ദില്ലി: ഡിസംബര് 21 വരെ ഇന്കം ടാക്സ് റിട്ടേണ് ഫയല് ചെയ്തത് 3.75 കോടി പേര്. ആദായ നികുതി വകുപ്പ് ട്വീറ്ററിലൂടെയാണ് ഈ കാര്യം അറിയിച്ചത്. 2019-2020 സാമ്പത്തിക വർഷത്തിലെ ആദായനികുതി റിട്ടേൺ ഫയൽ ചെയ്യേണ്ട അവസാന തീയതി ഡിസംബർ 31 ആണ്. ഓഡിറ്റ് ആവശ്യമുള്ളവര്ക്ക് 2021 ജനുവരി 31വരെ സമയമുണ്ട്.
ഐടിആര്-1 ഫയല് ചെയ്തത് 2.17 കോടി പേരാണ്. 79.82 ലക്ഷം പേര് ഐടിആര്-4ഉം 43.18 ലക്ഷംപേര് ഐടിആര്-3ഉം ഫയല് ചെയ്തിട്ടുണ്ട്.
കൊവിഡിനെ തുടര്ന്ന് പലതവണയായി റിട്ടേണ് സമര്പ്പിക്കേണ്ട തിയ്യതികള് നീട്ടിനല്കിയിരുന്നു. ജൂലൈ 31 ല് നിന്നും ഒക്ടോബര് 31 ലേക്കും അത് പിന്നീട് ഡിസംബര് 31 ലേക്കുമാണ് നീട്ടി നല്കിയത്.
2019 ഡിസംബർ 21 വരെ 3.63 കോടി ഐടിആർ ഫയൽ സമര്പ്പിച്ചപ്പോള് 2020 ഡിസംബർ 21 വരെ സമർപ്പിച്ച 3.75 കോടിയിയാണ് സമര്പ്പിച്ചിരിക്കുന്നത്.
ആറു വിഭാഗത്തിലുള്ള ആളുകളാണ് ഇന്കം ടാക്സ് റിട്ടേണ് നിര്ബന്ധമായും ഫയല് ചെയ്യേണ്ടത്
1. ആകെ വരുമാനം മൂന്നു ലക്ഷം രൂപയിൽ കൂടുതൽ ഉണ്ടെങ്കിൽ വകുപ്പ് 80 സി മുതല് 80 യു വരെ അനുസരിച്ചാണിത്. (വയസ്സ് 60 നും 80 നും ഇടയില്)
2. ആകെ വരുമാനം 2.5 ലക്ഷം (വകുപ്പ് 80 സി മുതൽ 80 യു വരെ) രൂപയിൽ കൂടുതൽ ഉണ്ടെങ്കിൽ (വയസ്സ് 60ന് താഴെ).
3. രണ്ടു ലക്ഷം രൂപയില് കൂടുതല് ചിലവഴിച്ച് ഈ സാമ്പത്തിക വര്ഷത്തില് വിദേശയാത്ര നടത്തിയിട്ടുണ്ടെങ്കില്
4. . ഈ സാമ്പത്തിക വര്ഷത്തില് ബാങ്ക് നിക്ഷേപമായി ഒരു കോടി രൂപയില് കൂടുതല് ഉണ്ടെങ്കില്.
5. . ഒരു ലക്ഷം രൂപയില് കൂടുതല് തുകയ്ക്ക് ഈ സാമ്പത്തിക വര്ഷം കറന്റെ ബില് അടച്ചാല്
6. . ആദായനികുതിയായി അടച്ച തുക റീഫണ്ട് ആയി വേണമെന്നുണ്ടെങ്കിലും ആദായ നികുതി റിട്ടേണ് ഫയല് ചെയ്യേണ്ടതാണ്.
incometaxindiaefiling.gov.in എന്ന വെബ് സൈറ്റ് വഴി ടാക്സ് ഫയല് ചെയ്യാം.
പിഎം കിസാൻ സമ്മാൻ നിധി: ഡിസംബർ 25 ന് കർഷകരുടെ അക്കൌണ്ടിലേയ്ക്ക് 18,000 കോടി രൂപ എത്തും
എഫ്ഡികളിൽ പണം നിക്ഷേപിച്ചിട്ട് ഇനി എന്തുകാര്യം, കാശ് ബാങ്കിലിടേണ്ടതുണ്ടോ? അറിയേണ്ട കാര്യങ്ങൾ
ടെസ്ലയെ വില്ക്കാന് ചെന്നപ്പോള് ആപ്പിള് മുഖംതിരിച്ചു, വെളിപ്പെടുത്തി ഇലോണ് മസ്ക്