Just In
-
-
-
-
Don't Miss
-
പിണറായിയെ ഇഡി അറസ്റ്റ് ചെയ്താല് ആദ്യം പ്രതിഷേധം നടത്തുക രാഹുല് ഗാന്ധി: കെ സുരേന്ദ്രന് -
ബിഗ് ബോസിലെ വിന്നറാവാന് സാധ്യത ഇവര്ക്കോ? ടോപ്പ് ഫൈവിലേക്ക് എത്താന് ചാന്സുള്ളവരെ പറ്റി ആരാധകര് -
പടവലങ്ങയുണ്ടോ നിലക്കടലയോ : രണ്ടും ചേര്ത്ത് കിടിലന് ടേസ്റ്റില് തോരന് -
അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കയ്യിലുള്ള അധിക തുക സുരക്ഷിതമായി സൂക്ഷിക്കാന്‍ സാധിക്കുന്നിടമാണ് സേവിംഗ്സ് അക്കൗണ്ടുകള്‍. ആവശ്യ സമയത്ത് സുഖകരമായി പിന്‍വലിക്കാന്‍ സാധിക്കുന്നതിനൊപ്പം അക്കൗണ്ടിലുള്ള പണത്തിന് പലിശ ലഭിക്കുകയും ചെയ്യുന്നുണ്ട്. ഡിജിറ്റല്‍ കാലത്ത് ബാങ്ക് അക്കൗണ്ടുകള്‍ തുറക്കുക എന്നത് എളുപ്പമുള്ള ജോലിയിയതിനാല്‍ ഒരാള്‍ക്ക് തന്നെ ഒന്നിലധികം സേവിംഗ്സ് അക്കൗണ്ടുകള്‍ ഇന്ന് സര്‍വ സാധാരണമാണ്.
പല ചെലവുകൾക്കുള്ള തുക വ്യത്യസ്ത അക്കൗണ്ടുകളിലേക്ക് മാറ്റുന്നവരുണ്ട്. എല്ലാ അക്കൗണ്ടുകളും പാൻ കാർഡുമായി ബന്ധിപ്പിച്ചതിനാൽ എല്ലാ അക്കൗണ്ടിലെയും തുക ആദായ നികുതി വകുപ്പിന് കൃത്യമായി വിലയിരുത്താനാകും.
സേവിംഗ്സ് അക്കൗണ്ടിന് മിനിമം ബാലൻസ് ആവശ്യമാണെന്ന് ഉപയോഗിക്കുന്ന എല്ലവർക്കുമറിയാം. എന്നാൽ അക്കൗണ്ടിൽ നിക്ഷേപിക്കാൻ സാധിക്കുന്ന തുകയ്ക്ക് പരിധിയുണ്ടോ, 5 ലക്ഷത്തിൽ കൂടുതൽ തുക സേവിംഗ്സ് അക്കൗണ്ടിലുള്ളൊരാൾ നികുതി നൽകേണ്ടി വരുമോ തുടങ്ങി നിരവധി സംശയങ്ങൾ അക്കൗണ്ട് ഉടമകൾ പങ്കുവെയ്ക്കുന്നുണ്ട്. ഇതിന് ഉത്തരാണ് ഈ ലേഖനം തേടുന്നത്.
സേവിംഗ്സ് അക്കൗണ്ടും പരിധിയും
സേവിംഗ്സ് അക്കൗണ്ടില്‍ തുക സൂക്ഷിക്കുന്നത് സംബന്ധിച്ച് യാതൊരു നിയന്ത്രണങ്ങളുമില്ല. അക്കൗണ്ടില്‍ നിശ്ചിത തുക സൂക്ഷിക്കുന്നത് സംബന്ധിച്ച് ആദായ നികുതി നിയമത്തിലെ ബാങ്കിംഗ് റഗുലേഷന്‍ നിയമത്തിലോ പ്രത്യേക പരിധിയൊന്നും നിശ്ചയിച്ചിട്ടില്ല.
ബാങ്കുകള്‍ക്ക് അനുസരിച്ച് മിനിമം ബാലന്‍സ് സൂക്ഷിക്കുന്നതിന് പ്രത്യേകം ചട്ടങ്ങളുണ്ട്. ബാങ്കുകള്‍ അനുസരിച്ച് മിനിമം ബാലന്‍സ് സൂക്ഷിക്കാത്തതിന് വ്യത്യസ്ത തുക പിഴ ഈടാക്കും. ബാങ്കില്‍ സൂക്ഷിക്കുന്ന പണത്തിന്റെ പരിധി അനുസരിച്ച് ബാങ്കിന് നികുതി നല്‍കേണ്ടതില്ല.
