Just In
-
-
-
-
Don't Miss
-
IPL 2024: എന്തൊരു ഫിനിഷിങ്, റിങ്കുവിനേക്കാള് കിടു! പക്ഷെ തെവാത്തിയയെ ഇന്ത്യക്കു വേണ്ട -
പ്രസവം കഴിഞ്ഞ് മാസങ്ങള് കഴിഞ്ഞിട്ടും തൂങ്ങിയ വയറ് കുറഞ്ഞില്ലേ? -
'അതിന്റെ ക്രെഡിറ്റ് മുഴുവൻ മേനകയ്ക്കാണ്; അങ്ങനെയാണ് വളർത്തിയത്; ഷൂട്ട് കഴിഞ്ഞ് സെറ്റിലുള്ളവർക്ക് നൽകിയത്' -
ഭക്ഷണത്തില് പോലും നിരീക്ഷണം, ഇന്സുലിന് നല്കുന്നില്ല; കെജ്രിവാളിന്റെ കൊല്ലാന് ശ്രമമെന്ന് ഭാര്യ -
മോഡിഫൈ ചെയ്യുന്നതൊക്കെ നിങ്ങളുടെ ഇഷ്ടം, ഇൻഷുറൻസിൻ്റെ കാര്യത്തിൽ എട്ടിൻ്റെ പണി കിട്ടാതെ നോക്കണേ -
അടിച്ച് മോനെ! iPhone 15 പോക്കറ്റിലാക്കാൻ സുവർണ്ണാവസരം! -
വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും
വിപണിയില്‍ പലതരം പാല്‍ ബ്രാന്‍ഡുകളുണ്ടെങ്കിലും മലയാളികള്‍ക്കിടയില്‍ മില്‍മയോളം വോരോട്ടം മറ്റാര്‍ക്കമുണ്ടാകരില്ല. ഓരോരുത്തരുടെയും ദിവസം തുടങ്ങുന്നത് തന്നെ മില്‍മ പാലില്‍ നിന്നാണ്. പാലും തൈരും പാലുത്പ്പന്നങ്ങളും ഐസ്ക്രീം തുടങ്ങി ഉത്പ്പന്നങ്ങളിൽ തന്നെ വൈവിധ്യം മിൽമയ്ക്കുണ്ട്. മലയാളിക്ക് രാവിലെ പാല്‍ ചായ നിര്‍ബന്ധമുള്ള കാലത്തോളം മില്‍മയ്ക്കും മില്‍മ പാലിനുമുള്ള വിപണിയെ പറ്റി ആശങ്കപ്പെടേണ്ട കാര്യമില്ല. ഇതിനാല്‍ തന്നെ ഇവിടെയൊരു തൊഴില്‍ സാധ്യത ഒളിഞ്ഞിരിപ്പുണ്ട്.
മാസ വരുമാനം ആഗ്രഹിക്കുന്ന, സ്വന്തമായി സംരംഭം ആരംഭിക്കാനൊരുങ്ങുന്നവർക്ക് മിൽമ ഏജന്‍സി മികച്ച സാധ്യതയാണ്. മിൽമ പോലൊരു ബ്രാൻഡിന് കീഴിൽ കുറഞ്ഞ മുതല്‍ മുടക്കില്‍ സംരംഭം ആരംഭിക്കുക എന്നത് ലാഭ സാധ്യത കൂട്ടുന്നു. എങ്ങനെ മിൽമ ഏജന്റ് ആകാമെന്നും വരുമാന രീതിയും പരിശോധിക്കാം.
മിൽമ ഏജൻസി
പാലും തൈരും സംഭാരത്തിനും അപ്പുറം ഉത്പ്പന്നങ്ങളുടെ നീണ്ട നിര മില്‍മയിലുണ്ട്. ഓരോ ഉത്പ്പന്നങ്ങളും വില്പന നടത്തുമ്പോൾ വില്പന വിലയ്ക്ക് മുകളിൽ ലഭിക്കുന്ന കമ്മീഷൻ ആണ് മില്‍മ ഏജൻസി വഴിയുള്ള വരുമാനം. മില്‍മ എന്ന ബ്രാന്‍ഡിന് സംഘം തന്നെ പരസ്യങ്ങള്‍ നല്‍കുന്നുതിനാൽ പരസ്യങ്ങളുടെ ആവശ്യം വരുന്നില്ല. ചെറുകടയിൽ ഏജൻസി ആരംഭിച്ചൊരാൾക്ക് ചായ, കാപ്പി, ജ്യൂസ് എന്നിവ ഉൾപ്പെടുത്തി മിനി ബേക്കറി ആരംഭിക്കാനും സാധിക്കും.
മിൽമ യൂണിയൻ
മിൽമയ്ക്ക് കീഴിൽ 3 യൂണിയൻ പ്രവർത്തിക്കുന്നുണ്ട്. ഓരോ യൂണിയന് കീഴിലുമാണ് മില്‍മ ഏജന്‍സി ആരംഭിക്കാന്‍ സാധിക്കുന്നത്. തിരുവനന്തപുരം യൂണിയന്, കൊച്ചി യൂണിയന് മലബാര്‍ യൂണിയന് എന്നിങ്ങനെയാണ് മൂന്ന് യൂണിയനുകള്‍. ഏജൻസി ആരംഭിക്കാൻ യൂണിയന് കീഴിൽ സമീപത്തുള്ള ഡയറികളിലാണ് അപേക്ഷ നല്‍കേണ്ടത്. പൊതുവെ സമീപത്ത് മറ്റ് ഏജൻസികൾ ഇല്ലാതിരിക്കുക എന്നതാണ് മിൽമ ഏജൻസി ആരംഭിക്കാനുള്ള നിയമം.
