മാസാമാസം കാശ് അടച്ചും സ്വർണം വാങ്ങാം, ഈ മൂന്ന് ജ്വല്ലറികളിൽ നിന്ന് സ്വർണം വാങ്ങേണ്ടത് ഇങ്ങനെ

കഴിഞ്ഞ 2-3 വർഷങ്ങളായി സ്വർണ വില കുത്തനെ ഉയരുകയും ഓഹരികളേക്കാളും മ്യൂച്വൽ ഫണ്ടുകളേക്കാളും മികച്ച വരുമാനം നൽകുകയും ചെയ്യുന്നുണ്ട്. വിവാഹം പോലുള്ള ഒരു ഭാവി ആവശ്യങ്ങൾക്കായി സ്വർണം വാങ്ങുന്നതിന് ഏറ്റവും മികച്ച മാർഗങ്ങളിലൊന്നാണ് ജ്വല്ലറികളുടെ സ്വർണ്ണാഭരണ പദ്ധതികളിൽ നിക്ഷേപം നടത്തുത എന്നത്. കൃത്യമായ പ്രതിമാസ നിക്ഷേപ പദ്ധതികളിലൂടെ നിങ്ങൾക്ക് സ്വർണം വാങ്ങാൻ കഴിയുന്ന ചില സ്വർണ്ണ സ്കീമുകൾ ഇതാ..

തനിഷ്ക് ഗോൾഡൻ ഹാർവെസ്റ്റ്

തനിഷ്ക് ഗോൾഡൻ ഹാർവെസ്റ്റ് സ്വർണ നിക്ഷേപ പദ്ധതി അനുസരിച്ച് ഓരോ മാസവും 2,000 രൂപയും അതിന്റെ ഗുണിതങ്ങളും നിക്ഷേപിക്കാൻ നിങ്ങൾക്ക് സാധിക്കും. ഒരാൾക്ക് ഇസി‌എസ് അല്ലെങ്കിൽ പോസ്റ്റ് ഡേറ്റഡ് ചെക്ക് മോഡ് വഴിയും നിക്ഷേപം നടത്താം. വീണ്ടെടുക്കൽ സമയത്ത് നിങ്ങൾക്ക് ഒരു ഗഡുവിന്റെ 75 ശതമാനം വരെ പ്രത്യേക കിഴിവ് ലഭിക്കും. അതിനാൽ, നിങ്ങളുടെ ആദ്യ ഗഡു 10,000 രൂപയായിരുന്നുവെങ്കിൽ, നിങ്ങൾ 10 മാസത്തേക്ക് 20,000 രൂപ നൽകണം, പക്ഷേ, നിങ്ങളുടെ വീണ്ടെടുക്കൽ മൂല്യം പതിമൂന്ന് മാസത്തിന് ശേഷം 21,500 രൂപയായിരിക്കും.

മുടക്കം വരുത്തിയാൽ

ഒരു നിശ്ചിത കാലയളവിനുശേഷം സ്വർണ്ണാഭരണങ്ങൾ വാങ്ങാൻ ആഗ്രഹിക്കുന്നവർക്ക് ഇത് ഒരു നല്ല പദ്ധതിയാണ്. നിക്ഷേപം ഇടയ്ക്ക് നിർത്തലാക്കിയാൽ നിങ്ങളുടെ കിഴിവും പലിശയും നഷ്ടപ്പെടുമെന്ന കാര്യം ഓർത്തിരിക്കേണ്ടത് പ്രധാനമാണ്. അതിനാൽ ഇടയ്ക്ക് വച്ച് നിക്ഷേപം നിർത്തുന്നത് നഷ്ടമായിരിക്കും.

