<p>എല്ലാ വഴികളും അടയുമ്പോള്‍ ഒരു ഭാഗ്യപരീക്ഷണത്തിന് മുതിരാത്ത ആരെങ്കിലുമുണ്ടാകുമോ ? ആ സാഹചര്യത്തിലാണ് ഒരു ലോട്ടറി അടിച്ചെങ്കിലെന്ന് നമ്മള്‍ സ്വപ്‌നം കാണുക. ലോട്ടറിയടിക്കുന്നത് സ്വപ്‌നം കാണാന്‍ വരട്ടെ....അതിനുമുമ്പ് ലോട്ടറിയടിച്ചാല്‍ നല്‍കേണ്ട നികുതിയെക്കുറിച്ചുളള കുറച്ചു കാര്യങ്ങളിലേക്ക്...</p> <p><strong>30 ശതമാനം നികുതി</strong></p> <p>ഒരുപക്ഷേ നിങ്ങള്‍ക്ക് ലോട്ടറി അടിച്ചെന്ന് വിചാരിക്കുക. അങ്ങനെയിരിക്കുമ്പോള്‍ നല്‍കേണ്ട നികുതി തുക എത്രയെന്ന് അറിയാമോ ? എന്നാല്‍ കേട്ടോളൂ, അടിച്ച തുകയുടെ 30 ശതമാനമാണ് നികുതിയായി അടക്കേണ്ടിവരിക. 10,000 രൂപയ്ക്ക് രൂപയ്ക്ക് മുകളില്‍ ലോട്ടറിയടിച്ചാല്‍ മാത്രമാണ് ഇക്കാര്യം ബാധകം. ഒരുലക്ഷം രൂപ ലോട്ടറിയടിക്കുന്ന ഒരാള്‍ക്ക് 70,000 രൂപ മാത്രമാണ് കയ്യില്‍കിട്ടുക. ഇതിനുപുറമെ മൂന്ന് ശതമാനം എഡ്യുക്കേഷന്‍ സെസ് കൂടി നല്‍കണം.</p> <p><strong>

</strong></p> <p><br /><strong>കുതിരപ്പന്തയത്തിനുമുണ്ട് നികുതി</strong></p> <p>ലോട്ടറിയടിച്ചാല്‍ മാത്രമാണ് നികുതി നല്‍കേണ്ടതെന്ന് തെറ്റിദ്ധരിക്കല്ലേ...കുതിരപ്പന്തയം പോലുളളവയ്ക്കും ഒരു നിശ്ചിത തുക നികുതി അടക്കേണ്ടതുണ്ട്. 30 ശതമാനം നികുതി തന്നെയാണ് ഇവിടെയും ഈടാക്കുന്നത്.</p> <p><strong>നികുതി നിര്‍ബദ്ധം</strong></p> <p>നികുതി അടക്കാതെ മുങ്ങിക്കളയാമെന്ന ചിന്ത ആര്‍ക്കും വേണ്ട കേട്ടോ. ലോട്ടറിയായാലും കുതിരപ്പന്തയമായാലും ഒരു നിശ്ചിത തുക നികുതി അടക്കാതെ നിര്‍വാഹമില്ല. ഇന്‍കം ടാക്‌സ് അധികൃതരെ പറ്റിച്ച് കടന്നുകളയാമെന്ന ചിന്തയേ വേണ്ടെന്ന് ചുരുക്കം.</p> <p>ചുരുക്കത്തില്‍പ്പറഞ്ഞാല്‍ എല്ലാ നികുതിയും കഴിയുമ്പോള്‍ കൈയ്യില്‍ കിട്ടുന്ന സംഖ്യ എത്രയാണെന്നാവും ഇപ്പോഴത്തെ ചിന്ത. ലോട്ടറിയടിച്ചെന്ന് കേട്ടപാതി കേള്‍ക്കാത്തപാതി ഓടിയെത്തും ചിലവെന്ന് പറഞ്ഞ് ഒരുകൂട്ടം. അതിനും നല്ലൊരു തുക കരുതേണ്ടിവരും. എന്നാപ്പിന്നെ ലോട്ടറിയേ എടുക്കുന്നില്ലെന്ന് മനസ്സില്‍ കരുതുന്നുണ്ടോ. എന്തായാലും ലോട്ടറിയൊക്കെ വെറും ഭാഗ്യപരീക്ഷണമല്ലേ അത്യാഗ്രഹം പാടില്ലല്ലോ...</p>