എങ്ങനെ അപേക്ഷിക്കാം
തിരുവനന്തപുരം യൂണിയന്റെ വെബ്‌സൈറ്റില്‍ നിന്ന് ലഭിക്കുന്ന വിവരം പ്രകാരം എജന്റാകാന്‍ താല്‍പര്യമുള്ളവര്‍ നിശ്ചിത ഫോം പൂരിപ്പിച്ച് സമര്‍പ്പിക്കണം. 100 രൂപ അടച്ചാല്‍ മില്‍മ ഡയറിയില്‍ നിന്ന് ഫോം ലഭ്യമാകും. പരിശോധന ഫീസായി 25 രൂപ അടച്ച് അപേക്ഷ പൂരിപ്പിച്ച് പ്രദേശത്തുള്ള ഡയറിയില്‍ സമര്‍പ്പിക്കണം.
അപേക്ഷയ്ക്ക് ശേഷം ഡയറി ഉദ്യോഗസ്ഥര്‍ പുതിയ ഏജന്‍സിക്കായി അപേക്ഷ നല്‍കിയ പ്രദേശത്ത് പരിശോധന നടത്തും. പ്രദേശത്തെ വില്പന സാധ്യത സംബന്ധിച്ച് ഉദ്യേഗസ്ഥന്‍ നടത്തുന്ന വിലയിരുത്തലിന്റെ അടിസ്ഥാനത്തിലാണ് ഏജന്‍സി അനുവദിക്കുക. തിരികെ ലഭിക്കുന്ന 5,000 രൂപയുടെ സെക്യൂരിറ്റിയാണ് ഇതിനായി മില്‍മയില്‍ നല്‍കേണ്ടത്.
കമ്മീഷൻ വിവരങ്ങൾ
ദിവസത്തില്‍ രണ്ട് തവണയാണ് ഏജന്റുമാര്‍ക്ക് മില്‍മ പാല്‍ വിതരണം നടത്തുക. മുന്‍കൂര്‍ പണമടച്ചാണ് പാല്‍വിതരണം നടക്കുന്നത്. ഇവിടെ എംആര്‍പിയുടെ നാല് ശതമാനമാണ് ഏജന്റുമാര്‍ക്ക് കമ്മീഷനായി ലഭിക്കുന്നത്. ഏജന്റുമാര്‍ക്ക് പ്രമോഷന്‍ ഉത്പ്പന്നങ്ങള്‍, പാലുത്പ്പന്നങ്ങള്‍ ശീതീകരിച്ച് സൂക്ഷിക്കാന്‍ ഉപയോഗിക്കുന്ന പഫ് ബോക്‌സുകള്‍, പാല്‍ സംഭരിക്കാനുള്ള ട്രേകള്‍ എന്നിവ മില്‍മ നല്‍കും. പാൽ ഇതര ഉത്പ്പന്നങ്ങൾക്ക് 30-40 ശതമാനം കമ്മീഷൻ ലഭിക്കും.
ഓൺലൈൻ അപേക്ഷ
മലബാര്‍ മില്‍മയില്‍ വെബ്‌സൈറ്റ് വഴി പുതിയ എജന്‍സിക്കായി അപേക്ഷ നല്‍കാം. വെബ്സൈറ്റിൽ ലഭിക്കുന്ന വിവരം പ്രകാരം അപേക്ഷയോടൊപ്പം അപേക്ഷകന്റെ പാസ്‌പോര്‍ട്ട് സൈസ് ഫോട്ടോ, തിരിച്ചറിയല്‍ രേഖയായി പാന്‍, ആധാര്‍, തിരഞ്ഞെടുത്ത് തിരിച്ചറിയല്‍ കാര്‍ഡ്, ഡ്രൈവിംഗ് ലൈസന്‍സ് എന്നിവയില്‍ എതെങ്കിലും ഒന്ന് ഹാജരാക്കണം. 3000 രൂപ സെക്യൂരിറ്റി നിക്ഷേപം, 200 രൂപയുടെ മുദ്രപത്രം, വാടക കരാര്‍/ ബില്‍ഡിംഗ് ലൈസന്‍സ്, പഞ്ചായത്ത് ലൈസന്‍സ് എന്നിവയും, ലോക്കേഷന്‍ സ്‌കെച്ചും അപേക്ഷയ്‌ക്കൊപ്പം സമര്‍പ്പിക്കണം.
വരുമാനം
കമ്മീഷനാണ് മിൽമയിൽ നിന്നുള്ള വരുമാനം. പാലിന് 4 ശതമാനം കമ്മീഷൻ ലഭിക്കും. ഇതിനൊപ്പം സ്റ്റാൾ ആരംഭിക്കാനുള്ള ചെലവ് സംരംഭകൻ വഹിക്കണം. ഫ്രീസർ സൗകര്യങ്ങൾ മിൽമ ഒരുക്കും. ഓരോരോ സ്ഥലത്തെയും ആവശ്യകതയും സമീപത്തുള്ള മറ്റ് മിൽമ ഏജൻസികളുടെ സാന്നിധ്യവും വരുമാനത്തിന് അടിസ്ഥാനമാകുന്ന കാര്യങ്ങളാണ്.
ചിത്രങ്ങൾക്ക് കടപ്പാട്- മിൽമ ഫെയ്സ്ബുക്ക് പേജ്
