വരുമാനമുണ്ടാക്കാൻ ടെലഗ്രാം, സേവനങ്ങൾക്ക് ഉപഭോക്താക്കൾ ഇനി മുതൽ പണം നൽകേണ്ടി വരും

2013ലാണ് ദുറോവും സഹോദരന്‍ നിക്കോളൈയും ചേര്‍ന്ന് ടെലഗ്രാമിന് തുടക്കമിടുന്നത്. ഇതിനകം 500 മില്യണ് മുകളില്‍ ആക്ടീവ് യൂസേഴ്‌സിനെ സ്വന്തമാക്കാന്‍ ടെലഗ്രാമിനായിട്ടുണ്ട്. ടെലഗ്രാമിന്റെ ചരിത്രത്തില്‍ പല വട്ടവും സ്വന്തം സമ്പാദ്യത്തില്‍ നിന്നും പണമെടുത്താണ് ടെലഗ്രാമിന് വേണ്ടി ചിലവാക്കിയിരുന്നത് എന്നും ദുറോവ് പറയുന്നു. എന്നാല്‍ കോടിക്കണക്കിന് ഉപഭോക്താക്കളിലേക്ക് ടെലഗ്രാം എത്തുമ്പോള്‍ അതിനനുസരിച്ചുളള ഫണ്ടിംഗും ആവശ്യമാണെന്നും ദുറോവ് പറയുന്നു.

നിലവില്‍ സൗജന്യമായി ലഭിക്കുന്ന ഫീച്ചറുകള്‍ സൗജന്യമായി തന്നെ തുടരുമെന്നും അദ്ദേഹം വ്യക്തമാക്കി. അതിന് പ്രത്യേക ചാര്‍ജ് ഈടാക്കില്ല. എന്നാല്‍ വാണിജ്യ ആവശ്യങ്ങള്‍ക്ക് ഉപയോഗിക്കുന്നവര്‍ക്കായി ചില പുതിയ ഫീച്ചറുകള്‍ പുതുവര്‍ഷത്തില്‍ ടെലഗ്രാമില്‍ ഉള്‍പ്പെടുത്തും. ഇവയില്‍ ചിലതിനാണ് പണം ഈടാക്കുക. വണ്‍ ടു വണ്‍ ചാറ്റുകള്‍ അല്ലാതെ ഒരാള്‍ കൂടുതല്‍ പേരോട് സംസാരിക്കുന്ന ടെലഗ്രാം ചാനലുകള്‍ വഴി പരസ്യം നല്‍കാനും കമ്പനി ആലോചിക്കുന്നുണ്ട്.