റിസര്‍വ് ബാങ്ക് ഓഫ് ഇന്ത്യയുടെ വായ്പാ നയ അവലോകനം ഡിസംബര്‍ ഒന്നിന്. റിസര്‍വ് ബാങ്ക് ഓഫ് ഇന്ത്യയുടെ അഞ്ചാമത് ദ്വൈമാസ വായ്പാ നയ അവലോകനം ചൊവ്വാഴ്ച നടക്കാനിരിക്കുന്നത്.

ഇതിനു മുന്‍പ് സെപ്റ്റംബര്‍ 29 നാണ് വായ്പാ നയ അവലോകനം നടത്തിയത. നിലവിലെ സാഹചര്യത്തില്‍ നിരക്കുകളില്‍ മാറ്റം വരുത്താന്‍ സാധ്യതയില്ലെന്നാണു സാമ്പത്തിക രംഗം കരുതുന്നത്.സെപ്റ്റംബര്‍ 29നു നടന്ന വായ്പാ നയ അവലോകനത്തില്‍ റീപോ നിരക്കുകളില്‍ 0.50 ശതമാനത്തിന്റെ കുറവു വരുത്തിയിരുന്നു. 6.75 ശതമാനമാണ് നിലവില്‍ റീപോ നിരക്ക്.

അടിസ്ഥാന നിരക്കില്‍ റിസര്‍വ് ബാങ്ക് കുറവു വരുത്തിയിട്ടും ഇതിന്റെ ഗുണഫലങ്ങള്‍ പൂര്‍ണ തോതില്‍ ജനങ്ങളിലേക്കെത്തിക്കാന്‍ രാജ്യത്തെ ബാങ്കുകള്‍ തയാറായിട്ടില്ല. എസ്ബിഐ, ഐസിഐസിഐ ബാങ്ക്, ആക്‌സിസ് ബാങ്ക് തുടങ്ങിയ ചില ബാങ്കുകള്‍ മാത്രമാണ് റീപോ നിരക്കില്‍ വന്ന കുറവിന്റെ തോതില്‍ വായ്പാ പലിശ നിരക്ക് കുറച്ചത്.

ഡിസംബര്‍ ഒന്നിലെ വായ്പാ നയ അവലോകനത്തില്‍ നിരക്കുകള്‍ ഇതേപടി നിലനിര്‍ത്താനാണു സാധ്യതയെന്നും എന്നാല്‍ഫെബ്രുവരിയിലെ നയ അവലോകനത്തില്‍ റീപോ നിരക്കില്‍ വീണ്ടും കാല്‍ ശതമാനത്തിന്റെ കുറവു വരുത്തിയേക്കുമെന്നുമാണ് കണക്കാക്കുന്നത്.