എസ്ബിഐ അക്കൌണ്ടിൽ മിനിമം ബാലൻസ് ഇല്ലെങ്കിലും ഇനി പിഴയില്ല, എസ്എംഎസ് നിരക്കും വേണ്ട

മിനിമം ബാലൻസ് പരിപാലിക്കാത്തതിന് സേവിംഗ്സ് ബാങ്ക് അക്കൗണ്ട് ഉപഭോക്താക്കളിൽ നിന്ന് നിരക്ക് ഈടാക്കില്ലെന്നും എസ്എംഎസ് ചാർജുകൾ എഴുതിത്തള്ളിയതായും ഇന്ത്യയിലെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ അഥവാ എസ്‌ബി‌ഐ അറിയിച്ചു. എസ്എംഎസ് സേവനത്തിനും പ്രതിമാസ ശരാശരി ബാലൻസ് പരിപാലിക്കാത്തതിനും നിരക്ക് ഈടാക്കേണ്ടതില്ലെന്നാണ് സ്റ്റേറ്റ് ബാങ്ക് ഓഫ് ഇന്ത്യ ട്വീറ്റ് ചെയ്തിരിക്കുന്നത്. എസ്‌ബി‌ഐക്ക് 44 കോടിയിലധികം സേവിംഗ്സ് അക്കൗണ്ടുകളുണ്ട്.

എല്ലാ അക്കൌണ്ടുകൾക്കും

ഇന്റർനെറ്റ് ബാങ്കിംഗും ചെക്ക് ബുക്ക് സൗകര്യവുമുള്ള എല്ലാ എസ്‌ബി‌ഐ സേവിംഗ്സ് അക്കൗണ്ടുകൾക്കും ഈ സേവനം ലഭിക്കും. എസ്‌ബി‌ഐ ഒരു ട്വീറ്റിലാണ് എഴുതിത്തള്ളൽ എല്ലാ അക്കൗണ്ടുകൾക്കും ബാധകമാണെന്ന് വ്യക്തമാക്കിയിരിക്കുന്നത്.

സൌജന്യ ഇടപാട്

എസ്‌ബി‌ഐ സേവിംഗ്സ് അക്കൌണ്ടുകളിൽ ഉയർന്ന ബാലൻസ് നിലനിർത്തുന്നവർക്ക് കൂടുതൽ സൌജന്യ എടിഎം ഇടപാടുകൾ വാഗ്ദാനം ചെയ്യും. ഉദാഹരണത്തിന്, ഒരു ലക്ഷത്തിൽ കൂടുതൽ ബാലൻസ് നിലനിർത്തുന്ന അക്കൗണ്ട് ഉടമകൾക്ക് ഒരു മാസത്തിനുള്ളിൽ പരിധിയില്ലാത്ത സൌജന്യ എടിഎം ഇടപാടുകളുടെ ആനുകൂല്യം ലഭിക്കും.

മുൻ നിരക്കുകൾ

എല്ലാ സേവിംഗ്സ് ബാങ്ക് അക്കൌണ്ടുകൾക്കും ശരാശരി പ്രതിമാസ ബാലൻസ് പരിപാലിക്കാത്തതിന് ചാർജുകൾ ഒഴിവാക്കുമെന്ന് ഈ വർഷം മാർച്ചിൽ എസ്‌ബി‌ഐ പ്രഖ്യാപിച്ചിരുന്നു. നേരത്തെ, എസ്‌ബി‌ഐ സേവിംഗ്സ് ബാങ്ക് ഉപഭോക്താക്കൾക്ക് യഥാക്രമം മെട്രോ, സെമി അർബൻ, ഗ്രാമീണ മേഖലകളിൽ യഥാക്രമം 3000, 2000, 1000 രൂപ ബാലൻസ് നിലനിർത്തേണ്ടി വന്നിരുന്നു. ശരാശരി പ്രതിമാസ ബാലൻസ് പരിപാലിക്കാത്തതിന് 5 മുതൽ 15 രൂപ വരെ പിഴയും നികുതിയും ബാങ്ക് ചുമത്തിയിരുന്നു.

പലിശ നിരക്ക്

സേവിംഗ്സ് ബാങ്ക് അക്കൗണ്ട് നിക്ഷേപത്തിന് എസ്‌ബി‌ഐ നിലവിൽ 2.7 ശതമാനം പലിശനിരക്കാണ് നൽകുന്നത്. ആസ്തി, നിക്ഷേപം, ശാഖകൾ, ഉപഭോക്താക്കൾ, ജീവനക്കാർ എന്നിവയുടെ കാര്യത്തിൽ ഏറ്റവും വലിയ വാണിജ്യ ബാങ്കാണ് എസ്‌ബി‌ഐ. രാജ്യത്തെ ഏറ്റവും വലിയ മോർട്ട്ഗേജ് വായ്പ നൽകുന്ന ബാങ്കും എസ്ബിഐ ആണ്.

നിക്ഷേപ കണക്കുകൾ

2020 മാർച്ച് 31 ലെ കണക്കനുസരിച്ച് ബാങ്കിന് 32 ലക്ഷം കോടിയിലധികം നിക്ഷേപമുണ്ട്. ഇന്ത്യയിൽ ഏറ്റവും വലിയ 22,000 ശാഖകളുള്ള ബാങ്കാണ് എസ്ബിഐ. 58,000 ത്തിലധികം എടിഎം / സിഡിഎം ശൃംഖലയും 61,000 ത്തിലധികം ബിസി ഔട്ട്‌ലെറ്റുകളുമുണ്ട്.