ചെറുകാറുകൾ വാങ്ങാൻ ആഗ്രഹിക്കുന്നവർക്ക് ആശ്വസിക്കാം. ഹൈബ്രിഡ് കാറുകൾ, ചെറു കാറുകൾ എന്നിവയുടെ സെസിൽ മാറ്റമില്ലെന്ന് ജിഎസ്ടി കൗൺസിൽ അറിയിച്ചു. 13 സീറ്റുള്ള വാഹനങ്ങൾക്കും നിരക്കിൽ മാറ്റമില്ല.
എന്നാൽ ഇടത്തരം കാറുകൾക്ക് രണ്ട് ശതമാനം അധികം സെസാണ് ഏർപ്പെടുത്തിയിരിക്കുന്നത്. അതിനാൽ ഈ വിഭാഗത്തിൽപ്പെട്ട കാറുകളുടെ വില വർദ്ധിക്കും.
ചെറുകാറുകൾക്ക് നിലവിലുള്ള നികുതി 28 ശതമാനമാണ്. ഇതേ നിരക്ക് തന്നെയാകും ഇനിയും തുടരുക. ഇടത്തരം കാറുകൾക്ക് നിലവിൽ നികുതി 28 ശതമാനവും സെസ് 15 ശതമാനവുമാണ്.ആഡംബര കാറുകൾക്ക് അഞ്ച് ശതമാനമാണ് സെസ് വർദ്ധനവ്. ഇത് വിലയിൽ വൻ വർദ്ധനവുണ്ടാക്കും.
പുതുക്കിയ സെസ് നിരക്കുകൾ പ്രഖ്യാപിച്ചിട്ടുണ്ടെങ്കിലും വിപണിയിൽ ഇപ്പോഴും ആശയക്കുഴപ്പം നിലനിൽക്കുന്നുണ്ട്. ജൂലൈ ഒന്നിന് ജി.എസ്.ടി പ്രാബല്യത്തില് വന്നതിന് ശേഷം എസ്.യു.വികള്ക്ക് 1.1 ലക്ഷം മുതല് മൂന്ന് ലക്ഷം വരെ വില കുറഞ്ഞിട്ടുണ്ട്. സെസ് വര്ദ്ധിക്കുന്നതോടെ ഇത് ഇല്ലാതാകും. വില പഴയതിന് തുല്യമാകും
malayalam.goodreturns.in