Just In
-
-
-
-
Don't Miss
-
വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും -
ചില ദിവസങ്ങളിൽ അദ്ദേഹം മറ്റൊരു മുറിയിൽ; ഞാനത് പൂർണമായും മനസിലാക്കുന്നു; ഭർത്താവിനെക്കുറിച്ച് വിദ്യ -
കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും -
'തെക്ക് കിഴക്ക് നടന്നു എന്നല്ലാതെ പൗരത്വ ബില്ലിനെ കുറിച്ച് രാഹുൽ ഗാന്ധി ഒന്നും പറഞ്ഞിട്ടില്ല'; എംവി ഗോവിന്ദൻ -
IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ് -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
ബജറ്റ് പ്രഖ്യാപനങ്ങളിൽ സാധാരണക്കാരെ ബാധിക്കുന്ന തീരുമാനങ്ങൾ ഏറെയും വന്നത് ആദായ നികുതിയുമായി ബന്ധപ്പെട്ടാണ്. നികുതി പരിധി ഉയർത്തിയും പുതിയ നികുതി സ്ലാബുകൾ പ്രഖ്യാപിച്ചതിനൊപ്പം ബജറ്റ് രേഖകളിൽ ആദായ നികുതിയുമായി ബന്ധപ്പെട്ട പ്രധാന പ്രഖ്യാപനങ്ങളുണ്ട്. ഇവ വിശദമായി പരിശോധിക്കാം.
1. ശമ്പളക്കാര്‍, പെന്‍ഷന്‍കാര്‍
ഫാമലി പെന്‍ഷന്‍കാര്‍ക്കും ശമ്പളക്കാർക്കുമായി ധനമന്ത്രി നിർമലാ സീതാരാമൻ ബജറ്റിൽ സ്റ്റാൻഡേർഡ് ഡിഡക്ഷൻ അവതരിപ്പിച്ചിട്ടുണ്ട്. 15.50 ലക്ഷം രൂപയോ അതിൽ കൂടുതലോ വരുമാനമുള്ള വ്യക്തികൾക്ക് 52,500 രൂപയുടെ ലാഭം നേടാം.
2. സമ്പന്നരുടെ നികുതി കുറച്ചു
പ്രതിവർഷം 5 കോടി രൂപയ്ക്ക് മുകളിൽ വരുമാനമുള്ള വ്യക്തികളുടെ നികുതി കുറയ്ക്കാനാണ് ബജറ്റ് തീരുമാനം. നിലവിൽ 42.74 ശതമാനം നികുതി അടയ്ക്കുന്നവർക്ക് പുതിയ നികുതി വ്യവസ്ഥയിൽ 37 ശതമാനം സർചാർജ് 25 ശതമാനമാക്കി കുറച്ചു. ഇതോടെ നികുതി നിരക്ക് 39 ശതമാനമായി കുറയും.
3. പുതിയ നികുതി വ്യവസ്ഥ
2020 ബജറ്റിൽ അവതരിപ്പിച്ച പുതിയ നികുതി വ്യവസ്ഥ സ്ഥിര സ്ഥിതി (by default) നികുതി വ്യവസ്ഥയായി മാറും. പഴയ നികുതി വ്യവസ്ഥ ഉപയോഗിക്കുന്നവർക്ക് ഇത് തുടരാനുള്ള അവസരം ബജറ്റ് നിലനിർത്തിയിട്ടുണ്ട്. കൂടുതൽ ഇളവുകൾ പ്രഖ്യാപിച്ചിട്ടുള്ളത് പുതിയ നികുതി വ്യവസ്ഥയിലാണ്.
4. ലീവ് എൻക്യാഷ്മെന്റ് നികുതി ഇളവ്
സര്‍ക്കാരിതര ജീവനക്കാരുടെ ലീവ് എന്‍കാഷ്മെന്റിന്റെ നികുതി ഇളവ് 3 ലക്ഷത്തില്‍ നിന്ന് 25 ലക്ഷമായി ഉയര്‍ത്തുമെന്നത് സാധാരണക്കാരെ സംബന്ധിച്ച് വലിയ നേട്ടം തരുന്ന പ്രഖ്യാപനമാണ്. ജീവനക്കാരന് ലഭിക്കാത്ത അവധികൾക്ക് പകരം പണം കൈപ്പറ്റുന്നതിനെയാണ് ലീവ് എൻക്യാഷ്മെന്റ് എന്ന് പറയുന്നത്.
5. ഇൻഷൂറൻസുകൾക്ക് നികുതി ഇളവില്ല
പരമ്പരാഗത ഇന്‍ഷൂറന്‍സ് പോളിസികളില്‍ നിന്നുള്ള വരുമാനത്തിന് നികുതി ഇളവുകള്‍ ഭാഗികമായി ബജറ്റില്‍ നീക്കി. 5 ലക്ഷം രൂപയില്‍ കൂടുതല്‍ തുക വാർഷിക പ്രീമിയം വരുന്ന പോളിസികളില്‍ നിന്നുള്ള വരുമാനത്തിന് നികുതി ഇളവ് പിന്‍വലിക്കുമെന്ന് നിര്‍മലാ സീതാരാമന്‍ ബജറ്റില്‍ പ്രഖ്യാപിച്ചു.
