1.5 ലക്ഷം രൂപ നിക്ഷേപമിട്ടാല്‍ പലിശയ്‌ക്കൊപ്പം 46,800 രൂപ ലാഭം! അറിയാം ഈ സ്ഥിര നിക്ഷേപം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

നികുതി ലാഭിക്കാനായി നിക്ഷേപത്തിലേക്ക് തിരിയുന്നവർക്ക് മുന്നിൽ 80സി ആനുകൂല്യം ലഭിക്കുന്ന മ്യൂച്വല്‍ ഫണ്ട്, ലൈഫ് ഇന്‍ഷൂറന്‍സ്, സ്ഥിര നിക്ഷേപം, പബ്ലിക്ക് പ്രൊവിഡന്റ് ഫണ്ട് എന്നി പദ്ധതികളുണ്ട്. ഈ നിക്ഷേപങ്ങളില്‍ ആദായ നികുതി നിയമത്തിലെ സെക്ഷന്‍ 80സി പ്രകാരം 1.5 ലക്ഷം രൂപയില്‍ പരമാവധി നികുതി ഇളവ് ലഭിക്കുന്നുണ്ട്.

 

എന്നാല്‍ ഓരോ നിക്ഷേപത്തില്‍ നിന്നുള്ള ആദായം വ്യത്യസ്മായിരിക്കും. ചിലത് ഓഹരി വിപണിയുമായി ബന്ധപ്പെട്ട് കിടക്കുന്നതാണ്. മറ്റ് ചിലത് ഗ്യാരണ്ടീഡ് റിട്ടേണ്‍ ഉറപ്പു നല്‍കുന്നവയുും. ഇതിനാൽ നികുതി ലാഭിക്കുന്നതിനൊപ്പം ആദായം കൂടി പ്രതീക്ഷിക്കുന്നവർ നഷ്ട സാധ്യത മനസിലാക്കി വേണം ടാക്‌സ സേവിംഗ് പദ്ധതികളിൽ നിക്ഷേപിക്കാന്‍.

വിശദാംശങ്ങൾ

അധികം റിസ്‌കെടുക്കാന്‍ താല്‍പര്യമില്ലാത്ത, ഗ്യാരണ്ടീഡ് ആദായം താല്‍പര്യപ്പെടുന്നൊരാള്‍ക്ക് ടാക്‌സ് സേവിംഗ് സ്ഥിര നിക്ഷേപം തിരഞ്ഞെടുക്കാം. സുരക്ഷിതത്വത്തിനൊപ്പം ഉയർന്ന ആദായം ലഭിക്കുക കൂടി ചെയ്യുമ്പോഴാണ് സ്ഥിര നിക്ഷേപം കളറാകുന്നത്.

സാധാരണ ​ഗതിയിൽ ചെറിയ പലിശ നിരക്ക് ലഭിക്കുന്ന സ്ഥിര നിക്ഷേപങ്ങളെ അപേക്ഷിച്ച് ഉയർന്ന പലിശ ടാക്സ് സേവിം​ഗ് സ്ഥിര നിക്ഷേപം നൽകും. പലിശ വരുമാനത്തിനൊപ്പം നല്ലൊരു തുക പോക്കറ്റിലെത്തിക്കുന്ന ഇവ നികുതി വഴി 50,000 രൂപയോളം ലാഭിച്ചു തരും. വിശദാംശങ്ങൾ എന്തൊക്കെയാണെന്ന് നോക്കാം. 

ടാക്സ് സേവിം​ഗ് സ്ഥിര നിക്ഷേപം

ടാക്സ് സേവിം​ഗ് സ്ഥിര നിക്ഷേപം

ആദായ നികുതി നിയമത്തിലെ സെക്ഷന്‍ 80സി പ്രകാരമുള്ള 1.5 ലക്ഷത്തിന്റെ നികുതിയിളവ് ലഭിക്കുന്ന സ്ഥിര നിക്ഷേപമാണ് ടാകസ് സേവിംഗ്‌ സ്ഥിര നിക്ഷേപം. 5 വര്‍ഷം ലോക്ക്ഇന്‍ പിരിയഡ് ഈ നിക്ഷേപത്തിനുണ്ട്. കാലവധിക്ക് മുന്‍പ് ഭാഗികമായോ പൂര്‍ണമായോ നിക്ഷേപം പിന്‍വലിക്കാന്‍ സാധിക്കില്ല എന്നർഥം. ബാങ്കുകളിൽ 5 വർഷത്തേക്കുള്ള സാധാരണ സ്ഥിര നിക്ഷേപത്തേക്കാൾ പലിശ ലഭിക്കും.