ജി‌ആർ‌ടി ഗോൾഡൻ ഇലവൻ ഫ്ലെക്‌സി പ്ലാൻ

ഈ സ്കീമിന് കീഴിൽ 500 രൂപ മുതൽ നിക്ഷേപം നടത്താൻ ആരംഭിക്കാം. ഓൺലൈനായി നിക്ഷേപം നടത്താമെങ്കിലും വ്യക്തികൾക്ക് അവരുടെ പേയ്‌മെന്റുകളുടെ ട്രാക്ക് സൂക്ഷിക്കാൻ ഒരു പാസ് ബുക്ക് ലഭിക്കും. നൽകേണ്ട തുക 11 തുല്യ പ്രതിമാസ തവണകളിലാണ് അടയ്ക്കേണ്ടത്. അഡ്വാൻസ് പേയ്മെന്റ് നടത്തിയ ശേഷം വ്യക്തികൾക്ക് ആഭരണങ്ങൾ വാങ്ങുകയും ചെയ്യാം. ഡയമണ്ട്, പ്ലാറ്റിനം, അൺകട്ട് ഡയമണ്ട്സ്, റൂബി, എമറാൾഡ്, എത്‌നിക് ആൻഡ് വിന്റേജ് ജ്വല്ലറി, വെള്ളി ആഭരണങ്ങൾ, വെള്ളി ആഭരണങ്ങൾ എന്നിവ സ്കീമിലൂടെ വാങ്ങാൻ കഴിയില്ല.

കാലാവധി

ഉപഭോക്താവിന് മൂല്യം അടിസ്ഥാനമാക്കിയുള്ളതോ സ്വർണ്ണത്തിന്റെ തൂക്കം അടിസ്ഥാനമാക്കിയുള്ളതോ ആയ ഓപ്ഷൻ തിരഞ്ഞെടുക്കാം. പന്ത്രണ്ടാം മാസത്തിൽ ഉപഭോക്താവിന് ആഭരണങ്ങൾ വാങ്ങാൻ അർഹതയുണ്ട്. എൻറോൾ ചെയ്ത തീയതി മുതൽ 12മാസത്തിനുള്ളിൽ ആഭരണങ്ങൾ വാങ്ങുന്നില്ലെങ്കിൽ ഒരു ആനുകൂല്യവുമില്ലാതെ അടച്ച മൊത്തം അഡ്വാൻസ് തുക ജിആർടി തിരികെ നൽകും.

ജോസ് ആലുക്കാസ് ഈസി ബൈ

ജോസ് ആലുക്കാസ് ഈസി ബൈ പ്ലാൻ നിങ്ങളെ 12 തുല്യ പ്രതിമാസ തവണകളായി പണം അടയ്ക്കാൻ അനുവദിക്കുന്നു. നിർദ്ദിഷ്ട കാലാവധി പൂർത്തിയാക്കിയ ശേഷം, വരിക്കാർക്ക് ഒരു മാസത്തെ ഗഡു സൗജന്യമായി ലഭിക്കും. നിലവിലെ കോവിഡ് 19 പ്രതിസന്ധിയിൽ, ഒരു സ്റ്റോറുകളും സന്ദർശിക്കാതെ ഓൺലൈനായി പണമടയ്ക്കാൻ ആവശ്യമായ എല്ലാ ക്രമീകരണങ്ങളും ജ്വല്ലറി നടത്തിയിട്ടുണ്ട്.

ഓൺലൈൻ ഇടപാട്

രജിസ്ട്രേഷൻ നടത്തി, സ്കീം തിരഞ്ഞെടുത്ത്, ഓൺലൈനായി ഉപഭോക്താക്കൾക്ക് പേയ്മെന്റ് നടത്താവുന്നതാണ്. കാലാവധി പൂർത്തിയാക്കി, പരമാവധി ആനുകൂല്യങ്ങൾ‌ നേടാൻ പ്രത്യേകം ശ്രദ്ധിക്കണം. എല്ലാ സ്കീമുകളുടെയും കാര്യത്തിൽ, വാങ്ങുന്ന സമയത്തെ അപേക്ഷിച്ച് കുറഞ്ഞ സ്വർണ്ണ വിലയ്ക്കാണ് നിങ്ങൾ നിക്ഷേപം നടത്തിയിരുന്നതെങ്കിൽ നിങ്ങൾക്ക് പ്രയോജനം ലഭിക്കും. സ്കീം പൂർത്തിയായിക്കഴിഞ്ഞാൽ നിങ്ങൾക്ക് വാങ്ങാൻ കഴിയുന്ന സമയപരിധി ജ്വല്ലറിയുമായി പരിശോധിക്കേണ്ടതുണ്ട്.