അവസരങ്ങളുടെ പെരുമഴ; ലോജിസ്റ്റിക്സ് ഓഹരികള്‍ ഇനി തളിർക്കും; ഈ മള്‍ട്ടിബാഗറുകളില്‍ നേടാം മികച്ച ലാഭം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഉത്പാദകര്‍, വിതരണക്കാര്‍, ഉപഭോക്താക്കള്‍ എന്നിങ്ങനെ വ്യവസായ രംഗത്തെ മൂന്നു വിഭാഗത്തെയും കൂട്ടിയിണക്കുന്ന കണ്ണിയാണ് ലോജിസ്റ്റിക്‌സ്. ആഗോളവത്കരണത്തിനുശേഷം ഉയര്‍ന്നുവന്ന ഈ മേഖലയില്‍ അടുത്തിടെയുണ്ടായ ഇ-കൊമേഴ്സ് മുന്നേറ്റവും വ്യോമയാന തുറമുഖരംഗത്തെ കുതിപ്പും മേക്ക് ഇന്‍ ഇന്ത്യ പദ്ധിതയുമെല്ലാം മികച്ച അവസരങ്ങളാണ് തുറന്നു കൊടുത്തത്. ഈയൊരു പശ്ചാലത്തലത്തില്‍ നിക്ഷേപത്തിന് പരിഗണിക്കാവുന്ന 2 ലോജിസ്റ്റിക്‌സ് ഓഹരികള്‍ ചുവടെ ചേര്‍ക്കുന്നു.

 

അനുകൂല ഘടകം

അനുകൂല ഘടകം

ജിഎസ്ടിയും ഇ-വേ ബില്ലിങ്ങും നടപ്പാക്കിയതോടെ ചരക്കുകടത്തും കൈമാറ്റവും കൂടുതല്‍ വ്യവസ്ഥാപിതവും സംഘടിതവുമായ ഗതാഗത സംവിധാനത്തിലേക്ക് ചുവടുമാറ്റി. ഇതിനോടൊപ്പം പഴയ വാഹനങ്ങളെ നിരത്തുകളില്‍ നിന്നും ഒഴിവാക്കുന്നതിനുള്ള സ്‌ക്രാപ്പേജ് പോളിസി (Scrappage Policy) കാരണം ട്രക്കുകളുടെ ലഭ്യത കുറഞ്ഞതും സംസ്ഥാനാന്തര ഗതാഗതത്തില്‍ ലോജിസ്റ്റിക്‌സ് കമ്പനികള്‍ക്ക് മേല്‍ക്കെ നല്‍കുന്നു.

Also Read: എച്ച്ഡിഎഫ്‌സിയെ ഒന്നാമനാക്കിയ 'ബുദ്ധികേന്ദ്രം' യെസ് ബാങ്കില്‍ ചേര്‍ന്നേക്കും; ഓഹരി 100 തൊടുമോ?

റോഡ് സൗകര്യം

കൂടാതെ റോഡ് സൗകര്യം വര്‍ധിച്ചത്, വേഗത്തില്‍ സേവനം ലഭ്യമാക്കാനും സഹായിക്കുന്നത് ഇടപാടുകാരെ ആകര്‍ഷിക്കുന്നു. അതുപോലെ ട്രക്കുകളുടെ വില വര്‍ധിച്ചതും ചെറുകിട കമ്പനികള്‍ക്ക് വെല്ലുവിളിയാകുന്നു. ഇതോടെ ലാഭക്ഷമതയോടെ പ്രവര്‍ത്തിക്കാനുള്ള സാധ്യത വന്‍കിട കമ്പനികള്‍ക്കായി മാറുന്നുണ്ട്. കൂടാതെ, മിക്ക വ്യവസായ മേഖലകളിലേയും വിതരണ ശൃംഖല ശക്തമാകുന്നതോടെ ചരക്കുകടത്ത് ഇടപാടുകള്‍ വര്‍ധിക്കുകയേ ഉള്ളൂ.

Also Read: ഒന്നാം പാദഫലം 'ഞെട്ടിച്ചു'; പിന്നാലെ 20% കുതിപ്പ്; സൊമാറ്റോയുടെ കെട്ടകാലം കഴിഞ്ഞോ?

