ഇന്ത്യ പ്രിയപ്പെട്ടത്

ഇന്ത്യയാണ് ട്വിറ്ററിന് ഏറെ പ്രതീക്ഷയുള്ള രാജ്യം. രാജ്യത്ത് കൂടുതല്‍ നിക്ഷേപം നടത്താനും കൂടുതല്‍ ഉപയോക്താക്കളെ കണ്ടെത്താനും ട്വിറ്റര്‍ പ്രതിജ്ഞാബദ്ധമാണെന്ന് കമ്പനി പ്രസ്താവനയില്‍ അറിയിച്ചു. പരസ്യം, ഉപയോക്താക്കള്‍, പാര്‍ട്‌ണേഴ്‌സ് എന്നിവരുടെ കാര്യങ്ങളില്‍ ഇന്ത്യ കമ്പനിയ്ക്ക് വളരെ പ്രധാനപ്പെട്ടതാണെന്നും ട്വിറ്റര്‍ പറഞ്ഞു.

സിപ് ഡയല്‍ സൊലൂഷന്‍സ്

കഴിഞ്ഞ വര്‍ഷമാണ് ട്വിറ്റര്‍ ബെംഗളൂരു അടിസ്ഥാനമാക്കി പ്രവര്‍ത്തിച്ചുകൊണ്ടിരുന്ന സിപ് ഡയല്‍ മൊബൈല്‍ സൊലൂഷന്‍സ് എന്ന കമ്പനിയെ സ്വന്തമാക്കിയത്. ഇതിനെത്തുടര്‍ന്നാണ് യുഎസ് കേന്ദ്രമാക്കി പ്രവര്‍ത്തിക്കുന്ന ട്വിറ്റര്‍ ബെംഗളൂരുവില്‍ എന്‍ജിനീയറിംഗ് യൂണിറ്റ് ആരംഭിച്ചത്.

ട്വിറ്ററിന്റെ ആദ്യ ഏറ്റെടുക്കല്‍

സിപ് ഡയല്‍ മൊബൈല്‍ സൊലൂഷന്‍സ് സ്വന്തമാക്കുന്നതിന് ട്വിറ്റര്‍ 35 മില്ല്യണ്‍ ഡോളറാണ് മുടക്കിയത്. എന്നാല്‍ വിപണിയില്‍ കാര്യമായ നേട്ടം കൈവരിക്കാന്‍ ട്വിറ്ററിന് കഴിഞ്ഞില്ല. ഇന്ത്യയില്‍ കമ്പനി നടത്തിയ ആദ്യത്തെ ഏറ്റെടുക്കലായിരുന്നു ഇത്.

60 പേര്‍ക്ക് ജോലി പോയേക്കാം

എത്ര ജീവനക്കാരെ പിരിച്ചുവിടുമെന്ന് കമ്പനി വ്യക്തമാക്കിയിട്ടില്ലെങ്കിലും ബെംഗളൂരുവിലെ ഏകദേശം 60 ജോലിക്കാരെ ട്വിറ്ററിന്റെ പുതിയ തീരുമാനം ബാധിക്കാനാണ് സാധ്യതയെന്നാണ് വിലയിരുത്തല്‍.