Just In
-
-
-
-
Don't Miss
-
യുഎഇയും ഖത്തറും തുര്ക്കിയുടെ കൂടെ; ഇറാഖില് നിന്ന് പുതിയ പാത, ഇന്ത്യന് മോഹങ്ങള്ക്ക് തിരിച്ചടി -
ഗബ്രിയെ തേക്കുന്ന ദിവസം; ജാസ്മിന് ചതിച്ചത് ഒരേസമയം രണ്ട് പേരെ; നിലനില്പ്പിന് വേണ്ടി എന്തും ചെയ്യും! -
ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം -
രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
നിക്ഷേപമായി നല്ലൊരു തുക ബാങ്കിലുണ്ട്. എന്നാല്‍ അത്യാവശ്യത്തിന് എടുത്ത് ഉപയോഗിക്കാന്‍ സേവിംഗ്സ് അക്കൗണ്ടില്‍ ആവശ്യത്തിന് പണമില്ലാത്ത അവസ്ഥ. പലരും അനുഭവിച്ച സാഹചര്യമായിരിക്കും ഇത്. ഇവിടെ സ്ഥിര നിക്ഷേപം പിഴയോടെ പിന്‍വലിച്ച് ആവശ്യം നടത്തുക എന്നത് മാത്രമാണ് ചെയ്യാനാവുക. സാധാരണ ബാങ്ക് അക്കൗണ്ടില്‍ മികച്ച പലിശ പ്രതീക്ഷിച്ചാണ് എല്ലാവരും നിക്ഷേപിക്കുന്നത്. പലിശ നിരക്ക് മികച്ചതാണെങ്കിലും ലിക്വിഡിറ്റിയില്ലെന്നതാണ് സ്ഥിര നിക്ഷേപത്തിന്റെ പോരായ്മ.
ബാങ്കുകളിലെ സ്വീപ് ഇന്‍ സ്ഥിര നിക്ഷേപം ഉപയോഗിക്കുന്നൊരാള്‍ക്ക് ആവശ്യ സമയത്ത് സേവിംഗ്സ് അക്കൗണ്ട് പോലെ പണം പിന്‍വലിക്കാനും ബാക്കി തുകയ്ക്ക് സ്ഥിര നിക്ഷേപത്തിന്റെ പലിശ ലഭിക്കുകയും ചെയ്യും. ഇതുപോലെ സേവിംഗ്സ് അക്കൗണ്ടിലെ പണത്തിന് സ്ഥിര നിക്ഷേപത്തിന്റെ പലിശ ലഭിക്കും. ഈ തരത്തിലുള്ള പദ്ധതികൾ എസ്ബിഐയില്‍ ലഭിക്കും. ഇതിന്റെ വിശദാംശങ്ങൾ നോക്കാം.
എസ്ബിഐ മള്‍ട്ടി ഓപ്ഷന്‍ ഡെപ്പോസിറ്റ് സ്‌കീം
ടേം ഡെപ്പോസിറ്റ് സേവിംഗ്സ് അക്കൗണ്ടുമായി ലിങ്ക് ചെയ്യുന്ന അക്കൗണ്ടുകളാണ് എസ്ബിഐ മള്‍ട്ടി ഓപ്ഷന്‍ ഡെപ്പോസിറ്റ് സ്‌കീം. സാധാരണ ടേം ഡെപ്പോസിറ്റില്‍ നിന്ന് മാറി ഏത് സമയത്തും പണം പിന്‍വലിക്കാന്‍ സാധിക്കുന്നൊരു ടേം ഡെപ്പോസിറ്റ് സൗകര്യമാണ് എസ്ബിഐ മള്‍ട്ടി ഓപ്ഷന്‍ ഡെപ്പോസിറ്റ് സ്‌കീമിലുള്ളത്.
1,000 രൂപയുടെ ഗുണിതങ്ങളായി എത്ര രൂപ വേണമെങ്കിലും എസ്ബിഐ മള്‍ട്ടി ഓപ്ഷന്‍ ഡെപ്പോസിറ്റ് സ്‌കീം വഴി പിന്‍വലിക്കാം. അക്കൗണ്ടില്‍ ബാക്കിയുള്ള തുകയ്ക്ക് സ്ഥിര നിക്ഷേപത്തിന്റെ പലിശ നിരക്ക് ലഭിക്കും. 1 വര്‍ഷം മുതല്‍ 5 വര്‍ഷം വരെയാണ് എസ്ബിഐ മള്‍ട്ടി ഓപ്ഷന്‍ ഡെപ്പോസിറ്റ് സ്‌കീമിന്റെ കാലാവധി.