വിആര്‍എല്‍ ലോജിസ്റ്റിക്‌സ്

വിആര്‍എല്‍ ലോജിസ്റ്റിക്‌സ്

ചുരുങ്ങിയ കാലത്തിനുള്ളില്‍ ദേശീയ തലത്തിലേക്ക് വളര്‍ന്ന പ്രമുഖ ലോജിസ്റ്റിക്സ്, ഗതാഗത സേവന കമ്പനിയാണ് കര്‍ണാടകയിലെ ഹബ്ബള്ളി ആസ്ഥാനമായ വിആര്‍എല്‍ ലോജിസ്റ്റിക്സ്. 1976-ലാണ് തുടക്കം. സ്വന്തമായി 300-ഓളം ടൂറിസ്റ്റ് ബസുകളും 4,600-ഓളം ചരക്കുകടത്ത് വാഹനങ്ങളുണ്ട്. നിലവില്‍ സ്വകാര്യ മേഖലയിലെ ഏറ്റവും വലിയ വാണിജ്യ വാഹനനിര കമ്പനിയുടേതാണ്.

2008 മുതല്‍ ചാര്‍ട്ടര്‍ വിമാന സര്‍വീസും ആരംഭിച്ചിട്ടുണ്ട്. യാത്രാസേവനം, പാര്‍സല്‍ സര്‍വീസ്, വെയര്‍ഹൗസിങ് എന്നീ വിഭാഗങ്ങളിലും സേവനം നല്‍കുന്നു. 22 സംസ്ഥാനങ്ങളിലും 4 കേന്ദ്ര ഭരണ പ്രദേശങ്ങളിലും സേവനങ്ങളെത്തിക്കുന്നു.

ലക്ഷ്യവില 730

ലക്ഷ്യവില 730

ഇന്നു രാവിലെ 615 രൂപയിലാണ് വിആര്‍എല്‍ ലോജിസ്റ്റിക്സ് ഓഹരി വ്യാപാരം ആരംഭിച്ചത്. ഇവിടെ നിന്നും 730 രൂപ ലക്ഷ്യമാക്കി ഓഹരികള്‍ വാങ്ങാമെന്നാണ് മോത്തിലാല്‍ ഒസ്വാള്‍ നിര്‍ദേശിച്ചത്. ഇതിലൂടെ സമീപ ഭാവിയില്‍ 19 ശതമാനത്തോളം നേട്ടം കരസ്ഥമാക്കാമെന്നും ബ്രോക്കറേജ് സ്ഥാപനം ചൂണ്ടിക്കാട്ടി. അതേസമയം വിആര്‍എല്‍ ലോജിസ്റ്റിക്‌സ് (BSE: 539118, NSE : VRLLOG) ഓഹരിയുടെ 52 ആഴ്ച കാലയളവിലെ ഉയര്‍ന്ന വില 720 രൂപയും കുറഞ്ഞ വില 290 രൂപയുമാണ്.

ട്രാന്‍സ്‌പോര്‍ട്ട് കോര്‍പ്പറേഷന്‍

ട്രാന്‍സ്‌പോര്‍ട്ട് കോര്‍പ്പറേഷന്‍

ലോജിസ്റ്റിക് മേഖലയിലും കപ്പല്‍ മാര്‍ഗം ചരക്ക് കടത്തുന്നതിലും രാജ്യത്തെ മുന്‍നിര കമ്പനിയാണ് ട്രാന്‍സ്‌പോര്‍ട്ട് കോര്‍പ്പറേഷന്‍ ഓഫ് ഇന്ത്യ (ടിസിഐ). ഹൈദരാബാദാണ് ആസ്ഥാനം. ചരക്കുകടത്തില്‍ വിവിധ ശ്രേണിയിലുള്ള സേവനങ്ങള്‍ നല്‍കുന്നു. കര, വ്യോമ, സമുദ്ര മാര്‍ഗങ്ങളിലൂടെ അതിവേഗം ചരക്ക് കൈമാറ്റം ചെയ്യാനുള്ള വിഭവശേഷിയുണ്ട്.

