ആധാറും പാനും ബന്ധിപ്പിക്കാതെ നിങ്ങൾക്ക് ആദായനികുതി റിട്ടേൺ (ഐടിആർ) ഫയൽ ചെയ്യാൻ കഴിയില്ല.