Just In
-
-
-
-
Don't Miss
-
ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക് -
ഉര്വശി ചിത്രത്തില് ദിലീപിന് കിട്ടിയത് 3000 രൂപ; അദ്ദേഹം കരഞ്ഞുകൊണ്ട് എന്റെ അടുത്ത് വന്നു; വിജി തമ്പി -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വിരമിക്കൽ കാലത്തിന് ശേഷം സുവർണ കാലമാകാൻ കൃത്യമായ മാസ വരുമാനം ലഭിക്കേണ്ടതുണ്ട്. പെന്‍ഷന്‍ യോഗ്യരായുള്ളവർക്ക് വിരമിക്കല്‍ കാലത്ത് വലിയ ആശങ്കയില്ല. ജോലിയില്‍ നിന്ന് വിരമിച്ച ശേഷം സമ്പാദ്യത്തിൽ നിന്ന് ചെലവാക്കുന്നവരാകും ബാക്കിയുള്ളവർ.
ഇത്തരക്കാർക്ക് ഈ തുക മികച്ച പദ്ധതികളിൽ നിക്ഷേപിച്ച് അതിൽ നിന്നുള്ള വരുമാനം ഉപയോഗപ്പെടുത്താൻ ശ്രമിക്കണം. ഇതിന് സാധിക്കുന്നൊരു കേന്ദ്ര സർക്കാർ പദ്ധതിയാണ് സീനിയര്‍ സിറ്റിസണ്‍ സേവിംഗ്‌സ് സ്‌കീം. മാസത്തിൽ 20,000 രൂപ വരെ പെൻഷൻ നേടാൻ ആഗ്രഹിക്കുന്നവർക്ക് ഈ പദ്ധതി ചേരാം. വിശദാംശങ്ങൾ ഇങ്ങനെ.
സീനിയര്‍ സിറ്റിസണ്‍ സേവിംഗ്‌സ് സ്‌കീം
കേന്ദ്ര ധനമന്ത്രാലയത്തിന്റെ സാമൂഹിക ക്ഷേമ പദ്ധതികളിലൊന്നാണ് സീനിയര്‍ സിറ്റിസണ്‍ സേവിംഗ്‌സ് സ്‌കീം. മുതിര്‍ന്ന പൗരന്മാര്‍ക്ക് റിസ്‌കില്ലാതെ നിക്ഷേപിക്കാനും പെന്‍ഷന്‍ കണക്കെ പലിശ വരുമാനം ലഭിക്കും എന്നുള്ളതാണ് നേട്ടം. 60 വയസ് പൂർത്തിയായവർക്ക് മാത്രമാണ് പദ്ധതിയിൽ ചേരാൻ സാധിക്കുക. ഭാര്യയ്ക്കും ഭര്‍ത്താവിനുമായി അക്കൗണ്ട് ആരംഭിക്കാം.
വ്യക്തിഗത അക്കൗണ്ടുകളും ആംരംഭിക്കാം. ജോയിന്‍റ് അക്കൗണ്ടില്‍ ആദ്യ ഹോള്‍ഡര്‍ക്കാണ് പ്രായ പരിധി ബാധകമാവുക. നിക്ഷേപിച്ച പണം ഒന്നാം ഹോള്‍ഡറുടെ ചുമതലയിലായിരിക്കും. പോസ്റ്റ് ഓഫീസ് വഴിയോ ബാങ്ക് വഴിയോ പദ്ധതിയിൽ ചേരാനാകും.
പലിശ നിരക്ക്
8 ശതമാനമാണ് സീനിയര്‍ സിറ്റിസണ്‍ സേവിംഗ്‌സ് സ്‌കീമില്‍ പലിശ. മൂന്ന് മാസം കൂടുമ്പോഴാണ് പലിശ നല്‍കുന്നത്. മാര്‍ച്ച് 31, ജൂണ്‍ 30, സെപ്റ്റംബര്‍ 30, ഡിസംബര്‍ 31 എന്നിങ്ങനെ വര്‍ഷത്തില്‍ നാല് തവണ പലിശ ലഭിക്കും. നിക്ഷേപത്തിന് ആദായ നികുതി നിയമത്തിലെ 80സി പ്രകാരം നികുതിയിളവുണ്ട്. പലിശ 50,000 രൂപ കടന്നാല്‍ മുന്‍കൂര്‍ നികുതി പിടിച്ച (ടിഡിഎസ്) ശേഷമുള്ള തുകയാണ് അനുവദിക്കുക.
