ഇന്ത്യയിലെ ഏറ്റവും പഴക്കം ചെന്ന ഇ-കൊമേഴ്സ് സൈറ്റുകളിലൊന്നായ ഇ-ബേ ഇന്ത്യ അടച്ചു പൂട്ടാൻ ഒരുങ്ങുന്നതായി ഫ്ലിപ്കാ‍ർട്ട്. ഫ്ലിപ്കാ‍ർട്ടിന്റെ ഉടമസ്ഥതയിലാണ് ഇപ്പോൾ ഇ-ബേ.

എന്നാൽ ഇ-ബേയ്ക്ക് പകരമായി ബംഗളൂരു ആസ്ഥാനമായി പ്രവ‍ർത്തിക്കുന്ന ഇ-ടെയിലർ എന്ന ഓൺലൈൻ പ്ലാറ്റ്ഫോം ഒരുക്കാനുള്ള ശ്രമത്തിലാണ് ഫ്ലിപ്കാ‍ർട്ട്. സെക്കൻഡ് ഹാൻഡ് ഉൽപ്പന്നങ്ങൾ വിതരണം ചെയ്യുന്ന ഒഎൽഎക്സ്, ക്വിക്ർ എന്നിവയോട് മത്സരിക്കുന്ന തരത്തിലാകും പുതിയ ഓൺലൈൻ പ്ലാറ്റ്ഫോം പുറത്തിറക്കുക.

ആ​ഗസ്റ്റ് 14ഓടെ ഇ-ബേയുടെ എല്ലാ ഉപഭോക്തൃ ഇടപാടുകളും നി‍ർത്തലാക്കും. കഴിഞ്ഞ വർഷം ചില കരാറുകളുടെ ഭാ​ഗമായാണ് കാലിഫോർണിയ ആസ്ഥാനമായി പ്രവർത്തിക്കുന്ന ഇ-​ബേ​യു​ടെ ഇ​ന്ത്യ​ൻ വി​ഭാ​ഗ​മാ​യ ഇ-​ബേ ഇ​ന്ത്യ​യെ ഫ്ലി​പ്കാ​ർ​ട്ടി​നു കൈ​മാ​റിയത്. ഫ്ലി​പ്കാ​ർ​ട്ടി​ന് കൈ​മാ​റി​യെ​ങ്കി​ലും ഫ്ലി​പ്കാ​ർ​ട്ടി​നു കീ​ഴി​ലെ സ്വ​ത​ന്ത്ര ക​മ്പ​നി​യാ​യി തന്നെയാണ് ഇ-​ബേ ഡോട്ട് ഇ​ൻ തു​ട​‍ർന്നത്.

ഇതിനിടെ വാൾമാ‍ർട്ട് ഫ്ലിപ്കാർട്ടിനെ ഏറ്റെടുത്തതെടെ ഇ-ബേ ഇന്ത്യ മിന്റ്-കാർട്ട് എന്ന് പേരു മാറ്റിയിരുന്നു. ഫ്ലിപ്കാ‍ർട്ടിന്റെ പ​ത്തു വ​ർ​ഷ​ത്തെ ജൈ​ത്ര ​യാ​ത്ര​യ്ക്കി​ടെ മി​ന്ത്ര, ജ​ബോം​ഗ് എ​ന്നീ ക​മ്പ​നി​ക​ളെയും കമ്പനി ഏ​റ്റെ​ടുത്തിരുന്നു.

malayalam.goodreturns.in