കസ്റ്റംസ് ക്ലിയറന്‍സ് മുതല്‍ വെയര്‍ഹൗസ് മാനേജ്‌മെന്റ് വരെയുള്ള സേവനങ്ങള്‍ നല്‍കുന്നു. ഉപഭോക്തൃനിര വിപുലവും വൈവിധ്യമേറിയതും ആയതിനാല്‍ ഒരു വ്യവസായ മേഖലയുടെ ഉയര്‍ച്ച താഴ്ചകള്‍ കമ്പനിയെ വേഗത്തില്‍ ബാധിക്കില്ല.

ലക്ഷ്യവില 860

ലക്ഷ്യവില 860

ബുധനാഴ്ച 720 രൂപ നിലവാരത്തിലാണ് ടിസിഐ ഓഹരിയിലെ വ്യാപാരം പുരോഗമിക്കുന്നത്. ഇവിടെ നിന്നും 860 രൂപ ലക്ഷ്യമാക്കി ഓഹരി വാങ്ങാമെന്നാണ് മോത്തിലാല്‍ ഒസ്വാള്‍ നിര്‍ദേശിച്ചു്. ഇതിലൂടെ സമീപ കാലയളവില്‍ 20 ശതമാനം നേട്ടം കരസ്ഥമാക്കാമെന്നും ബ്രോക്കറേജ് സ്ഥാപനം ചൂണ്ടിക്കാട്ടി. അതേസമയം കഴിഞ്ഞ ഒരു വര്‍ഷ കാലയളവില്‍ ടിസിഐ (BSE: 532349, NSE : TCI) ഓഹരിയുടെ ഉയര്‍ന്ന വില 858.60 രൂപയും താഴ്ന്ന വില 388.35 രൂപയുമാണ്.

വെല്ലുവിളി

വെല്ലുവിളി

അതേസമയം റെയില്‍വേയുടെ ചരക്കുഗതാഗത ഇടനാഴി (DFC- Dedicated Freight Corridor) ഭാഗികമായി പ്രാവര്‍ത്തികമായതോടെ കുറച്ചെങ്കിലും ചരക്കുകള്‍ റോഡ് മാര്‍ഗത്തില്‍ നിന്നും റെയില്‍വേയിലേക്ക് ചുവടുമാറ്റാം. ഇത് ഇടത്തരം ശൃംഖലാ സംവിധാമുള്ള ട്രക്ക് സേവനദാതാക്കളെ പ്രതികൂലമായി ബാധിക്കാം. ബള്‍ക്ക് കമ്മോഡിറ്റികളായ സ്റ്റീല്‍, സിമന്റ്, കല്‍ക്കരി തുടങ്ങിയവ റെയില്‍വേയുടെ ചരക്കു ഇടനാഴിയെ കൂടുതല്‍ ആശ്രയിക്കും.

എന്നിരുന്നാലും ആദ്യാവസാനം കൂട്ടിയിണക്കാന്‍ ശൃംഖലാ സംവിധാനമുള്ള ഓപ്പറേറ്റര്‍മാരുടെ ആവശ്യം അപ്പോഴും നിലനില്‍ക്കും. അതിനാല്‍ എഫ്എംസിജി, കണ്‍സ്യൂമര്‍, ഫാര്‍മ കമ്പനികള്‍ കാര്യമായി റെയില്‍വേയിലേക്ക് മാറാന്‍ സാധ്യതയില്ല. ഇതിനോടൊപ്പം ഇ-കൊമേഴ്‌സ് ശക്തമാകുന്നതും ലോജിസ്റ്റിക്‌സ് കമ്പനികളുടെ അവസരം തുറന്നിടുന്നു.

അറിയിപ്പ്

അറിയിപ്പ്

മുകളില്‍ കൊടുത്തിരിക്കുന്ന ലേഖനം മോത്തിലാല്‍ ഒസ്വാള്‍ പുറത്തിറക്കിയ റിസര്‍ച്ച് റിപ്പോര്‍ട്ടിനെ അടിസ്ഥാനപ്പെടുത്തിയും പഠനാവശ്യത്തിന് നല്‍കുന്നതുമാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭ നഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.

English summary

Logistics Stocks To Buy: GST Implementation E-commerce Will Boost VRL Logistics And Transport Corporation Shares

Logistics Stocks To Buy: GST Implementation E-commerce Will Boost VRL Logistics And Transport Corporation Shares
Story first published: Wednesday, August 3, 2022, 10:52 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X