കൊവിഡ് മഹാമാരിയും അതിന്റെ ഫലമായുണ്ടായ ലോക്ക്ഡൗണുകളും തെരുവ് കച്ചവടക്കാരുടെ ഉപജീവനത്തെ പ്രതികൂലമായി ബാധിച്ചു. എന്നാൽ ഇത്തരം കച്ചവടക്കാരെ സഹായിക്കുന്നതിനായി സർക്കാർ പ്രധാനമന്ത്രി സ്വനിധി വായ്പ പദ്ധതി എന്ന് പ്രഖ്യാപിച്ചു. 2020 മാർച്ച് 24-നോ അതിനുമുമ്പോ കച്ചവടം നടത്തിയിരുന്ന 50 ലക്ഷത്തിലധികം തെരുവ് കച്ചവടക്കാർക്ക്, ഈ പദ്ധതി ഗുണം ചെയ്യും. കച്ചവടക്കാർക്ക് 10,000 രൂപ വരെയാണ് പ്രവർത്തന മൂലധന വായ്പ ലഭിക്കുക. ഇത് ഒരു വർഷത്തെ കാലാവധിയിൽ പ്രതിമാസ തവണകളായി തിരിച്ചടയ്ക്കാം.
വായ്പ തിരിച്ചടവ്
വായ്പ യഥാസമയം അല്ലെങ്കിൽ നേരത്തെ തിരിച്ചടയ്ക്കുമ്പോൾ, പ്രതിവർഷം 7% പലിശ സബ്സിഡി ത്രൈമാസ അടിസ്ഥാനത്തിൽ ഡയറക്റ്റ് ബെനിഫിറ്റ് ട്രാൻസ്ഫർ (ഡിബിടി) വഴി ഗുണഭോക്താക്കളുടെ ബാങ്ക് അക്കൗണ്ടുകളിലേക്ക് ക്രെഡിറ്റ് ചെയ്യും. വായ്പ നേരത്തെ തിരിച്ചടച്ചാൽ പിഴ ഈടാക്കില്ല. പ്രതിമാസം 100 രൂപ വരെ ക്യാഷ്ബാക്ക് ആനുകൂല്യങ്ങളിലൂടെ ഡിജിറ്റൽ ഇടപാടുകൾ ഈ പദ്ധതി പ്രോത്സാഹിപ്പിക്കുന്നു. മാത്രമല്ല, വായ്പയുടെ സമയബന്ധിതമായ തിരിച്ചടവിൽ ക്രെഡിറ്റ് പരിധി വർദ്ധിപ്പിക്കുന്നതിനുള്ള സൗകര്യവുമുണ്ട്.
യോഗ്യത
തെരുവ് കച്ചവടക്കാരുടെ ഉപജീവന പരിരക്ഷ, തെരുവ് കച്ചവട നിയന്ത്രണ ആക്റ്റ്, 2014 പ്രകാരം ചട്ടങ്ങളും പദ്ധതികളും അറിയിച്ചിട്ടുള്ള സംസ്ഥാനങ്ങൾ, കേന്ദ്രഭരണ പ്രദേശങ്ങൾ എന്നിവിടങ്ങളിലെ ഗുണഭോക്താക്കൾക്കാണ് ഈ സ്കീം ലഭിക്കുക.
ഭവന വായ്പ: വിവിധ ബാങ്കുകൾ ഈടാക്കുന്ന പലിശ നിരക്കും പ്രോസസ്സിംഗ് ഫീസും- അറിയേണ്ടതെല്ലാം
സ്കീം വിശദാംശങ്ങൾ
നഗര തെരുവ് കച്ചവടക്കാർക്ക് ഒരു വർഷ കാലാവധിയോടെ 10,000 രൂപ വരെ വർക്കിംഗ് ക്യാപിറ്റൽ (ഡബ്ല്യുസി) വായ്പ ലഭിക്കാൻ അർഹതയുണ്ട്. പ്രതിമാസ തവണകളായി തിരിച്ചടയ്ക്കാം. ഈ വായ്പയ്ക്കായി, ഈട് നൽകേണ്ട ആവശ്യമില്ല. ഷെഡ്യൂൾ ചെയ്ത തീയതിക്ക് മുമ്പായി തിരിച്ചടവ് നടത്തിയാലും പ്രീപേയ്മെന്റ് പിഴ ഈടാക്കില്ല.
ഭവന വായ്പയുടെ ഭാരം കുറയ്ക്കാം; ഈ കാര്യങ്ങൾ ചെയ്യുന്നതിലൂടെ
പലിശ നിരക്ക്
ഷെഡ്യൂൾഡ് കൊമേഴ്സ്യൽ ബാങ്കുകൾ, പ്രാദേശിക ഗ്രാമീണ ബാങ്കുകൾ (ആർആർബികൾ), ചെറുകിട ധനകാര്യ ബാങ്കുകൾ (എസ്എഫ്ബികൾ), സഹകരണ ബാങ്കുകൾ, സ്വാശ്രയ ബാങ്കുകൾ എന്നിവയുടെ കാര്യത്തിൽ, നിലവിലുള്ള പലിശനിരക്ക് അനുസരിച്ചായിരിക്കും നിരക്ക്. എൻബിഎഫ്സി, എൻബിഎഫ്സി-എംഎഫ്ഐ മുതലായവയുടെ കാര്യത്തിൽ, പലിശനിരക്ക് ബന്ധപ്പെട്ട വായ്പാ വിഭാഗത്തിനായുള്ള ആർബിഐ മാർഗ്ഗനിർദ്ദേശങ്ങൾ അനുസരിച്ച് ആയിരിക്കും.
പലിശ സബ്സിഡി
സ്കീമിന് കീഴിൽ വായ്പ ലഭിക്കുന്ന വെണ്ടർമാർക്ക് 7% പലിശ സബ്സിഡി ലഭിക്കാൻ അർഹതയുണ്ട്. പലിശ സബ്സിഡി തുക ത്രൈമാസത്തിൽ വായ്പക്കാരന്റെ അക്കൗണ്ടിലേക്ക് ക്രെഡിറ്റ് ചെയ്യും.
വായ്പ മൊറട്ടോറിയം നീട്ടാൻ സാധ്യത; സമ്മർദ്ദമുള്ള ഈ മേഖലകൾക്ക് ആശ്വാസം