നിക്ഷേപം
ചുരുങ്ങിയ നിക്ഷേപം 1,000 രൂപയാണ്. ആയിരത്തിന്റെ ഇരട്ടിയാക്കി നിക്ഷേപം ഉയര്‍ത്താം. സീനിയര്‍ സിറ്റിസണ്‍ സേവിംഗ്‌സ് സ്‌കീമില്‍ നിക്ഷേപകര്‍ക്ക് കൂടുതല്‍ തുക നിക്ഷേപിക്കാനുള്ള അവസരം ഇനി മുതല്‍ ലഭിക്കും. 15 ലക്ഷമായിരുന്നു പരമാവധി നിക്ഷേപ പരിധി ബജറ്റില്‍ നിര്‍മലാ സീതാരാമന്‍ 30 ലക്ഷം രൂപയാക്കി ഉയര്‍ത്തിയിട്ടുണ്ട്. ഒരാള്‍ക്ക് എത്ര സീനിയര്‍ സിറ്റിസണ്‍ സേവിംഗ്‌സ് സ്‌കീം അക്കൗണ്ടുകളും ആരംഭിക്കാം. ആകെ നിക്ഷേപം 30 ലക്ഷത്തിൽ കൂടാൻ പാടില്ല.
കാലാവധി, നേരത്തെയുള്ള പിൻവലിക്കൽ
ത്രൈമാസത്തില്‍ പലിശ വരുമാനം ലഭിക്കുന്നൊരു പദ്ധതിയാണ് സീനിയര്‍ സിറ്റിസണ്‍ സേവിംഗ്‌സ് സ്‌കീം. 5 വര്‍ഷമാണ് പദ്ധതിയുടെ കാലാവധി. മൂന്ന് വര്‍ഷം കൂടി പദ്ധതിയുടെ കാലാവധി നിക്ഷേകന് നീട്ടി ആവശ്യപ്പെടാം. അക്കൗണ്ട് ആരംഭിച്ച ശേഷം എപ്പോള്‍ വേണമെങ്കിലും പിന്‍വലിക്കാം. ഒരു വര്‍ഷത്തിന് മുന്‍പെ അക്കൗണ്ട് പിന്‍വലിച്ചാല്‍ പലിശയ്ക്ക് അര്‍ഹതയില്ല.
പലിശ അനുവദിച്ചിട്ടുണ്ടെങ്കില്‍ അത് കുറച്ചിട്ടാണ് പിന്‍വലിക്കാന്‍ അനുവദിക്കുക. ഒരു വര്‍ഷം പൂര്‍ത്തിയാക്കി രണ്ട് വര്‍ഷത്തിനുള്ളില്‍ പിന്‍വലിക്കുമ്പോള്‍ മുതലില്‍ നിന്ന് 1.5 ശതമാനം കുറച്ചാണ് അനുവദിക്കുക. രണ്ട് വര്‍ഷത്തിനും അഞ്ച് വര്‍ഷത്തിനും ഇടിയലുള്ള പിന്‍വലിക്കലിന് മുതലില്‍ നിന്ന് ഒരു ശതമാനം കുറവ് വരുത്തി പണം പിന്‍വലിക്കാന്‍ അനുവദിക്കും. കാലാവധി നീട്ടിയ അക്കൗണ്ട് ഒരു വര്‍ഷം പൂര്‍ത്തിയായ ശേഷം പിഴയില്ലാതെ പിന്‍വലിക്കാം.
മാസ വരുമാനം 20,000 രൂപ
30 ലക്ഷം നിക്ഷേപ പരിധി ഉയര്‍ത്തിയതോടെ സീനിയര്‍ സിറ്റിസണ്‍ സേവിംഗ്‌സ് സ്‌കീമില്‍ നിന്ന് നല്ലൊരു മാസ വരുമാനം ഇനി പ്രതീക്ഷിക്കാം. 30 ലക്ഷം രൂപ നിക്ഷേപിക്കുന്നൊരാൾക്ക് 8 ശതമാനം പലിശ ലഭിച്ചാല്‍ എത്ര തുക 5 വര്‍ഷത്തേക്ക് ലഭിക്കുമെന്ന് നോക്കാം.
വർഷത്തിൽ 2,40,000 രൂപയാണ് പലിശ വരുമാനമായി ലഭിക്കുന്നത്. ത്രൈമാസത്തിൽ പലിശ തിരഞ്ഞെടുത്ത വ്യക്തിക്ക് 60,000 രൂപയാണ് ലഭിക്കുക. മാസത്തില്‍ കണക്കാക്കുമ്പോൾ 20,000 രൂപ സീനിയര്‍ സിറ്റിസണ്‍ സേവിംഗ്‌സ് സ്‌കീമിൽ നിന്ന് ലഭിക്കും.
