എസ്ബിഐ അക്കൗണ്ടിലെ ബാലൻസ് പരിശോധിക്കാറുണ്ടോ? ഇല്ലെങ്കിൽ നിങ്ങൾക്ക് ഉടൻ പണി ഉറപ്പ്

പിഴ ബാങ്ക് ശാഖയ്ക്ക് അനുസരിച്ച്

നിങ്ങളുടെ ബാങ്ക് ശാഖ സ്ഥിതി ചെയ്യുന്ന സ്ഥലത്തിന് അനുസരിച്ചാണ് നൽകേണ്ട പിഴ നിശ്ചയിക്കുന്നത്. മെട്രോ, അർബൽ, സെമി അർബൻ, റൂറൽ എന്നിങ്ങനെയാണ് ശാഖകളെ തരംതിരിച്ചിരിക്കുന്നത്. ജിഎസ്ടി ഉൾപ്പെടാതെ 5 മുതൽ 15 രൂപ വരെയാണ് നൽകേണ്ടി വരുന്ന പിഴ.

മിനിമം ബാലൻസ്

ഓരോ മേഖലയിലുള്ള ബാങ്ക് ശാഖ അനുസരിച്ച് അക്കൗണ്ടിൽ ഓരോ മാസവും മിനിമം വേണ്ട ബാലൻസ് തുക ചുവടെ ചേർക്കുന്നു.

• മെട്രോ- 3,000
• അർബൻ- 3,000
• സെമി അർബൻ- 2,000
• റൂറൽ- 1,000

മെട്രോ/ അർബൻ ശാഖകളിലെ പിഴ

മെട്രോ/ അർബൻ ശാഖകളിലുള്ള അക്കൗണ്ടിൽ മിനിമം ബാലൻസ് 50 ശതമാനത്തിൽ കുറവാണെ​ങ്കിൽ 10 രൂപയും ജിഎസ്ടിയും ഓരോ മാസവും നൽകണം. ബാലൻസ് 50 ശതമാനത്തിനും 75 ശതമാനത്തിനും ഇടയിലാണെങ്കിൽ 12 രൂപയും ജിഎസ്ടിയും പിഴ നൽകണം. മിനിമം ബാലൻസ് വേണ്ട തുകയുടെ 75 ശതമാനത്തിൽ കുറവാണ് അക്കൗണ്ടിലുള്ളതെങ്കിൽ 15 രൂപയും ജിഎസ്ടിയും പിഴയായി നൽകേണ്ടി വരും.

സെമി അർബൻ ശാഖകളിലെ പിഴ

സെമി അർബൻ ശാഖകളിലുള്ള അക്കൗണ്ടിൽ മിനിമം ബാലൻസ് 50 ശതമാനത്തിൽ കുറവാണെ​ങ്കിൽ 7.50 രൂപയും ജിഎസ്ടിയുമാണ് പിഴ. ബാലൻസ് 50 ശതമാനത്തിനും 75 ശതമാനത്തിനും ഇടയിലാണെങ്കിൽ 10 രൂപയും ജിഎസ്ടിയും നൽകണം. ബാലൻസ് 75 ശതമാനത്തിൽ കുറവാണെ​ങ്കിൽ 12 രൂപയും ജിഎസ്ടിയും പിഴയായി നൽകണം.

റൂറൽ ശാഖകളിലെ പിഴ

റൂറൽ ശാഖകളിലുള്ള അക്കൗണ്ടിൽ മിനിമം ബാലൻസ് 50 ശതമാനത്തിൽ കുറവാണെ​ങ്കിൽ 5 രൂപയും ജിഎസ്ടിയും പിഴ നൽകണം. ബാലൻസ് 50 ശതമാനത്തിനും 75 ശതമാനത്തിനും ഇടയിലാണെങ്കിൽ 7.50 രൂപയും ജിഎസ്ടിയുമാണ് പിഴ. അക്കൗണ്ടിലുള്ള തുക 75 ശതമാനത്തിൽ കുറവാണെ​ങ്കിൽ 10 രൂപയും ജിഎസ്ടിയും നൽകണം.

മിനിമം ബാലൻസ് ആവശ്യമില്ലാത്ത അക്കൗണ്ടുകൾ

മിനിമം ബാലൻസ് ആവശ്യമില്ലാത്ത പല തരത്തിലുള്ള സേവിം​ഗ്സ് അക്കൗണ്ടുകളും എസ്ബിഐ വാഗ്ദാനം ചെയ്യുന്നുണ്ട്. അവയിൽ ചിലതാണ് താഴെ പറയുന്നവ.

• ജൻ ധൻ അക്കൗണ്ടുകൾ
• ബേസിക് സേവിംഗ്സ് അക്കൗണ്ടുകൾ
• സാലറി പാക്കേജ് അക്കൗണ്ടുകൾ
• സ്മോൾ ബാങ്ക് അക്കൗണ്ടുകൾ