<p>മുംബൈ: കഴിഞ്ഞ ദീപാവലി ദിനങ്ങള്‍ സ്വര്‍ണ വിപണിയില്‍ കാര്യമായ ചലനങ്ങള്‍ ഉണ്ടാക്കാതെ കടന്നു പോയി. സാമ്പത്തിക പരിഷ്‌കരണങ്ങളുടെ ഭാഗമായി സ്വര്‍ണത്തിന്റെ ഇറക്കുമതിക്ക് ഏര്‍പ്പെടുത്തിയ നിയന്ത്രണങ്ങള്‍ സ്വര്‍ണത്തിന്റെ തിളക്കമാര്‍ന്ന പ്രകടനത്തിന് വിഘാതമായി. ആവശ്യക്കാര്‍ ഉണ്ടായിട്ടും വില്പനയ്ക്ക് ആവശ്യമായ സ്റ്റോക്കിന്റെ പരിമിതിയാണ് ഈ പ്രതിസന്ധ്ക്ക് കാരണം.</p> <p>കഴിഞ്ഞ രണ്ട് മൂന്ന് മാസങ്ങളായി സ്വര്‍ണത്തിന്റെ ഇറക്കുമതി തീരെയില്ലെന്നും അതിനാലാണ് സ്റ്റോക്കുകള്‍ പരിമിതമായതെന്നും മുംബൈ ജ്വല്ലേഴ്‌സ് അസോസിയേഷന്‍ വൈസ് പ്രസിഡണ്ട് കുമാര്‍ ജെയിന്‍ മുംബൈയില്‍ മാധ്യമങ്ങളോട് പറഞ്ഞു. ഈ സാഹചര്യത്തിലാണ് ഡയമണ്ടിന്റെയും വെള്ളിയുടെയും ആവശ്യകത കൂടിയതെന്നും അദ്ദേഹം കൂട്ടിച്ചേര്‍ത്തു.<br /><strong>