രാജ്യത്തെ ഏറ്റവും വലിയ സ്വകാര്യമേഖല ബാങ്കായ എച്ച്ഡിഎഫ്സി ബാങ്ക് എല്ലാ കാലാവധികളിലുമുള്ള വായ്പകളുടെ നാമമാത്ര-ചെലവ് അടിസ്ഥാനമാക്കിയുള്ള വായ്പാ നിരക്ക് (എംസിഎൽആർ) 20 ബേസിസ് പോയിൻറ് (ബിപിഎസ്) കുറച്ചു. നിരക്ക് കുറയ്ക്കൽ ഇന്ന് മുതൽ (ജൂലൈ 7) പ്രാബല്യത്തിൽ വരും. ബാങ്കിന്റെ വെബ്സൈറ്റിൽ നിന്നുള്ള വിവരം അനുസരിച്ച് കഴിഞ്ഞ മാസവും എച്ച്ഡിഎഫ്സി ബാങ്ക് എംസിഎൽആർ നിരക്ക് 5 ബേസിസ് പോയിന്റ് കുറച്ചിരുന്നു.
എച്ച്ഡിഎഫ്സി ബാങ്ക് എംസിഎൽആർ നിരക്ക്
ഏറ്റവും പുതിയ നിരക്ക് കുറയ്ക്കലിശേഷം എച്ച്ഡിഎഫ്സി ബാങ്ക് വെബ്സൈറ്റ് അനുസരിച്ച്, ഒരു ദിവസത്തെ എംസിഎൽആർ നില 7.10 ശതമാനമായും ഒരു മാസത്തെ എംസിഎൽആർ 7.15 ശതമാനമായും കുറഞ്ഞു. ഉപഭോക്തൃ വായ്പകളിൽ പലതും ബന്ധിപ്പിച്ചിട്ടുള്ള ഒരു വർഷത്തെ എംസിഎൽആർ ഇപ്പോൾ 7.45 ശതമാനവും മൂന്നുവർഷത്തെ എംസിഎൽആർ 7.65 ശതമാനവുമാണ്. ബാങ്കുകൾ സാധാരണയായി എല്ലാ മാസവും അവരുടെ എംസിഎൽആർ നിരക്കുകൾ അവലോകനം ചെയ്യും.
എച്ച്ഡിഎഫ്സി ബാങ്കിന് നാലാം പാദത്തിൽ 18 ശതമാനം വരുമാന വളർച്ച
മറ്റ് ബാങ്കുകൾ
കൊവിഡ് പ്രതിസന്ധിയെത്തുടർന്ന് സാമ്പത്തിക വളർച്ചയ്ക്ക് സഹായകമാകുന്നതിനായി മറ്റ് ബാങ്കുകളും സമാനമായ രീതിയിൽ നിരക്കുകൾ കുറച്ചിരുന്നു. മാർച്ച് മുതൽ റിസർവ് ബാങ്ക് നിരക്ക് 115 ബിപിഎസ് കുറച്ചു. ഇന്ന് മുതൽ പ്രാബല്യത്തിൽ വരുന്ന തരത്തിൽ കാനറ ബാങ്കും ബാങ്ക് ഓഫ് മഹാരാഷ്ട്രയും എംസിഎൽആർ യഥാക്രമം 10 ബേസിസ് പോയിന്റുകളും 20 ബേസിസ് പോയിന്റുകളും കുറച്ചിട്ടുണ്ട്.
എടിഎം ഇനി നിങ്ങളുടെ വീടിന് മുന്നിലെത്തും; ചലിക്കുന്ന എടിഎമ്മുമായി എച്ച്ഡിഎഫ്സി ബാങ്ക്
കാനറാ ബാങ്ക്
ബെംഗളൂരു ആസ്ഥാനമായുള്ള കാനറ ബാങ്ക് ഒരു വർഷത്തെ എംസിഎൽആർ 7.65 ശതമാനത്തിൽ നിന്ന് 7.55 ശതമാനമായി കുറച്ചു. ഒരു മാസത്തെ വായ്പാ നിരക്ക് 10 ബേസിസ് പോയിൻറ് കുറച്ചുകൊണ്ട് 7.20 ശതമാനമാക്കി. മൂന്ന് മാസത്തെ എംസിഎൽആർ നിരക്ക് 7.55 ശതമാനത്തിൽ നിന്ന് 7.45 ശതമാനമായി പരിഷ്കരിച്ചു.
എച്ച്ഡിഎഫ്സി നെറ്റ് ബാങ്കിംഗ്: മൊബൈൽ നമ്പറും പാസ്വേഡും എങ്ങനെ മാറ്റാം?
ബാങ്ക് ഓഫ് മഹാരാഷ്ട്ര
പൂനെ ആസ്ഥാനമായ ബാങ്ക് ഓഫ് മഹാരാഷ്ട്രയും ഒരു വർഷത്തെ എംസിഎൽആർ നിരക്ക് 7.70 ശതമാനത്തിൽ നിന്ന് 7.50 ശതമാനമായി കുറച്ചു. ഒരു ദിവസം, ഒരു മാസം, മൂന്ന് മാസം എന്നീ കാലാവധികളിലെ എംസിഎൽആർ നിരക്ക് 7.20 ശതമാനത്തിൽ നിന്ന് 7 ശതമാനമായും 7.30 ശതമാനത്തിൽ നിന്ന് 7.10 ശതമാനമായും 7.40 ശതമാനത്തിൽ നിന്ന് 7.20 ശതമാനമായും കുറച്ചിട്ടുണ്ട്.