ഇന്ത്യൻ ഓഹരി വിപണി തുടർച്ചയായ അഞ്ചാം ദിവസവും കനത്ത ഇടിവ് രേഖപ്പെടുത്തി. ബാങ്ക്, ഐടി ഓഹരികൾ കനത്ത നഷ്ട്ടം രേഖപ്പെടുത്തിയതോടെയാണ് 2018ലെ ഏറ്റവും വലിയ നഷ്ട്ടത്തിലേയ്ക്ക് ഓഹരി വിപണി കൂപ്പു കുത്തിയത്.

ബിഎസ്ഇ സെൻസെക്സ് 703 പോയിന്റ് കുറഞ്ഞ് 33,357 ലും എൻഎസ്ഇ നിഫ്റ്റി 189 പോയിന്റ് ഇടിഞ്ഞ് 10,252 ലുമാണ് ക്ലോസ് ചെയ്തത്. എന്നാൽ വ്യാപാരം ആരംഭിച്ചയുടൻ സെന്‍സെക്‌സ് 243 പോയന്റ് നേട്ടത്തില്‍ 10,434ലിലും നിഫ്റ്റി 75 പോയന്റ് ഉയര്‍ന്ന് 10,434ലിലുമെത്തിയിരുന്നു.

എല്ലാ മേഖലകളിലും ഇടിവ് രേഖപ്പെടുത്തിയിരുന്നെങ്കിലും നിഫ്റ്റി താഴേയ്ക്ക് പോകാൻ കാരണം ബാങ്ക് ഓഹരികളാണ്. ഇത് അഞ്ചാമത്തെ ദിവസമാണ് ഓഹരി വിപണിയിൽ ഇടിവ് തുടരുന്നത്.

ഇന്നലെ സെൻസെക്സ് 300 പോയിന്റ് ഇടിഞ്ഞ് 33746ലും നിഫ്റ്റി 99 പോയിന്റ് താഴ്ന്ന് 10358ലുമാണ് വ്യാപാരം അവസാനിപ്പിച്ചത്.

malayalam.goodreturns.in