സേവിംഗ്സ് അക്കൗണ്ടും നികുതിയും
സേവിംഗ്സ് ബാങ്ക് അക്കൗണ്ടിലെ പലിശ വരുമാനം നികുതി നൽകേണ്ടൊരു വരുമാനമാണ്. സേവിംഗ്സ് അക്കൗണ്ടില്‍ നിന്ന് ലഭിക്കുന്ന പലിശ വരുമാനം മറ്റു സ്രോതസ്സുകളില്‍ നിന്നുള്ള വരുമാനത്തിലേക്ക് ചേര്‍ക്കുകയും മൊത്തം വരുമാനത്തിന് അനുസൃതമായ ടാക്‌സ് ബ്രാക്കറ്റ് അനുസരിച്ച് നികുതി ചുമത്തുകയുമാണ് ചെയ്യുക. എന്നാൽ വ്യക്തിഗത നികുതി ദായകര്‍ക്ക് സേവിംഗ്സ് അക്കൗണ്ടിലെ പലിശയ്ക്ക് ആദായ നികുതി നിയമത്തില്‍ നിന്ന് ഇളവ് നേടാൻ സാധിക്കും.
നികുതിയും ഇളവുകളും
സേവിംഗ്സ് അക്കൗണ്ടിലെ പലിശ വരുമാനത്തില്‍ നിന്ന് 10,000 രൂപ വരെ നികുതി ഇളവ് ലഭിക്കും. ആദായ നികുതി നിയമത്തിലെ സെക്ഷന്‍ 80ടിടഎ പ്രകാരമാണ് ഈ ഇളവ്. വ്യക്തിഗത നികുതി ദായകർക്കും ഹിന്ദു അഭിവക്ത കുടുംബത്തിനുമാണ് ഈ ഇളവ് ലഭിക്കുക.
10,000രൂപയില്‍ കുറവാണെങ്കില്‍ നികുതി അടയ്ക്കേണ്ടതില്ല. 60 വയസ് കഴിഞ്ഞ നികുതിദായകര്‍ക്ക് സെക്ഷന്‍ 80ടിടിബി പ്രകാരം 50,000 രൂപയുടെ ഇളവ് ലഭിക്കും. സേവിംഗ്സ് അക്കൗണ്ടിൽ നിന്ന് അടക്കമുള്ള പലിശ വരുമാനത്തിന് ഈ സെക്ഷൻ പ്രകാരം ഇളവ് നേടാം.
നികുതി റിട്ടേൺ
മുകളിൽ പറഞ്ഞ ഇളവുകൾ ക്ലെയിം ചെയ്തതിന് ശേഷം മൊത്തം വരുമാനവും അടിസ്ഥാന പരിധി കവിയുന്നുവെങ്കില്‍ ആദായ നികുതി റിട്ടേൺ ഫയല്‍ ചെയ്യണം. ബാധകമായ സ്ലാബില്‍ നികുതി അടയ്ക്കേണ്ടി വന്നേക്കാം. ഇവിടെ ശ്രദ്ധിക്കേണ്ട മറ്റൊരു കാര്യം സേവിംഗ് ബാങ്ക് അക്കൗണ്ടില്‍ ക്രെഡിറ്റ് ചെയ്യുന്ന പലിശയ്ക്ക് ബാങ്കുകള്‍ സ്രോതസിൽ നിന്നുള്ള നികുതി ഈടാക്കുന്നില്ലാ എന്നതാണ്.
സേവിംഗ്സ് ബാങ്ക് അക്കൗണ്ടിൽ ശ്രദ്ധിക്കാൻ
സേവിംഗ്സ് അക്കൗണ്ട് ഉപയോഗിച്ച് വലിയ തുകയുടെ ഇടപാടുകൾ നടത്തുന്നവർ ശ്രദ്ധിക്കേണ്ടതുണ്ട്. സാമ്പത്തിക വര്‍ഷത്തില്‍ നിക്ഷേപമായോ പിന്‍വലിക്കാലായോ കറന്റ് അക്കൗണ്ട് ഉടമ 50 ലക്ഷത്തില്‍ കൂടുതല്‍ തുകയുടെ ഇടപാട് നടത്തിയാലോ, സേവിംഗ്സ് അക്കൗണ്ടില്‍ 10 ലക്ഷത്തിന്റെ ഇടപാട് നടത്തിയാലോ അക്കൗണ്ട് വിവരങ്ങൾ ബാങ്ക് ആദായ നികുതി വകുപ്പിനെ അറിയിക്കും.
