ആഗോള സാമ്പത്തിക വളർച്ച വെട്ടിക്കുറിച്ച് ഒഇസിഡിയുടെ പ്രവചനം

2020 ലെ ആഗോള സാമ്പത്തിക വളർച്ചാ പ്രവചന റിപ്പോർട്ടുമായി ഒഇസിഡി. പാരിസ് ആസ്ഥാനമായുള്ള ഓർഗനൈസേഷൻ ഫോർ ഇക്കണോമിക് കോ-ഓപ്പറേഷൻ ആന്റ് ഡവലപ്മെന്റ്, ലോകമെമ്പാടുമുള്ള ബിസിനസ്സ് പ്രവർത്തനങ്ങൾ അടുത്ത വർഷം 2.9 ശതമാനം വർദ്ധിക്കുമെന്നാണ് കണക്കാക്കുന്നത്, സെപ്റ്റംബറിൽ പുറത്തിറക്കിയ മുൻ പ്രവചനത്തിൽ നിന്ന് 0.1 ശതമാനം കുറവാണ് രേഖപ്പെടുത്തിയിരിക്കുന്നത്.

2021 ൽ, ലോകത്തിലെ സമ്പന്ന രാജ്യങ്ങളുടെ സാമ്പത്തിക വളർച്ച 3.0 ശതമാനം വരെ ഉയരുമെന്നും റിപ്പോർട്ടിൽ പറയുന്നു. കഴിഞ്ഞ രണ്ട് വർഷമായി, ആഗോള വളർച്ചാ ഫലങ്ങളും പ്രതീക്ഷകളും ക്രമാനുഗതമായി വഷളായിക്കൊണ്ടിരിക്കുകയാണെന്നും സ്ഥിരമായ നയ അനിശ്ചിതത്വങ്ങളും ദുർബലമായ വ്യാപാര, നിക്ഷേപ പ്രവാഹങ്ങളുമാണ് ഇതിന് കാരണമെന്നും ഒഇസിഡി ചീഫ് ഇക്കണോമിസ്റ്റ് ലോറൻസ് ബൂൺ അഭിപ്രായപ്പെട്ടു.

ആഗോള സാമ്പത്തിക വളർച്ച വെട്ടിക്കുറിച്ച് ഒഇസിഡിയുടെ പ്രവചനം

വാണിജ്യ പിരിമുറുക്കത്തിന്റെ പ്രതികൂല ഫലങ്ങൾ നികത്തുന്ന നിർണായകവും സമയബന്ധിതവുമായ ധനപരമായ തീരുമാനങ്ങൾ കേന്ദ്ര ബാങ്കുകൾ എടുത്തിട്ടുണ്ടെങ്കിലും മിക്ക സർക്കാരുകളും സാമ്പത്തിക തലത്തിൽ മികച്ച അനുയോജ്യമായ തീരുമാനങ്ങളെടുത്തിട്ടില്ലെന്നും, ഉദാഹരണത്തിന് അടിസ്ഥാന സൌകര്യങ്ങൾ മെച്ചപ്പെടുത്തുന്നതിനായി ദീർഘകാല പ്രോജക്ടുകളിൽ നിക്ഷേപിക്കുക, മുൻകൂട്ടി ഡിജിറ്റലൈസേഷൻ ചെയ്യുക, സമ്പദ്‌വ്യവസ്ഥയെ പരിമിതപ്പെടുത്തുക തുടങ്ങിയ കാര്യങ്ങളാണ് പല സർക്കാരുകളും ചെയ്ത് കൊണ്ടിരിക്കുന്നതെന്നും ലോറൻസ് ബൂൺ പറഞ്ഞു.

2007ലെ ആഗോള സാമ്പത്തിക പ്രതിസന്ധിയ്ക്ക് ശേഷമുള്ള ദുർബലമായ സാമ്പത്തിക സ്ഥിതിയാണ് ഇപ്പോൾ കണ്ടു കൊണ്ടിരിക്കുന്നതെന്നും ഒഇസിഡി കണ്ടതായി റിപ്പോർട്ടിൽ പറയുന്നു.