നിക്ഷേപത്തിന് മുകളില്‍ വായ്പ, ഓവര്‍ ഡ്രാഫ്റ്റ് സൗകര്യങ്ങള്‍ ലഭിക്കുകയുമില്ല. വ്യക്തികൾക്കും ഹിന്ദു അഭിവക്ത കുടുംബങ്ങള്‍ക്കുമാണ് ടാക്‌സ് സേവിംഗ് സ്ഥിര നിക്ഷേപം ഉപയോ​ഗപ്പെടുത്താൻ സാധിക്കുന്നത്. എന്നാൽ ഈ നിക്ഷേപത്തിലെ പലിശയ്ക്ക് ആദായ നികുതി ഇളവൊന്നും ലഭിക്കുന്നില്ല. 

എത്ര രൂപ ലാഭിക്കാം

എത്ര രൂപ ലാഭിക്കാം

ടാക്‌സ് സേവിംഗ് സ്ഥിര നിക്ഷേപത്തിൽ നിന്നുള്ള ലാഭം നികുതി ബ്രാക്കറ്റിനെ ആശ്രയിച്ച് വ്യത്യാസപ്പെടും. 30% ബ്രാക്കറ്റിലുള്ള ഒരാള്‍ 1.5 ലക്ഷം രൂപ നിക്ഷേിച്ചാൽ 45,000 രൂപയും ഇതിനൊപ്പം 4 ശതമാനം എജുക്കേഷൻ സെസ്, 1,800 രൂപയും ചേർത്ത് വര്‍ഷത്തില്‍ മൊത്തം 46,800 രൂപയുടെ നികുതിയിളവ് ക്ലെയിം ചെയ്യാം.

20 ശതമാനം ബ്രാക്കറ്റിലുള്ള ഒരാള്‍ക്ക് 30,000 രൂപയും വിദ്യാഭ്യാസ സെസ് 1200 രൂപയും ചേർത്ത് മൊത്തം കിഴിവ് 31,200 രൂപ ലഭിക്കും. നികുതി ആനുകൂല്യങ്ങള്‍ ക്ലെയിം ചെയ്യാൻ പഴയ നികുതി വ്യവസ്ഥ തിരഞ്ഞെടുക്കണം. 

ടാക്സ് സേവിം​ഗ്സ് എഫ്ഡി പലിശ നിരക്ക്

ടാക്സ് സേവിം​ഗ്സ് എഫ്ഡി പലിശ നിരക്ക്

രാജ്യത്തെ പ്രധാന പൊതുമേഖലാ, സ്വകാര്യ മേഖല ബാങ്കുകൾ ടാക്സ് സേവിം​ഗ് സ്ഥിര നിക്ഷേപത്തിന് നൽകുന്ന പലിശ നിരക്കാണ് ചുവടെ. സാധാരണ നിക്ഷേപകർക്ക് ബാങ്ക് നൽകുന്ന പലിശ നിരക്കാണിത്. മുതിർന്ന പൗരന്മാർക്ക് ഇതിലും ഉയർന്ന നിരക്ക് ലഭിക്കും.

ഇൻഡസ്ഇൻഡ് ബാങ്ക് 6.75%
യെസ് ബാങ്ക്- 6.75%
ഡിസിബി ബാങ്ക്- 6.60%
ആർബിഎൽ ബാങ്ക്- 6.55%
ഐഡിഎഫ്സി ഫസ്റ്റ് ബാങ്ക്- 6.50%

ഇന്ത്യൻ ഓവർസീസ് ബാങ്ക്- 5.85%
കാനറ ബാങ്ക്- 5.75%
പഞ്ചാബ് നാഷണൽ ബാങ്ക്- 5.75%
യൂണിയൻ ബാങ്ക്- 5.75%
സ്റ്റേറ്റ് ബാങ്ക് ഓഫ് ഇന്ത്യ- 5.65%

 

Read more about: fixed deposit income tax
English summary

Invest In Tax Saving Fixed Deposits; Save Rs 46,800 As Tax And Get High Interest Rate

Invest In Tax Saving Fixed Deposits; Save Rs 46,800 As Tax And Get High Interest Rate
Story first published: Tuesday, September 27, 2022, 16:25 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X