എസ്ബിഐ ഉപഭോക്താക്കൾക്ക് ബാങ്കിന്റെ മുന്നറിയിപ്പ്; അക്കൌണ്ടിലുള്ള കാശു പോകാതെ സൂക്ഷിക്കുക

രഹസ്യ വിവരങ്ങളുടെ മോഷണം

സൈബർ ക്രൈം വിദഗ്ധരുടെ അഭിപ്രായത്തിൽ, മൊബൈൽ ഉടമയുടെ രഹസ്യ ഡാറ്റ മോഷ്ടിക്കാൻ ഹാക്കർമാരെ സഹായിക്കുന്നത് മാൽവെയർ, ഫിഷിംഗ്, അൽഗോരിതം എന്നിവയുടെ മിശ്രിതത്തിലൂടെയാണ്. 'ഓട്ടോ ഡാറ്റ ട്രാൻസ്ഫർ ഡിവൈസ്' എന്ന ഡാറ്റാ കാർഡ് വഴിയാണ് ഇത് ചെയ്യുന്നത്. മൊബൈൽ ചാർജിംഗ് പോർട്ടിന് പിന്നിലാണ് 'ഓട്ടോ ഡാറ്റ ട്രാൻസ്ഫർ ഉപകരണം' എന്ന പ്ലഗ്-ഇൻ കാർഡ് ഘടിപ്പിക്കുന്നത്.

ചതിക്കുഴികളൊരുക്കി ഓൺലൈൻ തട്ടിപ്പുകാർ; പണം നഷ്ടമാകാതിരിക്കാനായി അറിയൂ ഇക്കാര്യങ്ങൾ

പോപ്പ് അപ് മെസേജ്

ഇത്തരത്തിൽ 'ഓട്ടോ ഡാറ്റ ട്രാൻസ്ഫർ ഉപകരണം ഘടിപ്പിച്ച പ്ലഗിൽ ഫോൺ ചാർജ് ചെയ്യാൻ കണക്ട് ചെയ്യുമ്പോൾ നിങ്ങളുടെ മൊബൈലിൽ ഒരു പോപ്പ്-അപ്പ് ലഭിക്കും. സാധാരണയായി, സന്ദേശം വായിക്കാതെ ആളുകൾ യെസ് ബട്ടണിൽ ക്ലിക്ക് ചെയ്യും. ഇതോടെ നിങ്ങളുടെ മൊബൈൽ‌ ഫോണിൽ‌ നിന്നും നിങ്ങളുടെ പാസ്‌വേഡുകളും മറ്റ് ഡാറ്റകളും മോഷ്ടിക്കാൻ തട്ടിപ്പുകാർക്ക് സാധിക്കും.

എസ്‌ബി‌ഐ ഉപഭോക്താക്കൾക്ക് ബാങ്കിന്റെ മുന്നറിയിപ്പ്; ഈ മെസേജ് ലഭിച്ചിട്ടുണ്ടെങ്കിൽ സൂക്ഷിക്കുക

പൊതുസ്ഥലത്ത് ചാർജിംഗ് വേണ്ട

ചാർജിംഗ് സ്റ്റേഷനുകളിൽ നിങ്ങളുടെ ഫോൺ പ്ലഗ് ഇൻ ചെയ്യുന്നതിന് മുമ്പ് രണ്ടുതവണ ചിന്തിക്കുക എന്നാണ് എസ്ബിഐ ട്വീറ്റിലൂടെ മൊബൈൽ ചാർജിംഗ് സ്റ്റേഷനുകളിൽ നടക്കുന്ന ഓൺലൈൻ തട്ടിപ്പിനെക്കുറിച്ച് ഉപഭോക്താക്കൾക്ക് മുന്നറിയിപ്പ് നൽകിയിരിക്കുന്നത്. വീട്ടിലോ ഓഫീസിലോ ചാർജിംഗ് കേബിൾ ഉപയോഗിച്ച് നിങ്ങളുടെ മൊബൈൽ പ്ലഗ്-ഇൻ ചെയ്യുമ്പോൾ, നിങ്ങൾക്ക് സാധാരണ പോപ്പ്-അപ്പ് മെസേജ് ലഭിക്കില്ല. എന്നാൽ പോപ്പ്-അപ്പ് മെസേജ് ലഭിക്കുന്നുണ്ടെങ്കിൽ അത് മാൽവെയർ ആക്രമണ സൂചനകളാണ് നൽകുന്നത്.

ശ്രദ്ധിക്കേണ്ട കാര്യങ്ങൾ

പൊതു മൊബൈൽ ചാർജിംഗ് സ്റ്റേഷനുകളിൽ നിന്ന് നിങ്ങളുടെ മൊബൈൽ ഫോണുകൾ ചാർജ് ചെയ്യുന്നത് ഒഴിവാക്കുക എന്നതാണ് ശ്രദ്ധിക്കേണ്ട പ്രധാന കാരണം. കൂടാതെ ഫോണിൽ ആന്റി മാൽവെയർ സോഫ്റ്റ്വെയർ ഡൌൺലോഡ് ചെയ്യാനും ശ്രദ്ധിക്കുക.

10 ലക്ഷത്തിലധികം ക്രെഡിറ്റ്, ഡെബിറ്റ് കാർഡ് വിവരങ്ങൾ ഓൺലൈനിൽ വിൽപ്പനയ്ക്ക്