നാളെ അവതരിപ്പിക്കാനിരിക്കുന്ന യൂണിയൻ ബജറ്റിൽ ഭവന വായ്പകൾ കൂടുതൽ ആകർഷകമാകാൻ സാധ്യതയുണ്ടെന്ന് സാമ്പത്തിക വിദഗ്ധരുടെ വിലയിരുത്തൽ. പ്രധാനമന്ത്രി ആവാസ് യോജന പദ്ധതി വഴി 2020ഓടെ എല്ലാവർക്കും വീട് എന്നതാണ് കേന്ദ്രസർക്കാരിന്റെ ലക്ഷ്യം.
ചെറുകിട ഭവന വായ്പകളുടെ ലഭ്യത കൂട്ടുന്നതിനും ചെലവ് തുകയുടെ ഉയർന്ന ശതമാനം വായ്പയായി അനുവദിക്കുന്നതിനും വേണ്ടുന്ന പരിഷ്ക്കാരങ്ങൾ ബജറ്റിൽ പ്രതീക്ഷിക്കാമെന്നാണ് വിലയിരുത്തൽ.
നിലവിൽ വാസയോഗ്യമായ വീടുകൾ ഇല്ലാത്തവർക്ക് പുതുതായി വീട് വയ്ക്കുന്നതിനും പൂർത്തീകരിച്ച വീടുകളോ ഫ്ളാറ്റുകളോ വാങ്ങുന്നതിനും നൽകുന്ന സബ്സിഡിയോടു കൂടിയ ഭവന വായ്പ വിപുലപ്പെടുത്തുന്ന പ്രഖ്യാപനങ്ങളാകും ബജറ്റിൽ അവതരിപ്പിക്കുക.
അസംസ്കൃത വസ്തുക്കളുടെ വിലക്കയറ്റം കാരണം നിർമാണ മേഖലയും ഏതാണ്ട് സ്തംഭിച്ച അവസ്ഥയിലാണ്. ഇതിന് പരിഹാരവും ബജറ്റിൽ ഉണ്ടാകുമെന്നാണ് വിവരം. എൻഡിഎ സർക്കാരിന്റെ അവസാന ബജറ്റാണ് ഇത്തവണത്തേത്. പൊതു തിരഞ്ഞെടുപ്പ് വരാനിരിക്കുന്നത് കൊണ്ട് കൂടുതൽ ഇളവുകൾ പ്രഖ്യാപിക്കാനും സാധ്യതയുണ്ടെന്നാണ് സൂചന.
malayalam.goodreturns.in