<p><strong>

</strong>ഇന്ത്യയിലെ സ്വര്‍ണത്തിന്റെ അവധി വ്യാപാരം അതിന്റെ റെക്കോഡ് ഉയരത്തിലാണ്. എന്തായിരിക്കും മുന്നോട്ടുള്ള ദിവസങ്ങളില്‍ സ്വര്‍ണത്തിന്റെ വിലയ സ്വാധീനിക്കുന്ന ഘടകങ്ങള്‍?</p> <p>തീര്‍ച്ചയായും അമേരിക്കയിലെയും യൂറോപ്പിലെ സാമ്പത്തിക സ്ഥിതി തന്നെയാണ് സ്വര്‍ണ വിലയെ സ്വാധീനിക്കുന്ന ഏറ്റവും പ്രധാനപ്പെട്ട ഘടകം. യൂറോപ്യന്‍ സെന്‍ട്രല്‍ ബാങ്കും അമേരിക്കന്‍ ഫെഡറല്‍ റിസര്‍വും പ്രഖ്യാപിക്കാനിരിക്കുന്ന നയപരിപാടികള്‍ സ്വര്‍ണവിലയെ സംബന്ധിച്ചിടത്തോളം നിര്‍ണായകമാണ്.</p> <p>ആഭ്യന്തര വിപണിയില്‍ രൂപയുടെ മൂല്യത്തില്‍ വര്‍ധനവുണ്ടാവുകയാണെങ്കില്‍ സ്വര്‍ണത്തിന് വിലകുറയാനാണ് സാധ്യത. കഴിഞ്ഞ കുറെ കാലങ്ങളായി ഓഹരി വിപണിയും ഇന്ത്യന്‍ രൂപയും താഴോട്ട് തന്നെ ഇറങ്ങിയതാണ് രാജ്യത്തിനുള്ളില്‍ സ്വര്‍ണ വിലയില്‍ വര്‍ധനവുണ്ടാക്കിയത്.<br />ലോകത്ത് സ്വര്‍ണം ഏറ്റവും കൂടുതല്‍ ഉപയോഗിക്കുന്ന രാജ്യങ്ങളില്‍ ഒന്നാണ് ഇന്ത്യ. തീര്‍ച്ചയായും ഇന്ത്യന്‍ വിപണിയില്‍ സ്വര്‍ണത്തിനുള്ള ഡിമാന്റ് വര്‍ധിക്കുന്നതും വില വര്‍ധനവിനു കാരണമാകും.</p> <p>ആഗോള ഓഹരി വിപണികള്‍ നഷ്ടത്തിലേക്ക് പോവുകയാണെങ്കില്‍ സുരക്ഷിത നിക്ഷേപമെന്ന നിലയില്‍ ആളുകള്‍ സ്വര്‍ണത്തിലേക്ക് പണമൊഴുക്കാന്‍ തുടങ്ങുമെന്ന കാര്യത്തില്‍ യാതൊരു സംശയവുമില്ല. നിലവിലുള്ള കുതിപ്പില്‍ നിന്നും എളുപ്പത്തില്‍ ലാഭമുണ്ടാക്കുന്നതാണ് നല്ലത്. സ്വര്‍ണത്തിന്റെ കുതിപ്പ് വലിയൊരു കുമിളയ്ക്ക് തുല്യമാണെന്ന് അഭിപ്രായപ്പെടുന്നവരാണ് ഇത്തരമൊരു മുന്നറിയിപ്പ് നല്‍കുന്നത്.</p>