ഉയര്‍ന്ന മൂല്യമുള്ള ഇന്‍ഷൂറന്‍സ് പോളിസികളില്‍ നിന്നുള്ള വരുമാനത്തില്‍ നിന്ന് നികുതി ഇളവ് നേടുന്നത് ഒഴിവാക്കുന്നത് പരിമിതപ്പെടുത്തുകയാണ് ഇതുവഴി ലക്ഷ്യമിടുന്നത്. 2023 ഏപ്രില്‍ 1 ന് ശേഷം വാങ്ങുന്ന പോളിസികളുടെ ആകെ പ്രീമിയം 5 ലക്ഷത്തില്‍ കൂടുതലായാല്‍ വരുമാനം നികുതിയില്‍ നിന്ന് ഒഴിവാക്കില്ല. യൂണിറ്റ് ലിങ്ക്ഡ് ഇന്‍ഷൂറന്‍സ് പ്ലാനുകള്‍ക്ക് 2021 ലെ ബജറ്റ് മുതൽ വാര്‍ഷിക പ്രീമിയം 2.50 കടന്നാല്‍ ഇളവ് നഷ്ടപ്പെടും.
6. നികുതി റിബേറ്റ്
പുതിയ നികുതി സമ്പ്രദായം തിരഞ്ഞെടുക്കുന്നവര്‍ക്ക് ബജറ്റിൽ റിബേറ്റ് 7 ലക്ഷമാക്കി ഉയര്‍ത്തി. നേരത്തെയിത് 5 ലക്ഷം രൂപയായിരുന്നു. ഇതുപ്രകാരം 7 ലക്ഷം രൂപ വരെ വാർഷിക വരുമാനമുള്ളവർക്ക് പുതിയ നികുതി സമ്പദ്രായം തിരഞ്ഞെടുക്കുമ്പോൾ ആദായ നികുതി അടയ്ക്കേണ്ടതില്ല.
7. നികുതി സ്ലാബുകൾ
പുതിയ നികുതി വ്യവസ്ഥയിൽ നേരത്തെയുണ്ടായ 6 നികുതി സ്ലാബുകളെ 5 ആയി കുറച്ചതാണ് മറ്റൊരു ബജറ്റ് തീരുമാനം. 0-3 ലക്ഷം വരെ നികുതിയില്ല. 3 ലക്ഷത്തിനും 5 ലക്ഷത്തിനും ഇടയില്‍ വരുമാനമുള്ളവര്‍ക്ക് 5 ശതമാനം നിരക്കിലാണ് നികുതി ഈടാക്കുക.
6 ലക്ഷത്തിനും 9 ലക്ഷത്തിനും ഇടയില്‍ വാര്‍ഷിക വരുമാനമുള്ളവര്‍ക്ക് 10 ശതമാനം നികുതി പുതിയ നികുതി വ്യവസ്ഥയില്‍ നല്‍കണം. 12 ലക്ഷത്തിനും 15 ലക്ഷത്തിനും ഇടയില്‍ 20 ശതമാനം നികുതിയും 15 ലക്ഷത്തിന് മുകളില്‍ 30 ശതമാനം നികുതിയുമാണ് നല്‍കേണ്ടി വരുന്നത്.
8. ഭൗതിക സ്വർണം ഇലക്ട്രോണിക് രീതിയിലേക്ക് മാറ്റൽ
ഭൗതിക സ്വർണം ഇലക്ട്രോണിക് ഗോൾഡ് രസീതാക്കി മാറ്റുന്നതിന് മൂലധന നേട്ട നികുതി ഈടാക്കില്ലെന്ന് നിർമലാ സീതാരാമൻ ബജറ്റിൽ പ്രഖ്യാപിച്ചിട്ടുണ്ട്. ഈ ഇടപാടിനെ ഒരു കൈമാറ്റമായി കണക്കാക്കില്ലെന്നും നികുതി നൽകേണ്ടതില്ലെന്നും ധനമന്ത്രി ബജറ്റ് പ്രസംഗത്തിൽ വ്യക്തമാക്കി.
9. പാൻ തിരിച്ചറിയൽ രേഖ
സർക്കാർ ഏജൻസികളിലെ എല്ലാ ഡിജിറ്റൽ ഇടപാടുകൾക്കും പൊതുവായ തിരിച്ചറിയൽ രേഖയായി പാൻ കാർഡ് ഉപയോഗിക്കാമെന്ന് ധനമന്ത്രി ബജറ്റിൽ പ്രഖ്യാപിച്ചു. ഈ നീക്കം കെവൈസി പ്രക്രിയയെ ലളിതമാക്കുകയും ആദായ നികുതി വകുപ്പിനും മറ്റ് സർക്കാർ ഏജൻസികൾക്കും പാൻ കാർഡ് ഉടമകളുടെ രേഖകൾ കൈകാര്യം ചെയ്യുന്നത് എളുപ്പമാക്കുകയും ചെയ്യും.
