രാജ്യത്തെ വാഹന വ്യവസായ മേഖല നേരിടുന്ന മാന്ദ്യത്തെ തുടർന്ന് ഇന്ത്യയിലെ ഏറ്റവും വലിയ കാർ നിർമാതാക്കളായ മാരുതി സുസുക്കി ഇന്ത്യ ലിമിറ്റഡിലെ (എംഎസ്ഐഎൽ) മൂവായിരത്തിലധികം താൽക്കാലിക ജീവനക്കാർക്ക് ജോലി നഷ്ടപ്പെട്ടു. സ്ഥിരം ജോലിക്കാരെ പിരിച്ചിവിട്ടിട്ടില്ലെന്നും എന്നാൽ താൽക്കാലിക ജീവനക്കാരുടെ കരാർ പുതുക്കിയിട്ടില്ലെന്നുമാണ് ചെയർമാൻ ആർ.സി ഭാർഗവ വ്യക്തമാക്കിയിരിക്കുന്നത്.
മാന്ദ്യം ബാധിക്കുന്ന തൊഴിൽ മേഖലകൾ
മൂവായിരത്തോളം താൽക്കാലിക തൊഴിലാളികൾക്കാണ് ജോലി നഷ്ടപ്പെട്ടത്. വിൽപ്പന, സേവനം, ഇൻഷുറൻസ്, ലൈസൻസിംഗ്, ധനസഹായം, ആക്സസറികൾ, ഡ്രൈവർമാർ, പെട്രോൾ പമ്പുകൾ, ഗതാഗതം എന്നീ മേഖലകളെയാണ് ഓട്ടോമൊബൈൽ മേഖലയിലെ മാന്ദ്യം ഏറ്റവും കൂടുതൽ ബാധിക്കുന്നത്. ഈ മേഖലകളിലെ തൊഴിലിനെയും ഇത് വൻ തോതിൽ ബാധിക്കും.
2021ൽ പുരോഗതി
ജൂലൈ മാസത്തിൽ വിൽപ്പനയുടെ കാര്യത്തിൽ വ്യവസായം മുന്നേറുന്നുണ്ടോയെന്ന ചോദ്യത്തിന്, ഈ സാമ്പത്തിക വർഷത്തിന്റെ മൂന്നാം അല്ലെങ്കിൽ നാലാം പാദം മുതൽ സ്ഥിതി മെച്ചപ്പെടാൻ സാധ്യതയുണ്ടെന്നാണ് മാരുതി ഇന്ത്യ ചെയർമാൻ ആർ.സി ഭാർഗവ വ്യക്തമാക്കിയത്. 2021 സാമ്പത്തിക വർഷത്തിൽ ഓട്ടോമൊബൈൽ മേഖലയിൽ ശക്തമായ പുനരുജ്ജീവനമുണ്ടാകുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.
കാർ വാങ്ങാൻ പ്ലാനുണ്ടോ? ഈ മാസം വമ്പൻ വിലക്കിഴിവ്
സർക്കാർ സഹായം
സർക്കാർ മേഖലയ്ക്ക് ഗുണകരമാകുന്ന പ്രഖ്യാപനങ്ങൾ നടത്തുകയും ക്രിയാത്മക നടപടികൾ കൈക്കൊള്ളുകയും ചെയ്താൽ സ്ഥിതി മെച്ചപ്പെട്ടേക്കാമെന്നും ജിഎസ്ടി നിരക്ക് കുറയ്ക്കുന്നത് പോലുള്ള നടപടികൾ സ്വീകരിക്കുകയാണ് ഇപ്പോൾ അത്യാവശ്യമായി ചെയ്യേണ്ടതെന്നും അദ്ദേഹം പറഞ്ഞു. ഇലക്ട്രിക് വാഹനങ്ങൾക്ക് സർക്കാർ നികുതി കുറച്ചെങ്കിലും ഹൈബ്രിഡ് കാറുകൾക്ക് എക്സൈസ് ഡ്യൂട്ടി കുറയ്ക്കണമെന്നും സിഎൻജി വാഹനങ്ങളുടെയും നികുതിയിൽ ഇളവ് വരുത്തണമെന്നും അദ്ദേഹം കൂട്ടിച്ചേർത്തു.
പുതിയ കാര് വാങ്ങാന് ആഗ്രഹിക്കുന്നുണ്ടോ? എങ്കില് നിങ്ങളറിയണം ഈ കാര്യങ്ങള്
പ്ലാന്റുകൾ അടച്ചുപൂട്ടും
ഓട്ടോമോട്ടീവ് വ്യവസായത്തിലെ മാന്ദ്യത്തെത്തുടർന്ന് രണ്ട് ദിവസത്തേക്ക് തമിഴ്നാട്ടിലെ പാഡി ഫാക്ടറി അടച്ചുപൂട്ടുമെന്ന് ടിവിഎസ് ഗ്രൂപ്പ് കഴിഞ്ഞ ദിവസം അറിയിച്ചു. ഇരുചക്ര വാഹന നിർമാതാക്കളായ ഹീറോ മോട്ടോകോർപ്പും നാലു ദിവസത്തേയ്ക്ക് പ്ലാന്റുകൾ അടയ്ക്കുന്നതായി അറിയിച്ചിരുന്നു. ഓഗസ്റ്റ് 15 മുതൽ 18 വരെ നിർമാണശാലകൾ അടയ്ക്കുന്നത്.
മലയാളികള്ക്ക് കാറില്ലാതെ എന്താഘോഷം,ബസും ബൈക്കും വേണ്ട കാര് മതി
malayalam.goodreturns.in