സേവിംഗ്സ് അക്കൗണ്ടിന് സ്ഥിര നിക്ഷേപത്തിന്റെ പലിശ
അത്യാവശ്യത്തിനായി ഉപയോഗിക്കേണ്ട തുക കുറഞ്ഞ പലിശയ്ക്ക് സേവിംഗ്സ് അക്കൗണ്ടിലേക്ക് നിക്ഷേപിക്കുന്നവരാണ് പലരും. ഇതിന് വളരെ കുറഞ്ഞ പലിശയാണ് ലഭിക്കുന്നത്. ഇതിന് പകരം സേവിംഗ്സ് അക്കൗണ്ടിലെ പണത്തിന് സ്ഥിര നിക്ഷേപത്തിന്റെ പലിശ ലഭിക്കുന്ന നിക്ഷേപങ്ങൾ തിരഞ്ഞെടുക്കാം.
സ്വീപ് ഇന്‍ ഫിക്‌സഡ് ഡെപ്പോസിറ്റ് ഡെപ്പോസിറ്റ് എന്ന പേരിലറിയപ്പെടുന്ന നിക്ഷേപം വഴി അധികം വരുന്ന തുക സ്ഥിര നിക്ഷേപമാക്കി മാറ്റാം. ഓരോ ബാങ്കിലും ഈ പദ്ധതി ഓരോ പേരിലായിരിക്കും അറിയപ്പെടുന്നത്.
എസ്ബിഐ സേവിംഗ്സ് പ്ലസ് അക്കൗണ്ട്
സേവിംഗ്സ് അക്കൗണ്ടിലെ പണത്തിന് സ്ഥിര നിക്ഷേപത്തിന്റെ പലിശ നിരക്ക് ലഭിക്കാൻ എസ്ബിഐ സേവിംഗ്സ് പ്ലസ് അക്കൗണ്ട് ആരംഭിക്കുകയാണ് വേണ്ടത്. സേവിംഗ്സ് അക്കൗണ്ടില്‍ വരുന്ന നിശ്ചിത പരിധി കഴിഞ്ഞുള്ള തുക ഓട്ടോമാറ്റിക്കലി ടേം ഡെപ്പോസിറ്റിലേക്ക് മാറ്റും. 1000 രൂപയുടെ ഗുണിതങ്ങളായാണ് ടേം ഡെപ്പോസിറ്റായി മാറ്റുന്നത്. ഈ അക്കൗണ്ട് എസ്ബിഐ മള്‍ട്ടി ഓപ്ഷന്‍ ഡെപ്പോസിറ്റ് സ്‌കീമുമായി ബന്ധപ്പെടുത്തിയിട്ടുണ്ട്.
1 വർഷം മുതൽ 5 വര്‍ഷമാണ് സേവിംഗ്സ് പ്ലസ് അക്കൗണ്ടിന്റെ കാലാവധി. ഈ അക്കൗണ്ടില്‍ മന്ത്‌ലി ആവറേജ് ബാലന്‍സ് സൂക്ഷിക്കേണ്ടതില്ല. മള്‍ട്ടിപ്പിള്‍ ഓപ്ഷന്‍ ഡെപ്പോസിറ്റ് സ്‌കീലേക്ക് ചുരുങ്ങിയത് 10,000 രൂപയാണ് ട്രാന്‍സ്ഫര്‍ ചെയ്യാന്‍ സാധിക്കുക.
കാൽക്കുലേറ്റർ
സ്വീപ് ഇന്‍ എഫ്ഡി സൗകര്യം എങ്ങനെ പ്രവര്‍ത്തിക്കുമെന്ന് ഉദാഹരണ സഹിതം നോക്കാം. എസ്ബിഐയിൽ സേവിംഗ്സ് പ്ലസ് അക്കൗണ്ട് ആരംഭിച്ച സ്നേഹ അക്കൗണ്ടിലെ സ്വീപ് ഇന്‍ പരിധി 30,000 രൂപയായാണ് നിശ്ചയിച്ചത്. അക്കൗണ്ടിൽ 25,000 രൂപ ബാലൻസ് ഉള്ളപ്പോൾ സുഹൃത്തായി പ്രതീഷ് നൽകിയ 40,000 രൂപ സ്നേഹയുടെ സേവിംഗ്സ് അക്കൗണ്ടിലേക്ക് എത്തിയാൽ 65,000 രൂപ അക്കൗണ്ടിലുണ്ടാകും. നിശ്ചയിച്ച തുകയേക്കാൾ 35,000 രൂപ കൂടുതലായതിനാൽ ഈ തുക സ്ഥിര നിക്ഷേപത്തിലേക്ക് മാറ്റും.
