ഇന്ത്യയിൽ ആഗോള ടെക് ഹബ് സ്ഥാപിക്കാൻ ഫിയറ്റ് ക്രൈസ് ലർ: നിക്ഷേപിക്കുന്നത് 15 കോടി, നീക്കങ്ങൾ ഇങ്ങനെ

"എഫ്‌സി‌എ ഐസിടി ഇന്ത്യ ഞങ്ങളുടെ സാങ്കേതിക കേന്ദ്രമായിരിക്കും. അത് ഭാവിയിൽ ഗതാഗതത്തിനുള്ള ഉൽ‌പ്പന്നങ്ങൾ വികസിപ്പിക്കാൻ സഹായിക്കുക മാത്രമല്ല ഉപഭോക്തൃ കേന്ദ്രീകൃതത വർദ്ധിപ്പിക്കുന്നതിനുള്ള ഞങ്ങളുടെ ശ്രമങ്ങൾക്ക് ഊർജ്ജം പകരുകയും ചെയ്യും. ഇന്ത്യയിലെ നമ്മുടെ പ്രവർത്തനങ്ങളെ കൂടുതൽ പ്രാപ്തരാക്കാനുള്ള ഞങ്ങളുടെ കാഴ്ചപ്പാട് സാക്ഷാത്കരിക്കുന്നതിനുള്ള സുപ്രധാന ചുവടുവെപ്പാണിതെന്നും കമ്പനി പ്രതികരിച്ചു. ഇന്ത്യയ്‌ക്കും ലോകത്തിനുമായി പ്രാദേശികമായി ഡിജിറ്റലായി പ്രവർത്തിക്കുന്ന ഉൽപ്പന്നങ്ങളും സാങ്കേതികവിദ്യകളും വികസിപ്പിക്കുകയാണ് ലക്ഷ്യമെന്നും" എഫ്‌സി‌എ ഐസിടി ഇന്ത്യ ഡയറക്ടറും മേധാവിയുമായ കരീം ലാലാനി വാർത്താ സമ്മേളനത്തിൽ പറഞ്ഞു. ഇതിന്റെ പ്രവർത്തനത്തിനായി ഹൈദരാബാദിലെ പങ്കാളികൾ, സ്റ്റാർട്ടപ്പുകൾ, ഡിജിറ്റൽ ആക്‌സിലറേറ്ററുകൾ, സർവ്വകലാശാലകൾ എന്നിവയുൾപ്പെട്ട ഒരു ശൃംഖയ്ക്ക് രൂപം നൽകുമെന്നും അദ്ദേഹം കൂട്ടിച്ചേർത്തു.

"എഫ്‌സി‌എ ഐസിടി ഇന്ത്യയിൽ ഞങ്ങളുടെ കഴിവുകൾ വർദ്ധിപ്പിക്കുന്നതിന് സാങ്കേതിക പങ്കാളികളുമായി ഞങ്ങൾ അടുത്ത് പ്രവർത്തിക്കുമെന്നും" ലാലാനി പറഞ്ഞു. പ്രതിഭകളുടെ ലഭ്യതയും നൂതന സംസ്കാരവും അനുകൂല നയങ്ങളും ഹൈദരാബാദിൽ ബിസിനസ് സ്ഥാപിക്കാനുള്ള എഫ്‌സി‌എയുടെ തീരുമാനത്തിൽ ഒരു പ്രധാന പങ്ക് വഹിച്ചിട്ടുണ്ട്. , ഞങ്ങളുടെ നവീകരണ അജണ്ട ത്വരിതപ്പെടുത്തുന്നതിന് സ്റ്റാർട്ടപ്പുകൾ, ഡിജിറ്റൽ ആക്സിലറേറ്ററുകൾ, സർവ്വകലാശാലകൾ എന്നിവ കേന്ദ്രീകരിച്ച് പ്രവർത്തിക്കുമെന്ന് സിഇഒ ചമർതി വ്യക്തമാക്കി.

മഹാരാഷ്ട്രയിലും തമിഴ്‌നാട്ടിലും എഫ്‌സി‌എയ്ക്ക് സുപ്രധാന സാന്നിധ്യമുണ്ട്, മുംബൈ ആസ്ഥാനമായി മൂവായിരത്തിലധികം ആളുകളാണ് ജോലി ചെയ്തുവരുന്നത്. മഹാരാഷ്ട്രയിലെ രഞ്ജംഗാവിൽ കമ്പനിക്ക് സംയുക്ത സംരംഭ വാഹനവും പവർട്രെയിൻ നിർമാണ സൗകര്യവുമുണ്ട്. കമ്പനിയുടെ എഞ്ചിനീയറിംഗ്, ഉൽ‌പന്ന വികസന പ്രവർത്തനങ്ങൾ പൂനെയിലും ചെന്നൈയിലും പ്രവർത്തിച്ചുവരുന്നുണ്ടെന്നും അദ്ദേഹം വ്യക്തമാക്കി.