മുംബൈ: സ്മാര്‍ട്ട്‌ഫോണ്‍ വിപണിയില്‍ ആപ്പിളിനെ പിന്നിലാക്കി സാംസംഗ് ഒന്നാമത്.18 ശതമാനം വര്‍ധനയാണ് കഴിഞ്ഞ പാദത്തില്‍ സാംസംഗിനുണ്ടായത്.700 കോടി ഡോളര്‍ ലാഭമാണ് സാംസംഗ് സ്വന്തമാക്കിയത്.

ആപ്പിളിന് ലാഭത്തില്‍ 27 ശതമാനത്തിന്റെ ഇടിവുണ്ടായിട്ടുണ്ട്. 780 കോടി ഡോളറാണ് ഈ പാദത്തില്‍ കമ്പനിയുടെ ലാഭം.ചൈനയില്‍നിന്നുള്ള വരുമാനവും കുറഞ്ഞു.ഐഫോണ്‍ വില്‍പ്പന കുറഞ്ഞതാണു കമ്പനിക്കു വീണ്ടും തിരിച്ചടിയായത്. ജൂണ്‍ 25ന് അവസാനിച്ച പാദത്തില്‍ 15 ശതമാനമാണു വില്‍പ്പനയിലെ ഇടിവ്.

സാമ്പത്തിക വര്‍ഷത്തിന്റെ മൂന്നാം പാദത്തില്‍ 40.4 മില്യണ്‍ ഐഫോണുകളാണ് അപ്പിള്‍ വിറ്റഴിച്ചത്. തുടര്‍ച്ചയായ രണ്ടാം പാദത്തിലാണു കമ്പനിയുടെ ലാഭം ഇടിയുന്നത്. മൊത്ത വരുമാനം 15 ശതമാനം ഇടിഞ്ഞ് 4240 കോടി ഡോളറിലെത്തി.

സാംസംഗിന്റെ ഗാലക്‌സി എസ് 7,എസ്7 എഡ്ജ് എന്നീ ഫോണുകള്‍ കഴിഞ്ഞ പാദത്തില്‍ മികച്ച വില്‍പന നേടി. 7 കോടി സ്മാര്‍ട്ട്‌ഫോണുകളാണ് കമ്പനി കഴിഞ്ഞ പാദത്തില്‍ വില്‍പന നടത്തിയത്.ഒമ്പത് കോടി ഹാന്‍ഡ്‌സെറ്റുകളും 60 ലക്ഷം ടാബുകളും സാംസംഗ് വിറ്റഴിച്ചു.